Read Baibul, Mizo Jeremia 46 Bible Online

Jeremia 46 - Baibul, Mizo bible

Jeremia 46

¹Hnamte chungchanga zawlnei Jeremia hnena LALPA thu lo thleng chu:

²Aigupta thu: Euphrates lui kama Karkhemis khuaa awm, Juda lal Jehoiakima, Josia fapa kum linaa Nebukadnezzara a nghaisak Aigupta lal Pharaoa-Nekoa sipai rual chungchang thu:

³Phaw bial te, phaw sawl te peih u la, ral tawn rawh u,

⁴Sakawr thuam u la, sakawr chuang mite u, chuang rawh u, Dar lukhum khumin ding nghet u la, Fei tat hriamin thir kawr ha rawh u.

⁵Eng tizia nge! An zam ta, tukkhum an chhawn, An ral tu mite chu an tlawm a, bak lengin an tlanchhia, Hnung lam hawi lo lekin, Kil tinah ral a ti, Tih hi LALPA thu chhuak a ni.

⁶Mi zuanzanmg an tlan bo thei lo, Ral tu mi an chhuak chuang hek lo, Saw hmar Euphrates lui kamah sawn an pai a, an tlu zo ta.

⁷Nile lui anga lo lian hi tu nge ni? Luipui tui fawn vel ang mai hi?

⁸Aigupta chu Nile lui angin a lian a, Luipui tui fawn vel ang maiin, Ka lian ang a, lei chung ka dap ang, Khawpuite leh a luahtute ka tichhia ang, a ti a.

⁹Aw sakawrte u, tawn zel u la, Aw tawlailirte u, che vak rawh u! Ral tu mite chuan hma tawn se, Ethiopia mi leh Put mi, phaw chawitute, Lub mi thal ngul hmang thiamte nen.

¹⁰Chumi ni chu a ni, Lalpa, Sipaihote LALPA ni chu, Phuba lak ni, a hmelmate chunga phuba a lak theihna chu: Khandaih chuan a ei zo ang a, a hne hlui ang, An thisen chu tlai takin a in ang; Sipaihote LALPA chuan hmar ramah Euphrates lui kamah mi tam tak a talh tui mai a ni.

¹¹Aw, Aigupta fanu thianghlim, Gilead-ah chho la, thing hnai hnawih mi han la rawh, Damdawi tam tak i hmang thlawn ta, I tan damna reng a awm lo e.

¹²Hnamte chuan i mualphona chu an hria a, I tap chu lei pum a khat e, Ral tu mi leh ral tu mi an insu a, Leiah an tlu dun reng mai, tiin.

¹³Nebukadnezzara, Babulon lal a lo kal a, Aigupta ram a rawn nghaisak turzia thu LALPA'n zawlnei Jeremia hnena a sawi chu:

¹⁴Aigupta ramah chuan hril u la, Migdol-ah puang rawh u; Noph-ah leh Tahpanes-ah chuan puang u la; Ding nghetin in ralring rawh u; I vela mi khandaihin a ei zo tawh si a, tiin sawi rawh u.

¹⁵Engatinge i mi chakte hnawlbo an nih? An ding zo lo, LALPA'n a paih thlak avangin.

¹⁶Mi tamtakte chu a petektir a, Ani an insu tlu rem rum a, "Hnehchhiahna khandaih tlansanin Hawh u i kir ag u, kan pianna ramah Kan mite hnenah chuan," an ti a.

¹⁷" 'Aigupta lal Pharaoa hi thawm chang lian mai,' A hun tak chu a pumpelh a," tiin tah chuan an au a.

¹⁸A nuna ka nun chhung hi chuan, Tih hi Lalber, a hming Sipaihote LALPA thu chhuak a ni e, Tlangte zinga Tqabor tlang angin Tuipui bula karmel tlang angin a lo kal ngei ang.

¹⁹Aw nang, fanu, Aigupta rama cheng, Saltang turin in siam mai rawh: Noph khua chu a tiau dawn si a, Cheng tur awm loin a kang ral ang.

²⁰Aigupta chu bawgla nalh tak a ni, Mahse hmar ata ei chhetu tur lo thawkin a lo kal e.

²¹An zinga sipai rawih laite chu bawng tuai chawm thau ang mai an ni. Tukhum an chhawn a, an tlanchhia ding loin, An chungah an chhiatna ni a thleng ta a ni, an hremna hun tur chu.

²²Rulpui tleng ang maiin thawm a nei a, A hmelmate chu a rualin an lo kal a, Thing kittute angin hrei nen an rawn bei a.

²³A ram ngawpui fan chhuah zawh loh chu An rawn thiat ang, Khau puang aiin an tam zawk si a, Chhiarsen rual an ni lo.

²⁴Aigupta fanu chu a mualpho ang, Hmarlam a mi kutah mantirin a awm ang.

²⁵Sipaihote LALPA, Israel Pathian chuan heti hian a ti: Ngai rawh u, No khuaa Amona leh Pharaoa; tin, Aigupta leh a pathiante, a lalte, Pharaoa ngei leh amah ringtute chu ka hrem ang.

²⁶An nunna zawngtute kutah leh Babulon lal Nebukadnezzara leh a rawngbawltute kutah chuan ka mantir ang: chumi hunah chuan luahin a awm ang, hmasang nite ang bawkin, tih hi LALPA thu chhuak a ni.

²⁷Aw Jakob, ka rawngbawltu, hlau suh la, Aw Israel, zam hek suh, Ngai rawh, hla tak ata ka chhan chhuak dawn si chia, I thlahte pawh an saltanna ram ata chu,Tin, Jakoba chu a lo kir ang a, Muang takin a awm hle hle ang a, Tuma'n an tihlau tawh lo ang.Aw Jakob, ka rawngbawltu, hlau suh, Ka awmpui che hi, tih hi LALPA thu chuak a ni: Ka hnawh darhna che hnam zawng zawng chu ka titawp ang a, Nang erawh chu ka titawp hlen lo ang che: Dik takin ka hrem ang chia, Hrem loh chuan ka chhuah lo vang che.

²⁸Aw Jakob, ka rawngbawltu, hlau suh, Ka awmpui che hi, tih hi LALPA thu chuak a ni: Ka hnawh darhna che hnam zawng zawng chu ka titawp ang a, Nang erawh chu ka titawp hlen lo ang che: Dik takin ka hrem ang chia, Hrem loh chuan ka chhuah lo vang che.