Read Baibul, Mizo Jeremia 49 Bible Online

Jeremia 49 - Baibul, Mizo bible

Jeremia 49

¹Amon fate thu, LALPA chuan heti hian a ti: Israelan fate a nei lo em ni? Rokhawmtu a nei na nge? Engati nge Gad chu Milkoman a luah tak a, A mite a khawpuiahte an chen tak?

²Chuvangin, ngai rawh u, nite a lo thleng e, Tih hi LALPA thu chhuak a ni. Indo thawm ri ka hriattir ang, Amon fate, Rabbah khuaah, Thil ram awm khawm mai a lo ni ang a, A fanute chu meiin a kang a, Tichuan Israel chuan amah neitu chu a nei thung ang, LALPA'n a ti.

³Aw Hesbon, chiau vak vak la, Ai chu an rawk zo tawh si; Rabbah fate u, tap rawh u, Tap u la, hungna chhungahte tlan vel rawh u. Milkoma chu sala hruaiin a awm dawn si, A puithiam leh a mi liante nen.

⁴Engah nge i ruam thaate i chhuan, aw rinawmlonu! A neih tha thate ringa, 'Tunge mi bei ang,' ti thintu?

⁵Ngai rawh, hlauhna i chungah ka rawn thlen dawn, I vela mi zawng zawng la ata, Tih hi Lalpa, Sipai hote PATHIAN thu chhuak a ni. Mi tin, hnawh chhuah in ni vek ang, Tuma'n tlanchheho chu an khawm lo ang.

⁶Chumi hnuah erawh chuan Amon fate awm dan ka lamlettir ang, tih hi LALPA thu chhuak a ni.

⁷Remhre remhriatna a bo zo ta em ni? An finna a bo zo em ni?

⁸Aw Dedana chengte u, tlanchhia u la, lehhawi u la, Pil bo daih rawh u; Esauva chhiatna a chungah ka rawn thlen dawn e, Amah ka hrem hunah chuan.

⁹Grep lotute chu i hnenah an lo kalin, hmaih an nei dawn lo'm ni? Zana rukrute chuan an duh tawk ngah hma chu An rawk zel dawn lo em ni?

¹⁰Esauva chu ka tisaruak ta a, A khuh ruk thinte chu ka hawng ta, A biru thei tawh lo ang. A thlahte tihchhiat an ni a, A unaute, a thenawmte nen, A ral thum ta.

¹¹I nau, pa nei lohote chu ngaihsak suh,Keiin ka hum ang, I hmeithaiten mi ring rawh se.

¹²LALPA chuan heti hian a ti: No in lo turte pawhin an in tlat chuan, nang hrem loh tawpin i chhuak dawn em ni? Hrem lohin i chhuak lo ang, i in mawlh ang.

¹³LALPA chuan mahni inchhalin chhia ka chham ta si a, Bozra chu mak tih huai huai, sawi chhiat, tihram, anchhe dawng a ni ang a, akhua zawng zawng pawh a ram hlen ang.

¹⁴LALPA hnen ata thupuan ka lo hre ta, Hnamte hnenah tirhkoh tirh a ni. Inpun khawm u la, amah bei u la, Indo puahchah rawh u.

¹⁵Ngai rawh, hnamte zingah ka tite ta si chia, Mihringe hmuhsitin.

¹⁶I intihrapthlakna kha i thinlung chapo bumna che a ni, Aw nang kham lung kara, tlang chhipa cheng thin, Mu angin, sang takah i bu chhep mah la, Chumi atnag chuan ka la thla tho ang che,Tih hi LALPA thu chhuak a ni.

¹⁷Tin, Edom chu mak tih huai huai a lo ni ang a, mi veivak apiangin mak an ti ang a, a chhiat nasat vang chuan an chek khum ang.

¹⁸Sodom leh Gomora leh a vela khawpuit4e tihchhiata a awm ang bawkin, tumah an cheng tawh lo ang a, mihring fa tumah chutah chuan an awm ngai tawh lo ang, LALPA'n a ti.

¹⁹Ngai rawh u, Jordan ram ngaw atanga sakeibaknei, ran thlahna hmunah a lo chho vang a; a lak atnaign anmahni ka tlan botir nghal ang a, a chunga thu nei turin ka duh apiang ka ruat ang. Keimah ang hi tu nge awm ni? Tuin nge hunbi min thliahsak ang? Berampu tu nge ka hmaa ding tur chu?

