Read Baibul, Mizo Jeremia 44 Bible Online

Jeremia 44 - Baibul, Mizo bible

Jeremia 44

¹Aigupta rama Juda awm zawng zawng, Migdol khua te, Tahpanes khua te, Noph khua te leh Pathros rama chengte chungchanga Jeremia hnena thu lo thleng chu:

²Sipaihote LALPA, Israel Pathian chuan heti hian a ti: Jerusalem leh Juda khawpuite zawng zawng chunga thil tha lo ka rawn thlen zawng zawng chu in hmu tawh a; tin, ngai teh u, tunah hian a lo ram ta mai a ni a, tumah an cheng ta lo;

³anni pawhin, nangni pawhin, in thlahtute pawhin pathian dangte an la hriat ngai hleih loh rawng bawl tur leh an hnena rimtui halin, mi tithinur tura, an suahsualna an tih tak avangin.

⁴Chuti pawhin in hnenah chuan ka rawngbawltu zawlneite zawng zawng zing tak taka thoin ka tir a, an hnenah, "Aw, he thil tenawm, ka huatzawng tak hi chu ti rawh suh u," tiin.

⁵mahse an ngaithla chuang lo a, an suahsualna hawisana pathian dangte hnenah rimtui hal loh tur thu chu an bengkhawn hek lo.

⁶Chuvangin ka thinurna leh ka thinrimna chu Juda khawpuiahte leh Jerusalem kawtthlerahte ka leihin a alh ta a, vawiin nia a awm ang hian a ram a, a tiau ta a nih hi.

⁷chuvangin tunah zawng LALPA Sipaihote Pathian, Israel Pathian chuan, In zing ata ahmei apa, nausente leh hnute hne laite Juda zing ata tumah zuah loa rawt bo vek turin engati nge he thil tha lo tak hi in nuna chung ngeia in tih ni?

⁸In va chenna Aigupta ram pathiante hnenah rimtui halin khawvel hnam zawng zinga anchhe dawng leh sawichhiat in nih theihna tur leh rawt bo in nih theihna turin in kut kawih ngeiin mi tithinur a ni.

⁹In thlahtute suahsualna te, Juda lalho suahsualna te, an mipuite suahsualna te, nangmahni ngei suahsualnate leh in nupuite suahsualna, Judai ram leh Jerusalem kawtthlera an tih takte chu in theihnghilh ta em ni?

¹⁰vawiin ni thleng pawh hian an la inchhir chuang lo a, in thlahtute leh nangmahni hmaa ka tarlan ka dan leh ka dan siamte chu in zawh lo a, in tih hek lo.

¹¹Chuvangin Sipaihote LALPA, Israel Pathian chuan heti hian a ti: Ngai rawh u,in chhiatna turin Juda zawng zawng rawt bo vek turin ka hmachhawn ang che u.

¹²Tin, Juda awm chhun, Aigupta rama chen tuma hawi luite chu ka man ang a, an chimit vek ang; Aiguta ramah chuan an tlu ang a, khandaih leh tamtea tihboralin an awm ang; te ber atanga lian ber thlengin khandaih leh tamin an thi ang, anchhe dawng leh mak tih huai huai leh mi kamchhe tleuhna leh sawichhiat an ni ang.

¹³Jerusalem ka hrem ang bawkin Aigupta rama chengte chu khandaih te, tamte leh hripui tein ka hrem dawn si a.

¹⁴Chutichuan Aigupta rama cheng tura kal Juda awm chhunte chu Judai ram, an awm nana kir leh an chak em emna ramah chuan kir turin pakhat mah nungdamin an chhuak lo ang, a ruka tlan chhuakte chauh lo chu tumah an kir lo ang.

¹⁵Tichuan mi zawng zawng, an nupuiten pathian dangte hnena rimtui an hal tih hriate leh hmeichhia chuta dingte mipui tam tak, Aigupta rama cheng mipui zawng zawng chuan, Pathros-ah chuan Jeremia chu an chhang a, heti hain an ti a:

¹⁶LALPA hminga kan hnena i thu sawite kha zawng kan ngaihthlaksak lo ang che.

¹⁷Keini leh min thlahtute, kan lalte leh kan hotuten Juda khawpuiahte leh Jerusalem kawtthlerahte an lo tih tawh thin ang khan van lalnu hnena rimtui halte leh a hnena in tur thilhlan bun chhuah te, kan tawngka chhuak apiang ang zel khan kan ti ngei ngei ang; chutih lai chuan ka hmuingil a, ei leh bar tur a tam a, chhiatna reng kan hmu hlei nem.

