Read Baibul, Mizo Jeremia 34 Bible Online

Jeremia 34 - Baibul, Mizo bible

Jeremia 34

¹Babulo lal Nebukadnezzara te, a sipai rual zawng zawngte, ama thu hnuaia lei lalna ram zawng zawngte leh mipui zawng zawngten a Jerusalem leh a khawpui zawng zawngte an beih laia LALPA hnen ata Jeremia hnena thu lo thleng chu:

²Israel Pathian, LALPA chuan heti hian a ti: Juda lal Zedekia va bia la, heti hian hrilh rawh: LALPA chuan heti hian a ti: Ngai rawh, he khawpui hi Babulon lal kutah ka pe ang a, meiin a hal ang:

³a kut ata i chhuak tawp lo ang: man i ni ang a, a kutah a pe ang che, i mit ngeiin Babulon lal chu i hmu ang a, tawngka ngeiin in in bia ang a, Babulon ramah i kal tur a ni.

⁴Amaherawhchu, Aw Juda lal, Zedekia, LALPA thu hi ngaithla zel teh: i chungchang thu-ah chuan LALPA chuan heti hian a ti: khandaihin i thi lo ang a,

⁵muang takin a nia i thih ang: i hmaa lal hmasa, i thlahtute rimtui an halsak ang khan, nang pawh an halsak ang che: an sun ang chia, 'Ehei, ka pu,' tiin. Thu ka thlah tawh hi, tih hi LALPA thu chhuak a ni" tiin.

⁶Tin, zawlnei Jeremia chuan he'ng thu zawng zawng hi Jerusalem Juda lal Zedekia hnenah a sawi a;

⁷Babulon lal Sipai rualte chuan Jerusalem leh Juda khawpui la awm zawng zawng, Lakis leh Azeka an beih lai chuan: Juda khawpui zinga kulh neite chu hengte chauh hi an ni tawh si a.

⁸,9 LAL Zedekian Jerusalema awm mipui zawng zawngte hnenah, "Mi tinin an chhiahhlawhnu te, an chhiahhlawhpa te, Hebrainu emaw, Hebraipa emaw an nih chuan, an chhuah tur a ni: a unaupa Hebrai mi rawngbawlsakin tumah an awm tur a ni lo," tia zalenna thu a puanna thu thlung a siam hnua lalpa hnen ata Jeremia hnena thu lo thleng chu:

⁹,8 LAL Zedekian Jerusalema awm mipui zawng zawngte hnenah, "Mi tinin an chhiahhlawhnu te, an chhiahhlawhpa te, Hebrainu emaw, Hebraipa emaw an nih chuan, an chhuah tur a ni: a unaupa Hebrai mi rawngbawlsakin tumah an awm tur a ni lo," tia zalenna thu a puanna thu thlung a siam hnua lalpa hnen ata Jeremia hnena thu lo thleng chu:

¹⁰mi tinin rawngbawl tunu emaw, rawngbawl tu pa emaw a chhuah tur a ni a, anmahni rawngbawlsakin tumah an awm tur a ni lo, tih thu thlung pawmtu hotu zawng zawng leh mipui zawng zawngte chuan thu thlung chu an awih a, an chhuahtir ta ngei a;

¹¹amaherawhchu chumi hnuah chuan an lamlet a, an rawngbawltunu leh an rawngbawltupa an chhuahtir tawhte chu an hnukkir a, an thu hnuaiah an rawngbawl tu-ah an dah leh a.

¹²Chuvangin Jeremia hnenah LALPA thu chu a lo thleng leh a;

¹³LALPA Israel pathian chuan heti hian a ti: Aigupta ram, bawih tanna ram ata ka hruai chhuah ni khan in thlatute hnenah thuthlung ka siam a,

¹⁴Mi tinin a unaupa, Hebrai mi, a hnena hralh tawh, kum ruk a rawng lo bawl tawh chu a kum sarihna tawpah chuan a chhuah tur a ni' tiin: tin, in thlahtute erawh chuan mi ngai thla lo a, an beng and awh hek lo.

¹⁵Tunah nangnin, in lo lamleta, mi tinin a thenawmpa hnena zalenna thu puangin ka mithmuhah thil dik chu in lo ti ta a: Ka hming vuah inah chuan ka hmaah thu thlung in lo siam ta a:

¹⁶mahse in lamlet leh a, ka hming in tibawrbangin in duh ang taka in chhuah tawh hnu, in chhiahhlawhnu lah in chhiahhhlawhpa chu in hruaikir leh a, in thu hnuaiah rawngbawltu-ah te chhiahhlawhnuahte in dah leh a.

¹⁷Chuvangin LALPA chuan heti hian a ti: Mitinin mahni unau leh mahni thenawm hnena zalenna thu puang turin ka thu in ngaithla loa; ngai rawh u, keiin in hnenah zelenna thu ka puang e, tih hi LALPA thu chhuak a ni; khandaihte hripuite, tamtein a ni ang, leia lal ramte zawng zawng z�ngah vawrh lan vawrh lan turin ka siam ang che u.

¹⁸Tin, ka thu thlung bawhchhiate, ka hmaa bawng no zai phel kara kal tlang meuha thu tiama hlen lotu;

¹⁹Juda hotute leh Jerusalem hotute, mi tilrehte, puithiamte, mipui zawng zawng, bawng no zai phel kara kalte chu;

²⁰an hmelmate leh an nunna zawngtute kutah ka pe ang a: tin, a ruangte chu chungleng savate leh leia ramsate chaw atan mai a ni ang.

²¹Tin, Juda lal Zedekia leh a hote chu an hmelmate leh an nunna zawngtute leh babulon lal sipai rual, nangmahni kalsan tawhte kutah ka pe ang.Ngai rawh u, hemi khawpuia lo kir leh turin thu ka pe ang a, tih hi LALPA thu chhuak a ni, tichuan an bei ang a, an la ang a, meiin an hal ang: tin, luahtu awm loin Juda khawpuite chu ka titiau vek ang," tiin.

²²Ngai rawh u, hemi khawpuia lo kir leh turin thu ka pe ang a, tih hi LALPA thu chhuak a ni, tichuan an bei ang a, an la ang a, meiin an hal ang: tin, luahtu awm loin Juda khawpuite chu ka titiau vek ang," tiin.