²⁰Chuvang chuan Edom chunga LALPA thurawn leh Teman mite chunga a thil ruat, tih a tum takte chu ngaithla rawh u: ran rual notete ngei chu hnuh boin an awm ang a; an chenna chu a titiau ang.

²¹An tluk chhiatna thawmah chuan lei hi a khur a; an tap thawm chu Tuipui Senah pawh hriat a ni ang.

²²Ngai rawh u, mupui angin a lo thlawk chho ang a, Bozrah chungah chuan a thla a zar ang; chumi ni chuan Edom mi huaisente thinlung pawh chu hmeichhe nau vei thinlung ang mai a ni ang.

²³Damaska thu: Hamath chu a zak ta, Arpad nen, Thu tha lo an hre ta si a, an riral ta; Tuipui fawn awm hle hle thei lo angin an buai a. Damaksa a rawih zo ta, Taln chhiat a tum a, khurhin a nang ta. Lungngaihna leh nain a vuan ta, hmeichhe nau vei ang maiin.

²⁴Khawpui himgthang leh hlimawm chu a va thing ta em!

²⁵Tichuan chumi niah chuan a tlangval rualte chu kawtlaiah an tlu ang a, A raltu mi zawng zawng an boral ang, Tih hi Sipaihote LALPA thu chhuak a ni.

²⁶Tin, Damaska kulh bangah mei ka chhuah ang a, Benhadada lal inte chu a kang zo ang.

²⁷Kedar leh Hazor ramte Babulon lal Nebukadnezzaran a suasam thu: LALPA chuan heti hian a ti: Tho u la, Kedar bei u la, khaw chhak fate chu sawisa rawh u.

²⁸An puan inte, an ran rualte an laksak ang, An puanzar te, an bungbel zawng zawng te, An sanghawngseite chu an kal bopui ang, Kil tinah hlauhawm a awm, Tiin miten an au khum ang.

²⁹Tlan chhia u la, vak bo daih rawhu u, Pil bo daih rawh u, aw Hazora chengte u, Tih hi LALPA thu chhuak a ni. Babulon lal Nebukadnezzara chuan A phair che u, i chungah tih tum a nei ta e.

³⁰Tho u la, thlamuang taka awm, Mahnia khawsa, kulh kawngkhar pawh nei lo, Kalhna thir tlawn pawh nei lo hnam chu bei rawh u, Tih hi LALPA thu chhuak a ni.

³¹An sanghawngseite chu ralin an la ang a, An sebawng rual nawlpui chu an kawi ang Baksam ziar kawng hote chu kil tinah ka tidarh ang, An chhiatna tur chu kil tin, atangin ka rawn thlen ang, Tih hi LALPA thu chhuak a ni.

³²Tin, Hazor chu sihal chen hmun a ni ang a, A ram kumkhua ang; Tah chuan tumah an cheng tawh lo ang a, Mihring fate reng reng an khawsa tawh lo ang.

³³uda lal Zedekia lal tantirha Elam chungchanga LALPA thu, zawlnei Jeremia hnena lo thleng chu:

³⁴Sipaihote LALPA chuan heti hian a ti: Ngai rawh u, Elam thal ngul, an chakna bul ber chu, Ka titliak ang;

³⁵Kawlkil li ata thli paliate ka rawn thlen ang, Elam chungah chuan; Ka tidarh ang, kawlkil tinah chuan, Elam hnawhchhuah mite thlen lohna hnam reng an awm lo ang.

³⁶An hmelma, an nun zawngtute hmaah chuan, Elamho chu ka tizam lo ang, An chungah chhiatna ka rawn thlen ang, Ka thinur nasa tak mai chu, Tih hi LALPA thu chhuak a ni. Anmahni khandaih ka umtir ang, ka tihral vek hma loh chu

³⁷An lalte leh an hotute tiralin Elamah chuan ka lalthutthleng ka hung ang, Tih hi LALPA thu chhuak a ni.Mahse ni hnuhnungahte chuan heti hi a ni ang, Elam awm dan ka lamlettir ang, Tih hi LALPA thu chhuak ani e.

³⁸Mahse ni hnuhnungahte chuan heti hi a ni ang, Elam awm dan ka lamlettir ang, Tih hi LALPA thu chhuak ani e.