Read Baibul, Mizo Jeremia 39 Bible Online

Jeremia 39 - Baibul, Mizo bible

Jeremia 39

¹Tin, Juda lal Zedekia lal kum kuana thla sawmnaah chuan Babulon lal Nebukadnezzara leh a sipai zawng zawng chuan Jerusalem an bei a, an hual a.

²Zedekia lal kum sawm leh pakhatna thla lina, chu mi thla ni kuanaah chuan khawpui kolh chu an su tlang a.

³Tin, heti hi a ni a, Jerusalem an lak chuan Babulon hlal hotute zawng zawng chu an lo lut a, kawngka laitaah chuan an thu a, Nergal-sarezera te, Samgarnebo te, Sarsekima te, Rab-saria te, Nergalsarezera te, Rabmaga te leh Babulon lal hotu dang zawng zawng nen.

⁴Tin, heti hi a lo ni a, Juda lal Zedekia leh raltu mi zawng zawng chuan anni chu an hmuhin an thlanchhia a, khawpui ata zanah lal huan kawng lamah kulh bang pahnih kar kawngkaah an tlan chhuak a, ani chu Arab-ah kawng lamah a chhuak a;

⁵mahse Kaldaiho sipai rual chuan ani chu an um a, Jeriko phai zawlah Zedekia chu an um phak ta a; tin, an man hnu chuan Babulon lal Nebukadnezzara hnenah, Hamath rama Riblah khuaah chuan an hruai a, tin, amah chuan a chung thu chu a rel a.

⁶Tin, Babulon lal chuan Riblah khuaah chuan ama mithmuh ngeiah chuan Zedekia fapate chu a that a, Babulon lal chuan Juda mi tha zawng zawng a that bawk a.

⁷Chu lo pawh chu Zedekia mit a kher chhuahsak a, kawl a buntir a, Babulon-ah a hruai a a.

⁸Tin, Kaldai-hote chuan lal in leh mi dang in zawng zawng an hal a, Jerusalem kulh bangte pawh an tichhia a.

⁹Tin, vengtu hotu Nebuzaradana chuan khawpui mipui la awm leh a hnena mahnia inpete leh mipui la awm chhunte chu babulonah salah a hruai a;

¹⁰mahse vengtu hotu Nebuzaradana chuan Juda ram mi rethei engmah nei lote chu a hnutchhiah a, grep huan leh lote a pe nghal a.

¹¹Tin, Babulon lal Nebukadnezzara chuan Jeremia chungchang thu-ah chuan vengtu hotu Nebuzaradana hnenah,

¹²Ani hi hruai la, tha takin ti la, tina reng reng suh, i hnena a saiw ang zelin ti zawk rawh," tiin thu a pe a.

¹³Tin, vengtu hotu Nebuzaradana chuan Nebusazbana te, Rabsaria te, Nergal-sarezara te, Rabmaga te leh Babulon lal sipai hotu deuh deuhte a chah vek a,

¹⁴anni chuan Jeremia chu vengtu hung chhung ata an ko chhuak a, Saphana fapa Ahikama fapa Gedalia hnenah a ina hawn turin an kawltir ta, tichuan mite zingah chuan a khawsa ta a.

¹⁵Tin, LALPA thu chu, vengtu hung chhunga khar khipa a awm lai chuan Jeremia hnenah a lo thleng a,

¹⁶Ethiopia mi Ebedmeleka hnenah, Sipaihote LALPA, Israel Pathian chuan heti hian a ti: Ngai rawh, a thatna tur ni loin he khawpui chhiatna tur zawkin ka thute ka rawn thlen ang a, chumi ni ngei chuan i hmaah hlen a ni ang.

¹⁷Chumi niah chuan nang erawh chu ka chhan chhuak ang che, tih hi LALPA thu chhuak a ni, i mi hlauhte kutah pek i ni lo ang.Ka chhanhi ngei dawn si chia, khandaihin i tlu lo ang a, i nun chu i chhanhim ang, kei mi rin avangin, tih hi LALPA thu chhuak a ni, tiin va sawi rawh," a ti a.

¹⁸Ka chhanhi ngei dawn si chia, khandaihin i tlu lo ang a, i nun chu i chhanhim ang, kei mi rin avangin, tih hi LALPA thu chhuak a ni, tiin va sawi rawh," a ti a.