Read Baibul, Mizo Jeremia 4 Bible Online

Jeremia 4 - Baibul, Mizo bible

Jeremia 4

¹Aw Israel, i lamlet chuan, ka hnenah ngei i lo let tur a ni," Tih hi LALPA thu chhuak a ni. "I tenawmnate ka mithmuh loha i dah bo a,

²Tihtakzeta, thurel dik tak hmanga, fel taka, LALPA a nuna a nun chhung chu, tia chhia i chham chuan, Hnamte chu amahah chuan engthawl an inti ang a, Amah chu an chhuan gtawh ang,

³Juda mite leh Jerusale hnenah LALPA i Pathian chuan heti hian a ti e: In lei khek chu let u la, Hling zingahte chi theh suh u.

⁴Nangni Judai rama mi leh Jerusalema chengte u, LALPA tan in serh tan u la, in thinlung serh tan rawh u, Chutilochu in thil sual tihte avangin, Ka thinurna chu mei angin a chhuak ang a, Tuma thelh theih lohin a kang dah ang e.

⁵Judai ramah hril u la, Jerusalemah puang rawh u, Ram pumah chuan tawtawrawt ham ula, Ring takin au rawh u. "Rawn inkhawm u la, kulh nei khawpuiahte i lut ang u,m" ti r'u.

⁶Zion lamah puanzar khai u la, Hlimna zawngin tlan u la, muang suh u, Hmar ata thil tha lo ka rawn thlen dawn, Chhiatna nasa tak mai chu.

⁷Ngaw hnuai pik ata sakeibaknei a chhuak e, Hnamte tichhetu tur chu; A hmun ata a chhuak ta, a lo kal mek e, I ram titiau tur leh, I khawpuite chengtu nei lo khawpa tiram turin.

⁸Chumi avang chuan saiip puan feng u la, Tap u la, chiau vawng vawng rawh u; Kan laka LALPA thinurna nasa tak mai chu A la kiang si lo a.

⁹Chumi niah chuan heti hi a lo ni ang," Tih hi LALPA thu chuak a ni: "Lal thinlung a zam zo ang a, Hotute thinlung pawh; Puithiamte chu an hrilhai ang a, zawlneite chuan mak an ti em em ang."

¹⁰Tin, kei chuan, "A, Lalpa PATHIAN, He mite leh Jerusalem hi nasa takin i bum a nih hi, Muanna in nei ang,' i ti a, Khandaihin nunna a chhun tak zawk si hi," ka ti a.

¹¹Chutih lai chuan he mite leh Jerusalem hnenah, "Thlaler tlang kawlh vul ata thli lum tak, Ka fanu, ka mite zap fai tur ni lo, thliar fai tur ni hek lo,

¹²thli na lutuk, ka thuin a lo thleng dawn a ni: tunah pawh an chung thu reltu hi keimah ka ni," tih a ni ang.

¹³Ngai teh, a lo chho ang, chhum pui angin, A tawlailir thawngaleivir ang maite chu; A sakawrte chu mupui aiin an chak zawk, Kan chung a va pik em! Kan ral thum a nih hi.

¹⁴Aw Jerusalem, suahsualna ata i thinlung tlengfai la, Chhandama i awm theihna turin; Eng chen nge i ngaihtuahna sual chu i pai dan?

¹⁵Dan ram ata aw a lo chhuak a, Ephraim tlang atangin thil tha lo a puang e.

¹⁶Hnamte chu hrilh u la, Jerusalemah puang rawh u, Ngai teh, ram hla tak ata beitute an lo thleng. Judai khawpuite chungah an aw an chhuah e.

¹⁷Thlawhhma vengtute ang maiin a velin an hual a, Ka chunga a hel avangin, Tih hi LALPA thu chhuak a ni.

¹⁸I awm dan leh i thiltihte chuan, Heng hi i chungah a thlen a nih hi, Hei hi i chhiatna tur chu a ni, A na em em a, i thinlung a chhun a ni.

¹⁹Ka thin a na, ka thin a na, Ka thinlung ngeiah a na, Ka chhungah ka thinlung a buai zo ta, Ka awm hle hle thei lo, Aw ka nunna, tawtawrawt ri, Indona haw haw i hriat avangin,

²⁰Chhiatna chungah chhiatna a thleng ta, Ram pum pui chu rawkin a awm ta, Ka puan inte chu an tichhe phut a, Ka puanzarte pawh mit khap kar loah.

²¹Eng chen nge indona puanzar ka hmuh ang a, Tawtawrawt ri ka hriat ang?

²²Ka mite chu an a em a, mi hre si lo a, Naupang a tak, hriatna nei lo ang mai an ni, Thil sual tih an thiam a, Thil tha tih dan erawh chu an thiam lo.

²³Leilung chu ka han en a, ngai teh, Tiau leh ruakin a awm: Vante pawhin eng an nei lo.

²⁴Tlangte ka en a, ngai teh, a nghing a, Mual zawng zawng pawh an phe hlawk hlawk a.

²⁵Ka han en a, ngai teh, mihring an awm lo a, Chungleng sava zawng zawng pawh an thlawk bo zo ta.

²⁶Ka han en a, ngai teh, mihring an awm lo a, Thlawhhma thate chu thlaler a chang ta. Khawpui zawng zawng pawh a chim zo ta. LALPA leh a thnurna nasa tak hmaah chuan.

²⁷LALPA chuan heti hian a ti a ni: "Ram pum pui a tiau ang a, mahse ka titawp hlen lo ang.

²⁸Chumi avang chuan lei chuan a sun ang a, Chung lam vante pawh a thim ang: Thu ka sawi tawh a, ka tu tawh a, Ka inchhir lo a, ka lam let dawn hek lo."

²⁹Sakawr chunga chuang leh thal ngul hmangtute thawmah, Khawpui pum pui chu an tlanchhia a, Ngawah an lut a, lungpui hmunahte an lawn a, Khaw tin, mai an rauhsan a, Luahtu pakhat mah awm loin.

³⁰Tin, nang, rawka i awm hun chuan engtin nge i tih ang? Puan sen lara intuamin, Incheina rangkachaka incheiin, I mitte hnawih dur mah la, I intimawi thlawn mai mai a ni, I tlangvalte chuan an hmusit tho chia, I nun lak an tum a ni.Fa tir hringtu na tuar lai, Zion fanu thaw huam huam ri chu, A kutte phar a, "Ka chung a va pik em! Tualthattute hmaah ka nun a chau zo ta," ti chu.

³¹Fa tir hringtu na tuar lai, Zion fanu thaw huam huam ri chu, A kutte phar a, "Ka chung a va pik em! Tualthattute hmaah ka nun a chau zo ta," ti chu.