Read Baibul, Mizo Jeremia 38 Bible Online

Jeremia 38 - Baibul, Mizo bible

Jeremia 38

¹Tin, Matana fapa Sephatia leh Pasura fapa Gedalia leh Selemia fapa Jukala leh Malakia fapa Pasura te chuan, mipui zawng hnena Jeremian,

²LALPA chuan heti hian a ti: hemi khawpuia awm rengte chu khandaihte, tam te, hripui tein an thi ang a; Kaldaite hnena inpete erawh chu an nung ang a, a nunna chu a inchhanhim ang a. a nung ang.

³LALPA chuan heti hian ati: he khawpui hi Babulon lal sipai rualte kutah pek a ni ngei ang a, a la ang," tia a sawi chu an ngaithla a.

⁴Tin, hotute chuan lal hnenah, "Hemi hi tihhlum ni rawh se, kan ngena che; ani chuan an hena hetiang thute sawiin he khawpuia raltu mi la awmte leh mipui zawng zawngte tha a tithum zo si a: he mi hian he mipuite thatna a zawng lo a, an chhiatna a zawng zawk a ni," an ti a.

⁵Tin, lal Zedekia chuan, " Ngai rawh u, ani chu in kuta awm a lawm: lal hi in duh lohzawng ti thei a ni hlei nem," a ti a.

⁶Tin, Jeremia chu an hruai a, vengtu hung chhunga awm lal fapa Malkia lei hnuai ripah chuan an paih lut a: Jeremia chu hruiin an thlak thla a, chumi lei hnuai ripah chuan chirhdiak chauh lo chu tui a awm lo va: Jeremia chu chirhdiakah chuan a tla a.

⁷Tin, Ethiopia mi, mi tilreh lal ina awm thin Ebedmeleka chuan Jeremia chu lei hnuai ripah an dah tih a lo hria a; chutih lai chuan lal chu Benjamin kawngkaah a thu a;

⁸Ebedmeleka chu lal in ata a chhuak a, lal hnenah chuan,

⁹Ka pu, lalber, he'ng miten zawlnei Jeremia lei hnuaia ripa an lo paih thlak hi nasa tak an ti a ni; riltam avangin a awmna hmunah chguan a thi mai dawn a lawm; khawpuiah chuan chhang a awm tawh si lo," a ti a.

¹⁰Tin, lal chuan Ethiopia mi mi Ebedmeleka chu thu a pe a, 'Heta tangin mi sawmthum hruai la, lei hnuai rip ata chu a thih hmain zawlnei Jeremia chu la chhuak rawh u, " tiin.

¹¹Tichuan Ebedmeleka chuan mite chu a hruai a, lal tangka in hnuaiah chuan an lut a, kawr hlui paihte leh silhfen chhiate an la chhuak a, lei hnuai ripah chuan Jeremia hnenah hruiin an thlak a.

¹²Tin, Ethiopia mi Ebedmeeka chuan Jeremia hnenah, "Heng kawr hluite leh silhfen chhiate hi i zakhnuaiah hrui hian hren hnan rawh," a ti a. Tin, Jeremia chuan chutiang chuan a ti a.

¹³Tin, Jeremia chu lei hnuai rip ata chu hruiin an khai chhuak ta a: tin, Jeremia chu vengtu hung chhungah chuan a awm ta reng a.

¹⁴Tin, lal Zedekia chuan Jeremia chu a ko a, LALPA ina luhna pathumnaah chuan a hnenah a hruai lut a: tin, lal chuan Jeremia hnenah, "Thil ka zawt ang chia; ka lakah engmah thup suh ang che," a ti a.

¹⁵Tin, Jeremia chuan Zedekia hnenah, "Ka hrilh che chuan mi tihlu ngei dawn law ni? Thu ka rawn che chuan mi ngaithla dawn si lo," a ti a.

¹⁶Tin, lal Zedekia chuan Jeremia hnenah, "LALPA he ka nuna siamtu hi a nuna a nun chhung zawng ka tihlum tawp lo ang chia, i nunna zawngtute kutah chuan ka pe hek lo ang che," tiin a ruktein chhia a chham a.

¹⁷Tichuan Jeremia chuan Zedekia hnenah, "Lalpa, sipaihote Pathian, Israel Pathian chuan heti hian a ti: Babulon lal hotute hnena i inpek chuan i nunna chu i vawng him ang a, hemi khawpui pawh hi a kang lo ang, nang leh i chhungte pawh in nung ang.

¹⁸Babulon lal hotute hnena i inpek loh erawh chuan he khawpui hi Kaldai kutah pek a ni ang a, an hal ang a, an kut ata i chhuak tawp lo ang," a ti a.

¹⁹Tin, lal Zedekian Jeremia hnenah, "Kaldai mite hnena inpe tawh Judate mi mantirin mi nuihzabur mai ang tih ka hlau a ni," a ti a.

²⁰Jeremia erawh chuan, "An mantir lo ang che; i hnena ka sawi LALPA aw hi awih mai rawh. Tichuan i tan a tha ang a, i nung bawk ang.

²¹Inpek i duh loh erawh chuan hei hi LALPA thu mi kawhhmuh chu a ni:

²²Ngai rawh, Juda lal ina hmeichhe la awm zawng zawngte chu Babulon lal hotute hnenah hruaiin an awm ang a, chung hmeichhiate chuan, I thian tha thaten an bum chia, an hneh ta che, i ke chu chirhdiaka a tan veleh an hawisan che, an ti ang.

²³I nupui te, i fanaute chu Kaldai mite hnenah an hruai vek ang a, an kut ata i chhuak lo ang a, Babulon lal kutah manin i awm zawk ang a, nangmah avangin he khawpui hi a kang ang," a ti a.

²⁴Tin, Zedemia chuan Jeremia hnenah, "Heng thute hi tuma'n hre suh se, tichuan i thi lo ang.

²⁵Nimahsela hotuten kan biak che hi an hriat a, i hnena an lo kal a, i hnena, 'Lal hnena i sawi chu min hrilh rawh; kan lakah engmah zep suh la, kan tihlum lo ang che; nangma hnena lal thu sawite pawh,' an tih chuan,

²⁶nang chuan an hnenah, 'Jonathana ina mi kirtir lo a, chuta va thi lo turin lal hnenah dilna ka theh lut mai a ni,' i ti dawn nia," a ti a.

²⁷Tin, hotu zawng zawngte chuan Jeremia hnena an lo kalin, an zawt ta ngei a, lalin thu a pek zawng zawng ang zelin anni chu a hrilh a. Tichuan an biak chu an bang ta a; a thu ch hriat phak a ni si lo a.Tichuan Jeremia chu Jerusalem lak ni thlengin vengtu hung chhungah a awm ta reng a.

²⁸Tichuan Jeremia chu Jerusalem lak ni thlengin vengtu hung chhungah a awm ta reng a.