Read Baibul, Mizo Jeremia 30 Bible Online

Jeremia 30 - Baibul, Mizo bible

Jeremia 30

¹Jeremia hnena LALPA thu lo thleng chu,

²LALPA Israel Pathian chuan heti hian a ti: I hnena ka thu sawi tak zawng zawng kha lehkhabuah ziak rawh.

³Ngai rawh, ka mi Israel leh Judate ka hruai kir nite chu a lo thleng mek e; ram, an thlahtute hnena ka pekah chuan ka hruai kir ang a, an luah tawh ang, tih hi LALPA thu chuak a ni, tiin LALPA'n a ti.

⁴Tin, Juda leh Israel chungchang thua LALPA thu sawite chu hengte hi a ni.

⁵LALPA chuan heti hian a ti a ni: Thlaphang thawm ka hria, hlauva au thawm, Muanna ni loin.

⁶Zawt vel u la, en vel teh u, mipain nau an vei ngai em? Engati nge hmeichhe nau vei ang renga, Mipate hian an tai an dawm theuha An hmelte a lo dan zawh tak?

⁷Ehei! Chumi ni chu a ropui mang e, A ang reng chu a awm lo. Jakoba manganna ni a ni ngei mai, Mahse chhan chhuahin a awm tho ang.

⁸Tin, chumi niah chuan heti hi a ni ang a, a nghawngkawl bah chu ka titliak ang a, a hrui chu a tichat ang: awze mite chuan amah chu rawngbawltuah an hmang ngai tawh lo ang:

⁹LALPA an Pathian leh an lal atana ka tundin tur Davida rawng an bawl zawk ang.

¹⁰Chuvangin, aw ka rawngbawltu Jakon, Hlau hauh suh, aw, Israel, za hek suh, Tih hi Lalpa thu chhuak a ni. Ngai rawh, hla tak ata ka chhan chhuak ang chia, An sal tanna ata i thlahte ngei chu, Tin, Jakoba chu a kir leh ang a, Tuma'n an tihlau tawh ngai lo ang.

¹¹Chhan tur chein i hnenah ka awm reng si a, Ka tihdarhna che hnam zawng zawng chu, Ka titawp ang a, nang erawh chu titawp loin: A tawk lekin ka hrem ang chia, Hrem loh chuan i chhuak tawp lo ang, Tih hi Lalpa thu chhuak a ni.

¹²LALPA chuan heti hian a ti si a, I hliam chu tihdam rual a ni lo a, I pan chu a nasa a ni.

¹³Tanpui tur che an awm lo a, I damna tur chu damdawi a awm hek lo.

¹⁴A ngainatu che chuan an theihnghilh tawh chia, An ngaihsak tawh lo che: Hmelma hliamin ka hliam ta chia, Dim lo tawpin ka hrem chia, I khawlohna a nasa a, I thiltih sualte a pun avangin.

¹⁵Engah nge i hliam vanga i tah? I na chu tihdam rual a ni lo e, I khawlohna a nasa a, I thiltih sualte a pun avangin. Heng thil hi ti chuangh ka ti a nih hi.

¹⁶Amehrawhchu a eiraltu che zawng zawng chu, Eiralin an awm ang a, I hmelma zawng zawng chu mi tin mai, Sala hruaiin an awm ang, A rawktu che chu rawkin an awm ang a, A rallaktu zawng zawng che chu rallak atan ka pe ang.

¹⁷Ka tihrisel leh ang chia, I hliam zawng zawng chu ka tidam ang; LALPA thu chuak chuan a ti; Hnawhchhuah' an vuah chia, Tuma ngaihsak loh Zion a nih hi, an tih che avangin.

¹⁸LALPA chuan heti hian a ti, Ngai rawh, Jakoba puan in, sala tangte chu, ka hruai kir ang, A chenna hmunte ka khawngaih ang, A khawpui chu a awmna mual ngaiah chuan sak a ni ang a, A lal in chu a awm dan pangngaiin a ding leh ang.

¹⁹Lawm thu sawina leh hlim thawmte chu, Chung atang chuan a lo chhuak ang. A mi chu ka tipung ang a, an tlem tham lo ang; Anni chu ka tiropui ang a, an tenau lo ang.

²⁰An fate pawh tun hma angin an awm ang a, Ka hmaah an pung khawmin an nghet ang a; Anmahni hnehchhiahtute tawh phawt chu ka hrem zel ang.

²¹An hotu chu anmahni mi ngei a ni ang a, An roreltu chu anmahni zinga lo chhuak ngei a ni ang; Amah chu mi rawn hnaih turin ka ti ang a, Ani chuan mi rawn hnaih ang; mahni thuin tu nge mi rawn hnaih ngam hlei ang? Tih hi Lalpa thu chhuak a ni.

²²Tin, ka mite in ni ang a, Kei in Pathian ka ni ang.

²³Ngai rawh u, LALPA thlipui, a thinurna thlipui na tak mai chu a chhuak ta! Mi suaksualte lu chu a nuak nek ang.A thinlung tumnate a hlena a tihzawh hma loh chuan, LALPA thinurna hlauhawm tak mai chu a lamlet lo ang:Ni hnuhnungahte chuan in la hre thiam ang.

²⁴A thinlung tumnate a hlena a tihzawh hma loh chuan, LALPA thinurna hlauhawm tak mai chu a lamlet lo ang:Ni hnuhnungahte chuan in la hre thiam ang.