¹⁸Van lalnu hnena thil hal leh a hnena in tur thilhlan bun chhuahte kan ban chinah hian engkim kan tlachham ta zawk a, khandaih leh tam tea tihboralin kan awm ta a ni.

¹⁹Tin, hmeichhiate chuan, "Van lalnu hnena rimtui kan hal lai leh a hnenea in tur thilhlan kan bun chhuah laite khan kan pasalte remtih lohin em ni a biakna'n chhang kan siam a, a hnenah in tur thilhlante kan bun chhuah kha?" an ti a.

²⁰Tichuan Jeremia chuan mipui zawng zawng, ahmei apain amah chhangtu zawng zawng hnen ngeiah chuan,

²¹Juda khawpuiahte leh Jerusalem kawtthlerah te, nangni leh in thlahtute, in lalte leh in hotute, leh rama mipuite reng rengin rimtui an hal te chu LALPA'n a hre rengin a rilruah a khung lo em ni?

²²In thil sual tih avang leh in thil tenawm tihte avangin LALPA'n a tuar peih ta lo a nih kha; chumi avang chuan, in ram chu tuna a aw ang hian ram tiau, mak tih huai huai, anchhe dawng, chengtu awm lo, a lo nih tak hi.

²³Rimtui in hal a, LALPA chungah in sual a, LALPA tawngka chhuakte chu in awih lo a, a dan emaw a dan siamte emaw a thu hriattirte emaw in zawm hek loh avangin he thil tha lo hi tuna a awm ang hian in chungah a lo thleng a nih hi," a ti.

²⁴Chu lo pawh Jeremia chuan mipui zawng leh hmeichhia zawng zawng hnenah, "Aigupta rama Juda zawng zawngte u, LALPA thu hi hre rawh u; Sipaihote LALPA, Israel Pathian chuan heti hian a ti:

²⁵nangni leh in nupuite chuan, 'Van lalnu hnenah rimtui hal leh in tur thil hlan bun chhuahte chu ka lo tiam tawh ang zelin ka ti ngei ang,' tiin in kain in sawi tawh a, in kutin in puitlkin tawh bawk a. (In thutiamte chu tinghet u la, in thu tumte chu hlen law law rawh u.

²⁶Chuvangin nangni Juda, Aigupta rama cheng zawng zawngte u, LALPA thu hi ngaithla rawh u: Ngai rawh u: Ngai rawh u, LALPA Pathian a nuna a nun chhung chu tiin Aigupta ram pum puia cheng, Juda mi tu kaah mah ka hming a ri tawh ngai lo ang tiin ka hming ropui chhalin chhia ka chham ani tih hi lalpa thu chhuak a ni.

²⁷Ngai rawh u, an thatna tur ni loin an chhiatna turin anmahni ka chang reng a ni: tichuan Juda mi, Aigupta rama awm zawng zawng chu khandaih te, tamtea tihralin an awm ang, an boral vek hma loh chuan.

²⁸Tin, khandaih tihral bang tlem te chu Aigupta ram ata chhuakin Judai ramah an lut ang; tin, Juda mi awm chhun zawng zawng, Aigupta rama cheng tura kal tate chuan tu thu nge ding zawk dawn, ka thu nge an thu an hria ang.

²⁹Tin, hei in tan chhinchhiahna a ni ang: ka thu hi in chungah thil tha lo lam atan a ding ngei dawn tih in hriat theihna'n he hmunah hian ka hrem dawn che u a ni tih hi LALPA thu chhuak a ni.LALPA chuan heti hian a ti: Ngai rawh u, Pharaoa Hophra, Aigupta lal chu a hmelma, a nuna zawngtute kutah ka mantir ang, Juda lal Zedekia, a hmelma, a nunna zawngtu Babulon lal Nebukadnezzara kuta ka pek ang bawk khan," a ti a.

³⁰LALPA chuan heti hian a ti: Ngai rawh u, Pharaoa Hophra, Aigupta lal chu a hmelma, a nuna zawngtute kutah ka mantir ang, Juda lal Zedekia, a hmelma, a nunna zawngtu Babulon lal Nebukadnezzara kuta ka pek ang bawk khan," a ti a.