Read Baibul, Mizo Jeremia 31 Bible Online

Jeremia 31 - Baibul, Mizo bible

Jeremia 31

¹Chumi hunah chuan kei hi Israel chhungkua zawng zawngte Pathian ka ni ang a, anni pawh ka mite an ni ang," tih hi LALPA thu chhuak a ni.

²LALPA chuan heti hian a ti: Khandaiha thah bangte chuan, Thlaler ramah khawngaih an hlawh: Ka chawlh hahdamtir lai khan.

³Hmanah ka hnena LALPA lo lang chuan, heti hian a ti: A ni, hmangaih tawp loin ka hmangaih chia, Chuvangin lainatnain ka hruai haw che.

⁴Ka din thar ang che, aw! Nula thianghlim Israel, Din ngheh i lo ni ang a, Khuangte nen i inchei leh ang a, Hlim lai lamna hmunahte chuan i tel ang.

⁵Grep huante Samari tlang dung tluanin i siam ang a, Chuta chengten an ching ang a, A rahte chu an chen ang.

⁶Ephrai tlang ramahte chuan, Vengtute au ni a thleng dawn e, "Tho ru, Zionah i kal ang u, LALPA kan Pathian hnenah chuan," tiin.

⁷LALPA chuan heti hian a ti e, Jakoba tan hlimin zai u la, Hnam ropui ber tan au chhuak rawh u; Puang u la, chawimawi u la, LALPA, Israel la awm chhun, i mite hi, Chhamdam ang che' ti rawh u.

⁸Ngai rawh u, hmar ram ata ka rawn hruai ang, Kawlkil tawp ata ka khawm chhuak ang, Mitdel te, kebai te, hmeichhe nau pai te, vei mek te nen, Mipui tam tak an lo thleng khawm ang.

⁹Mittui nen an lo kal ang a, thlamuang takin ka hruai haw ang, Tui luang lamahte ka lentir ang a, An petek lohna tur kawng tluangahte chuan: Israel tan pa ka ni si a. Ephraim chu ka fa tir a ni.

¹⁰Aw hnamte u, LALPA thu chu ngaithla u la, Tui kam ram hla takahte puang u la, Israel tidarhtu chuan a la hruai khawm leh ang a, Berampuin a beramte a vil angin a vil ang, tiin.

¹¹Jakoba chu LALPA'n a tlan chhuak a, A aia chak lakah a chhan chhuak si a.

¹²Zion chhipah zaiin an lo kal ang a, LALPA thatnaah chuan an lawm ang a, Buh te, uain te, hriak te, Beram leh ranrual note chungahte an lawm ang; An nunna chu huan tui chawm ang a ni ang a, Kumkhuain an lungngai tawh hauh lo ang.

¹³Tin, nula thianghlimte chu lamin an hlim ang a, Tlangvalte pawh a tar azur maiin an hlim ang. An lusunna lawmah ka chantirin ka thlamuang ang a, An lungngaihna ata ka tilawm ang.

¹⁴Puithiamte nunna chu thauin ka titlai ang a, Ka thatnain ka mite pawh an tlai ang, Tih hi LALPA thu chhuak a ni.

¹⁵LALPA chuan heti hian a ti, Rama khuaah thawm an hria Mitthi ngaia tap tlawk tlawk, Rakilin a fate a tah a, A fate an awm tawh loh vangin Thlamuan theih a ni lo.

¹⁶LALPA chuan heti hian a ti: Tap lo turin i aw chu sum la, I mittui hul rawh se, I thiltihin lawmman a nei dawn e, Tih hi LALPA thu chhuak a ni. Ral ram atangin an lo let ang.

¹⁷I hun tawp lam chu nghahfakawm tak a ni ang. Mahni ram ngeiah i fate chu an lo kir leh ang, Tih hi LALPA thu chhuak a ni.

¹⁸Ephraima intah chu ka hre lul mai. "Nangin mi hrem a, bawngpa tuai Sawi ka ni a, Mi lettir la, ka let ang e, LALPA ka Pathian i ni miau si a,

¹⁹Mi lettir hnu chuan ka inchhir teh a, Mi thunun hnuah ka mal ka beng a, Ka zak a, a ni, ka tleirawl lai hming chhiat tuarin Ka kimki a ni," a ti a.

²⁰Ephraim chu ka fapa duh tak, Ka nau ngainat tak a nih vang em ni, Amah ka thunun apianga ka thinlungah a chen tlat thin hi? Tichuan ka thinlungin a lainat thin a, A chungah zah ka ngai ngei dawn a ni, Tih hi LALPA thu chhuak a ni.

