Read Baibul, Mizo Jeremia 28 Bible Online

Jeremia 28 - Baibul, Mizo bible

Jeremia 28

¹Tin, heti hi a lo ni a, chumi kum vek, Juda lal Zedekia lal tantirh lam, a kum ina, thla nganaah chuan zawlnei Hanania, Azura fapa, Gibeon mi chuan puithiamte leh mipui zawng zawng hnenah, LALPA inah chuan, mi bia a, ka hnenah,

²Sipaihote LALPA, Israel Pathian chuan heti hian a ti: Babulon lal nghawngkawl chu ka titliak ta.

³Kum hnih pumhlum chhungin LALPA in bungbel Babulon lal Nebukadnezzaran hemi hmun ata a laka, Babulon thlenga a kalpui zawng zawng kha, he hmun ngeiah hian ka rawn thlen leh vek ang.

⁴He hmunah hian Juda lal Jehoiakima fapa, Jekonioa leh Babulona kal Juda sal zawng zawng chu ka hruai kir leh ang; Babulon lal nghawngkawl ka titliak dawn si a, tih hi LALPA thu chhuak a ni,' tiin.

⁵Tin, zawlnei Jeremia chuan puithiamte leh LALPA ina ding mipui zawng zawng hmaah chuan zawlnei Hanania hnenah,

⁶zawlnei Jeremia ngei chuan, "Amen, LALPA chuan chutiangin ti tak rawh se; LALPA ina bungbelte leh sal tannaa mi zawng zawng babulon ata hemi hmuna rawn thlen tura i sawi chu LALPA chuan ti ngei rawh se.

⁷Amaherawhchu mipui zawng zawng leh nangma benga ka thu sawi hi ngaithla rawh khai.

⁸Keimah leh nangma hmaah hmasang zawlneite chuan ram tam takte chungah leh lalna ram ropui takte chungah indona te, thil tha lo te, leh hripui thute an sawi thin a.

⁹zawlnei, muanna thu sawitu thu sawi chu a lo thlen hunah, chu zawlnei chu LALPA chuan a tir ngei a ni tih a hriat mai ang chu," a ti a.

¹⁰Tin, zawlnei Hanania chuan nghawngkawl, zawlnei Jeremian a bah chu a la a, a titliak a.

¹¹Tin, mipui zawng zawng hmaah Hanania chuan, "Heti hian LALPA chuan a ti: Hetiang ngei hian Babulon lal Nebukadnezzara nghawngkawl chu kum hnih pumhlum chhung ngeiin hnamte zawng zawng nghawng ata ka titliak ang," a ti a. Tin, zawlnei Jeremia chuan a kalsan ta a.

¹²Tin, zawlnei Hanania chuan zawlnei Jeremia nghawng ata nghawngkawl a tihtliah hnuah chuan Jeremia hnenah LALPA thu a lo thleng a,

¹³Kal la Heti hian LALPA chuan a ti. Thing nghawngkawl chu i titliak a, a aiah thir nghawngkawl i siamsak zawk a nih hi.

¹⁴Heti hian Israel Pathian, Sipaihote LALPA chuan a ti si a: Babulon lal Nebukadnezzara rawng an bawl theihna'n he'ng hnam zawng zawng hi thir nghawngkawl bahtir a ni: ama rawng an bawl ang: ramhnuaia ramsate pawh amah ka pe bawk a ni, tiin.

¹⁵Tin, zawlnei Jeremia chuan zawlnei Hanania hnenah, "Ngai rawh, Hana ni, LALPA'n a tir awzawng lo che: Heng mite hi dawt i rintir mai a nih zawk hi.

¹⁶chuvangin heti hian LALPA chuan a ti: Ngai teh, lei chung ata hi ka tibo daih ang che: LALPA chunga helna thu i sawi avangin kumin ngeiah hian i thi ang," a ti a.Tichuan chumi ku vek, thla sarihnaah chuan zawlnei Hanania chu a thi ta a.

¹⁷Tichuan chumi ku vek, thla sarihnaah chuan zawlnei Hanania chu a thi ta a.