Read Baibul, Mizo Jeremia 3 Bible Online

Jeremia 3 - Baibul, Mizo bible

Jeremia 3

¹Miin nupui ma se la, Amah kalsanin pasal dang pawm se, Ani chuan a lo pawm leh ang em? A ram chuan a bawlhhlawh phah hial dawn lo'm ni?" tih a awm a. Nang erawh chu tlangval tam tak hnenah i hur bo a, Chuti chung chuan ka hnenah i lo kir leh ang maw? Tih i LALPA thu chhuak a ni.

²Tlang kawlh vul lamah i mitte len chho la en rawh, An mutpui lohna hmun che khawiah nge? Thlalera Arabia mi ang maiin Anmahni nghakin kawng sirahte i thu reng thin, I hurnate leh i suahsualnatein Ram chu i tibawlhhlawh zo ta.

³Chumi avang chuan ruah chu surtir a ni lo a, ruah hnuhnung pawh a sur hek lo; mi hur chal putin i pu a, i zak duh hauh si lo a.

⁴Ka pa, ka tleirawl laia mi hruaitu i ni," tiin mi au hlim hlawl a ni lo em ni?

⁵A thin a ur kumkhua dawn em ni? A tawp thlengin em ni a ur dawn? Ngai rawh, chutiang chuan i tawng ngei a, Mahse a sual thei ang berin thil i ti a.

⁶Chu lo pawh chu Josia lal laiin LALPA'n ka hnenah heti hian a ti a: Hnung tawlh hmang Israel thiltih kha i hmu em? Tlang sang tinahte chho a, thing buk tin, hnuaiahte a hurna thil a tihte kha?

⁷Tin, kei chuan he'ng thil zawng zawng a tih hnuah hian ka hnenah a la kir leh em ang chu, ka ti a; mahse a lo kir chuang lo a; tin, a laizawnnu, bu hmang Juda chuan a hmu ve ta a.

⁸Tin, ani chuan hnung tawlh hmang Israel chu a uire avang ngeia ka ak a, makna lehkha ka pek a huh pawhin a laizawnnu, bumhmang Juda chuan a hlau chuang lo a, chutih ahnekin a va kal a, hurna thil a va ti ve a.

⁹Tin, a hur nawmnah mai mai avangin ram chu a tibawlhhlawh zo ta a; thing bul, lung bul hnenah a uire ta a.

¹⁰Chuti chung pawhin a laizawnnu, bumhmang Juda chu thinlung taka lo kir loin a der maiin a lo kir a, tih hi LALPA thu chhuak a ni.

¹¹Tin, LALPA'n ka hnenah heti hian a ti a: Hnung tawlh thin Israel chuan a laizawnnu, bumhmang Juda ai chuan fel zawkin a intilang a.

¹²Kal la, he'ng thu hi hmar lamah va puang rawh; Hnung tawlh hmang Israel, lo kir rah, Tih hi LALPA thu chhuak a ni; Thinrim hmel puin ka en lo ang che u a, Zahngai thei tak ka ni si a, Tih hi LALPA thu chhuak a ni, Ka thinur kumkhua lo ang.

¹³LALPA i Pathian chunga i helna te, Thing buk hnuaia awze mite hnena i inphalraina te, Ka tawngka chhuak i awih lohna tea I khawlohnaah chuan thupha chawi rawh, Tih hi LALPA thu chhuak a ni.

¹⁴Aw hnung tawlh hmang fate u, lo kir rawh u, Tih hi LALPA thu chhuak a ni. Kilkawitu che u ka ni si a, In zinga ta khawpuia mi pakhat, Chhungkuaa mi pahnih ka la ang che u a, Zionah ka hruai ang che u.

¹⁵Ka lungdumzawng tak berampute ka pe ang che u a, annin hriatna leh hriat thiamnatein an chawm ang che u.

¹⁶Tin, in lo tam a, rama in lo pun hunah, chung niahte chuan annin, "LALPA thuthlung bawm" an ti tawh ngai lo ang; an rilruah a lut lo ang a, hriat pawh an hre reng hek lo ang; an thlahlel tawh lo ang a, an siam leh tawh hek lo ang.

¹⁷Chumi hnuah chuan Jerusalem chu LALPA lalthutthleng an vuah ang a, chutah chuan hnam zawng zawngte chu LALPA hmingin Jerusalemah an lo kal khawm ang: an thinlung sula khauhna ang chuan an kal tawh lo ang.

¹⁸Chung niahte chuan Juda chhungte chu Israel chhungte nen an awmho ang a, hmar lam ram atangin, in thlahtute hnena roluah tura ka pek ramah chuan, an lo chhuakho ang.

¹⁹Kei erawh chuan, Hnam tam takte zinga roluah tur tha ber, Ram nuam tak mai pe chein, Fanaute zinga dah che ka duhzia mai chu! Ka pa, tia mi lam a, Mi zuina ata i peng bo lo ang tih ka lo ring a.

²⁰Nupui bum hmangin a pasal a uiresan angin, Aw Israel chhunget u, mi bum ta a nih hi, Tih hi LALPA thuchhuak a ni.

²¹Tlang kawlh vul chungah thawm a awm e, Israel fate tap leh thil ngen thawm chu, LALPA Pathian an theihnghilh a, An awm dan an tikhawloh zawh tak avangin.

²²Aw hnung tawlh thinnate chu ka tidam ang e: En teh, i hnenah kan lo kal a nih hi, Nang chu LALPA kan Pathian i ni si a.

²³Tlangte hi a sawt lo a, Tlang chunga thaw ri hum humte hi. Israel chhandamna chu LALPA kan Pathian ngeiah hian a ni, a awm.

²⁴Mahse chu thil tenawm tak chuan kan tleirawl lai ata kan thlahtuten tha an senna chu a ei ral ta; an beram rual te, an ran rual te, an fanu te, an fapate cheninZakin i mu ang u khai, kan mualphonain min khuh rawh se; LALPA kan Pathian chungah thil kan tisual a, keini leh kan thlahtuten kan tleirawl lai ata vawiin ni thlengin LALPA kan Pathian tawngka kan awih loh avangin.

²⁵Zakin i mu ang u khai, kan mualphonain min khuh rawh se; LALPA kan Pathian chungah thil kan tisual a, keini leh kan thlahtuten kan tleirawl lai ata vawiin ni thlengin LALPA kan Pathian tawngka kan awih loh avangin.