Read Baibul, Mizo Jeremia 42 Bible Online

Jeremia 42 - Baibul, Mizo bible

Jeremia 42

¹Tin, sipai pawl hotute leh Karea fapa Johanana leh Hosaia fapa Jezania leh mipui zawng zawng, a te ber atanga a lian ber thlengin an lo hnai a,

²zawlnei Jeremia hnenah; "I hmaah kan dilna pawm ni se la, hemi la awm chhun zawng zawng tan ngei hian i Pathian hnenah min tawngtaisak turin kan ngen a che; in hmuh ang ngei hian mi tam takte; zing ata tlem te chauh hnutchhiahin kan awm ta si a,

³LALPA i Pathianin kan kalna tur kawng leh kan tih tur thil min kawhhmuh theihna turin," an ti a.

⁴Tin, zawlnei Jeremia chuan an hnenah, "In thu chu ka hria e, ngai rawh u, in thu ang zelin LALPA in Pathian hnenah chuan ka dil ang e: tin, heti hi a niang a, LALPA'n a chhanna che u apiang ka hrilh zel ang che u: in lakah engmah ka zep lo vang," a ti a.

⁵Tin, anni chuan Jeremia hnenah, "LALPA i Pathianin kan hnena a tirhna che thu zawng zawng ang zela kan tih loh chuan kan lakah LALPA chu thu hretu dik leh rinawm ni rawh se.

⁶A chhia emaw a tha emaw kan tirhna che LALPA kan Pathian tawngka chhuak chu kan awih ngei ngei ang; LALPA kan Pathian tawngka chhuak kan awih chuan kan tan that theihna tur a ni," an ti a.

⁷Tin, heti hi a lo ni a, ni sawm hnuah LALPA thu chu Jeremia hnenah a lo thleng a.

⁸Tichuan Karea fapa Johanana leh a hnena sipai pawl hotu awm zawng zawng leh sipai zawng zawng, te ber atanga lian ber thlengin a ko a,

⁹an hnenah, "LALPA in Pathian, a hmaa in dilna thlen tura in mi tirhna khan heti hian a ti e;

¹⁰He ramah hian in awm reng chuan ka tungding ang che u a, ka thiat lo ang che u, ka phun ang che u a, ka pawt phawi lo ang che u, in chunga thil tha lo ka thlente chu ka sim tawh si a.

¹¹Babulon lal in hlauh thina chu hlau tawh suh u, amah chu hlau suh u," tih hi LALPA thu chhuak a ni; a kut ata chhandam tur leh chhan chhuak tur che uin in hnenah ka awm si a.

¹²Tin, in chungah zah a ngaih theihna'n zahngaihna ka phal ang che u a, in ram ngeiah ka kirtir ang che u.

¹³Amaherawhchu, 'He ramah hian kan awm lo ang,' tia LALPA in Pathian aw chu in awih lo a,

¹⁴Hnai lo, Aigupta ramah kan kal zawk ang a, tah chuan indona reng reng kan tawk lo ang a, tawtawrawt ri pawh kan hre lo ang a, chaw tlakchham a awm hek lo vang, tah chuan kan cheng zawk ang,' in tih chuan,

¹⁵Aw Juda awm chhunte u, LALPA thu chu hre rawh u khai; Sipaihote LALPA, Israel Pathian chuan heti hian a ti: Aigupta rama lut tur leh chuta cheng turin in hawi lui a nih chuan,

¹⁶heti hi a lo ni ang a, khandaih, in hlauh ngeia khan Aigupta ramah chuan a nang ang che u a, tam, in hlauh thina pawh khan Aigupta ramah chuan a umzui zel ang che u, tah chuan in thi ang.

¹⁷Aigupta rama cheng tura hawi luite zawng zawng chu chutiang chuan an awm ang a, khandaih te, tam te, hri tein an thi ang, thil tha lo an chunga ka thlen tur lakah chuan tumah an chhuakin an him lo ang.

¹⁸Sipaihote LALPA, Israel Pathian chuan heti hian a ti a ni: Jerusalema chengte chunga ka thinurna ka leih ang bawkin Aigupta ram in luh hunah chuan in chungah ka thinrimna ka leih bawk ang: anchhe dawng leh mak tih huai huai, mi kamchhe tleuhna, sawichhiat in ni ang a, he hmun hi in hmu leh tawh reng reng lo ang.

¹⁹Aw Juda awm chhunte u, LALPA chuan in chungchang a sawi tawh hi, Aigupta ramah chuan lut suh u, vawiinah hian ka hriat chiantir che u tih hre mawlh rawh u.

²⁰In nunna chan phah turin in inbum a ni mai; LALPA in Pathian hnenah chuan, "LALPA kan Pathian hnenah chuan min tawngtaisak la, LALPA kan Pathianin a tih apiang chu min hrilh la, kan ti zel ang e," tiin mi tir kha a ni a.

²¹vawiin niah hian in hnenah ka puang ta a nih hi; mahse in hnena a mi tirhna engah mah LALPA in Pathian awka chu in awih si lo a,Chuvangin tunah zawng hre rawh u, chen in chakna hmun ngeiah chuan khandaih te, tam te, hri tein in thi ngei dawn a ni, tiin," a ti a.

²²Chuvangin tunah zawng hre rawh u, chen in chakna hmun ngeiah chuan khandaih te, tam te, hri tein in thi ngei dawn a ni, tiin," a ti a.