Read Baibul, Mizo Jeremia 37 Bible Online

Jeremia 37 - Baibul, Mizo bible

Jeremia 37

¹Tin, Josia fapa Jedekia, Babulon lal Nebukadnezzaran judai ram lala a siam chu Jehoiakima fapa Konia aiah a lo lal ta a.

²Mahse amah leh a rawngbawltute leh a rama mite chuan LALPA thu zawlnei Jeremia kaa sawi chu an ngaithla lo a.

³Tin, lal Jedekia chuan Selemaia fapa Jehukala leh maaseia fapa puithiam Zephania chu zawlnei Jeremia hnenah, "LALPA kan Pathian hnenah mi tawngtaisak rawh," ti turin a tir a.

⁴Tin, Jeremia chu mipuite zingah a duh duhin a la leng thei a: taninah an la dah si lo a.

⁵Tin, Pharaoa sipai rualte Aigupta atngin an lo chhuak tawh a: tin, Kaldaiho Jerusalem hualtute chuan an chan chin an hriatin Jerusalem chu an kirsan ta a.

⁶Tichuan LALPA thu chu zawlnei Jeremia hnenah a lo thleng a,

⁷LALPA Israel Pathian chuan heti hian a ti: Juda lal, mi rawn tura tirtu hnenah chuan, Ngai rawh, Pharaoa sipai rual, nangmahni tanpui tura lo kalte chu anmahni ram Aiguptaah chuan an kir leh ang.

⁸Kaldaite erawh chu an lo kal ang a, he khawpui hi an bei ang a, an la ang a, meiin an hal ang.

⁹LALPA chuan heti hian a ti: Kaldaite chu min kalsan ngei ang tiin mahni in bum suh u; an kal dawn si lo.

¹⁰Nangmahni beitu Kaldai sipai rual zawng zawng hi sawisa nek mah u la, an zinga mi hliam awm chhunte chauh pawhin mahni puan in atanga lo thoin he khawpui hi meiin an hal tho ang, tiin sawi tur a ni," tiin.

¹¹Tin, heti hi a lo ni a, Pharaoa sipai rualte hlauva Kaldai sipai rualte chuan Jerusalem an kalsan lai chuan,

¹²Jeremia chuan mite zinga a chanvo la turin Benjamin rama lut turin Jerusalem a chhuahsan a.

¹³Tin, Benjamin kawngka a thlen chuan vengtu hotu Hanania fapa Selamia fapa a hming Irija a lo awm a: chu chuan Kaldaite hnenah i in pe a ni, tiin zawlnei Jeremia chu a lo man a.

¹⁴Tin, Jeremia chuan, "Dawt a ni; Kaldaite hnenah ka in pe lo e," a ti a: mahse a ngai thla lo a, tichuan Irija chuan Jeremia chu a lo man a, hotute hnenah a hruai a.

¹⁵Tin, hotute chu Jeremia chungah an thinur em em a, an vua a, Ziaktu Jonathana inah an tantir a; chu chu tanin atan an hman a ni si a.

¹⁶Tin, Jeremia chu lei hnuai ripa a luh a, ni tam tak a awm hnuin

¹⁷lal zedekia chuan a ko chhuak a: tin, lal chuan a inah a ruk tein a zawt a, a hnenah, "lalpa hnen ata thu eng emaw tal a awm em?" a ti a. A hnenah, "Babulon lal kutah mantirin i awm ang," a ti bawk a.

¹⁸Tin, Jeremian lal Zedekia hnenah chuan, " Nangmah emaw i rawngbawltu emaw he'ng mite chungah eng thil nge ka tihsuala mi mantir ni?

¹⁹I hnena, 'Babulon lal chu nangmah leh he ram do turin a lo kal lo ang,' tia thusawitu i zawlneite chu khawiah nge an awm tak?

²⁰Aw ka ka pu, lalber ngaithla rawh, ka ngen a che; ziaktu Jonathana inah chuan mi kirtir lul suh, chutah chuan ka thi dah ang e," a ti a.Tin, lal Jedekia chuan thu a pe a, tin, Jeremia chu vengtu hung chhungah chuan a tantir a, chhang siamtute kawtthler ata nitin chhang hlawm khat, khawpuia chhang a awm chhung chu a pe a, chutiang chuan Jeremia chu vengtu hung chhungah chuan a awm reng a.

²¹Tin, lal Jedekia chuan thu a pe a, tin, Jeremia chu vengtu hung chhungah chuan a tantir a, chhang siamtute kawtthler ata nitin chhang hlawm khat, khawpuia chhang a awm chhung chu a pe a, chutiang chuan Jeremia chu vengtu hung chhungah chuan a awm reng a.