²¹Kawng chhinchhiahnate insiam la, I tan kawng kawhhmuhnate phun rawh, I vah chhuahna lam kawng, Kawngpui lam ngei chu chhinchhiah tlat rawh: Aw nula thianghlim Israel, lo kir leh rawh, Heng i khawpui lamahte ngei hian,

²²Aw, nang fanu lepchhiah, Eng chen nge i vah rawlai dawn le? LALPA chuan leiah hian thil thar a siam tak hi, hmeichhiain mipa a hum ta zawk.

²³Israel Pathian, Sipaihote LALPA chuan heti hian a ti: An sal tana ata ka hruai kir hunah chuan Judai ram leh a khawpuiahte chuan hetiang tawngkam hi an hmang leh ang, Aw, felna chenna hmun, Aw tlang thianghlim, LALPA chuan malsawm che rawh se, tih hi.

²⁴Chutah Judaho leh an khawpuia mi zawng angte chu an cheng za ang a, lo nei mite leh ranvulhtute nen.

²⁵Mi chaute chu ka titlai ta a, mi lungngai apiangte pawh ka tiharh tawh si a.

²⁶Tichuan ka han harh a, ka han hawi vel a, mang tha tak chu a lo ni e.

²⁷Ngai teh, nite chu a lo thleng dawn e, Israel chhungte leh Juda chhungteah chuan mihring chi leh ran chi ka tuh ang, tih hi LALPA thu chhuak a ni.

²⁸Tin, heti hi a ni ang a, anmahni pawt chhuak a, tisawm leh paih thlaa, tiboral a, tihreawm tura ka chang ang khan anenthla thung ang, tih hi LALPA thu chhuak a ni.

²⁹Chung niahte chuan, 'Paten grep thur an ei a, an fate ha a tim e' an ti tawh ngai lo ang.

³⁰Mi tinin mahni khawlohna an thihpui zawk ang a, grep thur ei tawh phawt ha ngei chu a tim ang.

³¹Ngai teh, nite chu a lo thleng dawn, tih hi LALPA thu chhuak a ni: chung niahte chuan Israel chhungte leh Juda chhungte hnenah chuan thuthlung thar ka siam ang.

³²An thlahtute Aigupta ram atanga hruai chhuak tura an kut ka chelh nia ka thuthlun ang kha ni loin an tan hotu ka ni chungin chu ka thuthlung chu an bawhchia a, tih hi LALPA thu chhuak a ni.

³³chung ni hnua Israel chhungte hnena thu ka thlun tur erawh chu hei hi a ni, tih hi LALPA thu chhuak a ni: an chhungrilahte ka thupek ka dah ang a, an thinlungah ka ziak bawk ang a, kei hi an Pathian ka ni ang a, anni chu ka mite an ni ang; tumahin 'LALPA hre rawh; tiin mahni thenawm leh mahni unau an zirtir edawn tawh lo a; a te ber atangin a lian ber thlengin an zain mi hre theuh dawn si a, tih hi lalpa thu chhuak a ni: an bawhchhiatna chu ka ngaidam ang a, an sualna pawh ka hre reng dawn tawh si lo', tiin.

³⁴Heti hain LALPA, chhun tieng tura ni petu, thla leh arsite tana dante ruatsak a, zan tieng tura petu, tui fawnte ri hum hum tura tuipui chawkthotu chuan a ti a ni: a hming chu Sipaihote LALPA a ni.

³⁵Heng dan ruatte hi ka hma ata a bo chauhin Israel thlahte chu ka hma ata hnam nih an bang hlen ve ang, tih hi LALPA thu chhuak a ni.

³⁶LALPA chuan hetihian a ti: chung lam van khi teh theih a nih a, lei nghahchhante hi zawn chhuah theih a nih chauhin Israel thlahte chu an thiltih takte avangin ka paih bo ve ang, tih hi LALPA thu chhuak a ni.

³⁷Ngai rawh, nite chu a lo thleng mek e, Hananel kulhbing sang atangin kulh kil kawngka thlengin LALPA tan khawpui chu din a ni a, tih hi LALPA thu chhuak a ni.A tehna hrui chu Gareb tlang thlengin ngil takin a kal riah ang a, Goa lamah a kawi ang. Mitthi ruang leh vut paihna ruam pum pui leh tamlak zawng zawng, Kidron luikawr thlengin, chhak lampanga sakawr kawngka kil thleng chu LALPA tan serh tur a ni; chu chu engtikah mah tihdarh leh thiat chhiat a ni tawh lo ang.

³⁸A tehna hrui chu Gareb tlang thlengin ngil takin a kal riah ang a, Goa lamah a kawi ang. Mitthi ruang leh vut paihna ruam pum pui leh tamlak zawng zawng, Kidron luikawr thlengin, chhak lampanga sakawr kawngka kil thleng chu LALPA tan serh tur a ni; chu chu engtikah mah tihdarh leh thiat chhiat a ni tawh lo ang.