Read Baibul, Mizo Jeremia 47 Bible Online

Jeremia 47 - Baibul, Mizo bible

Jeremia 47

¹Pharaoan Gaza a suasam hmaa Philistia mite chungchanga zawlnei Jeremia hnena LALPA thu lo thleng chu:

²LALPA chuan heti hian a ti: Ngai rawh u, hmar atangin tui a lo lian e, A kuang khatin a luang liam ang; Ram chu a chim ang a, a chhunga awm zawng zawng nen, Khawpui leh a chhunga chengte pawh chu; Mite an tap ang a, rama mi zawng zawng an chiau vawng vanwg ang.

³A sakawr chak phei khawng ri-ah, A indo tawlailir ri dur durah, A tawlailir nghawr thawmah te, Pate an zam a, an fate hawi lo lekin.

⁴Philistia mi zawng zawng rawkna ni. tura leh Sidon ata tanpuitu awm chhunte sah chhumna ni avangin, LALPA chuan tuipui kam Kaphtora la awm chhun, Philistia mite chu a tichhe dawn si a.

⁵Gaza mite lu a kawng ta, Askelon chu a chimit ta a, A ram phaia la cheng chhunte chu; Eng chen nge i in zai dawn?

⁶Aw LALPA khandaih, i awm hle hle hma eng chen nge? I paiah in khungin chawl la, awm hle hle rawh.LALPA'n tih tur a pek si che chuan, Eng tin, nge i awm hle hle theih ang? Askelon leh tuipui kam chunga che tur in, A ruat miau si che chuan.

⁷LALPA'n tih tur a pek si che chuan, Eng tin, nge i awm hle hle theih ang? Askelon leh tuipui kam chunga che tur in, A ruat miau si che chuan.