Read Baibul, Mizo Jeremia 50 Bible Online

Jeremia 50 - Baibul, Mizo bible

Jeremia 50

¹Babulon chungchang, Kaldai mite ram chungchanga, zawlnei Jeremia kaa LALPA thu sawi chu:

²Hnam tin, zingah chuan hril u la, puang rawh u, Puanzar khai u la, puang u la, thup suh u, Babulon lak a ni ta, Bel chu a mualpho ta, Merodak chu a zam zo ta, a limte ch a mualpho a, A milim chu a chhe zo ta.

³hmar atangin ani chu hnam pakhatin a rawn bei a, chu chuan a ram chu a ti tiau ang a, tah chuan tumah an cheng tawh lo ang; an tlan chhia a, an bo zo ta, mi leh sate pawh.

⁴Chung iahte leh chumi hunah chuan Israel fate chu an lo kal ang a, anmahni leh Juda fate nen; fap chungin an lo kal ang a, LALPA an Pathian chu an zawng ang; tih hi LALPA thu chhuak a ni.

⁵Zion lam hawiin an penna tur an zawt ang a, "Hawh u, chatuan thuthlung theihnghilh tawh loh turah chuan LALPA chu rawn vuan rawh u khai," an ti ang.

⁶Ka mite chu beram bo an ni a; an vengtue chuan an hruai bo a, tlangahte chuan an kal botir a, tlangahte, mualdungahte an kal a, an huang an theihnghilh zo ta.

⁷A hmu apiangin an zi zel ta a, an hmelmate chuan, Kan thiam loh a ni lo, LALPA dikna khurpui, an thlahtute nghahfak LALPA meuh chungah thil an tihsual avang a ni, an ti a.

⁸Babulon chhung ata tlan chhuak u la, Kaldaite ram ata kal chhuak u la, kel rual zinga kelchalte angin awm rawh u.

⁹Ngai reh u, Babulon rawn bei turin hmar ram ata hnam rual ropui tak pung khawm chu ka chawk tho ang a, amah do turin an insingsa ang: chuta tangin lak an ni ang: an thlate chu ral tuk thiam tak hlawhchham ngai lo ang an ni ang.

¹⁰Tin, Kaldai chu rawk a ni ang a, a rawktute chu an tlai em em ang, tih hi LALPA thu chhuak a ni.

¹¹Lawm mah u la, hlim mah u la, Aw ka rochan rawktute u. Hnim no zinga bawngla tla ngelh ngelh ang leh Sakawrpa hram ngher ngher ang ni mah u la,

¹²In nu chu a la zak em em ang a, A hringtu che u chu a la mualpho ang. Ngai rawh u, hnamte zinga hnuaihnung ber, Thlaler ram, ram ro, rma ruak a ni ang.

¹³LALPA thinurna avangin luahin a awm lo ang, A tiau vek zawk ang; Babulona kal apiang chu a rap ang a, A chiatna zawng zawng vang chuan an chek ang.

¹⁴Thal ngul kengtu zawng zawngte u, Babulon hual velin intlar u la, Kap u la, thlate chu ren suh u, LALPA chungah an sual ta si a.

¹⁵A velin hawhaw u la Amahin a inpe ta, A kulhte chu a tlu ta a, A bangte chu a chim ta, LALPA phuba lakna a ni si a; A chungah phuba la u la, A tih ang zelin a chungah ti rawh u.

¹⁶Babulon ata chi thehtu rawt bo u la, Buh seng laia favah chawitu nen, Hnehchhiahna khandaih hlauin Mahni mite lam an pan theuh vang a, Mahni ram theuhvah an tlan ang.

¹⁷Israel chu beram darhsah a ni a; sakeibakneiten an um bo a; Assuria lal chuan amah a ei zet a, a tawpah Babulon lal Nebukadnezzara chuan a ruhte a thial sawm ta a.

¹⁸Chuvangin Sipaihote LALPA, Israel Pathian chuan heti hian a ti: Ngai rawh u, Assuria lal ka hrem ang bawkin Babulon lal leh a ram chu ka hrem ang.

¹⁹Tin, Israel chu a tlatnaah ka hruai leh ang a, Karmel leh Basanah chuan a tla ang a, Ephraim tlangah leh Gilead-ah chuan amah chu a tlai ang.

²⁰Chung niahte leh chutih hunah chuan Israel khawlohnate chu an zawng ang a, hmuh tur a awm lo ang; Juda thiltih sualte pawh hmuh tur a awm hek lo ang; awm chhun atan ka zuahte chu ka ngaidam dawn si a, tih hi LALPA thu chhuak a ni.

²¹Merathamim ram bei rawh u, A ram leh Pekod luahtute ngei chu: That u la, an kuangbang chenin rawt bo vek u la, Thu ka pek che ang zelin ti ang che u, Tih hi LALPA thu chhuak a ni.

²²Khawvel pum pui tuboh chu a phelin A va keh sawm nasa em! Hnamte zingah Babulon chu a va ram nasa ta em!

²³Aw Babulon, i tan thang ka kam e, Hre loin i awk ta a nih hi; Hmuh chhuah leh manin i awm ta, LALPA i bei avangin.

²⁴LALPA chuan a ralthuam bawm a hawng ta, A thinurna hriamhreite chu a la chhuak ta, LALPA, Sipaihote LALPA chuan Kaldaite ramah tih tur a nei.

²⁵Ramri tawpkhawk atangin rawn bei u la, A thil dah khawmna inte chu hawng vek u la, Theh khawm u la, tichhe vek rawh u, A engmah reng zuah loin.

²⁶A bawngpa tuaite chu tihlum vek u la, Talhin awm vek rawh se. An chung ava pik em! An ni a lo thleng ta si, Anmahni hremna ni ngei chu.

²⁷LALPA kan Pathian phuba lak, a biak in phuba lakna ngei chu Zioan hril tura Babulon atanga tlan chhuak leh tlan bote thawm chu!

²⁸Babulon bei turin thal kah thiam, thlan ngul hmangtu zawng anwg chu ko khawm rawh u; a velin buk khuar u la, tumah chhuak suh se. A thiltih ang zelin thungrul rawh u, a tih tak ang zawng anwg chu a chungah ti rawh a: LALPA, Israel Mi thianghlima chu a cho ngam si a.

²⁹Chuvangin a tlangvalte chu a khawlaiahte an tlu ang a, ral tu mi zawng zawng chu chumi niah chuan an boral ang tih hi LALPA thu chhuak a ni.

³⁰Ngai rawh, nang mi chapo, ka do che a ni, LALPA Sipaihote LALPA chuan a ti. I ni a lo thleng ta, i hremna tur ni chu.

³¹Tin, mi chapo chu apetekin a tlu ang a, Tuma'n an kai tho lo ang, Tin, a khawpuiahte chuan mei ka chhuah ang a, A vela awm zawng zawngte chu a kang fai vek ang.

³²Sipaihote LALPA chuan heti hian a ti: Israel fate leh Juda fate chu hnehchhiahin an awm za ta a; sala hruaitute zawng zawng chuan an vuan tlat a, an chhuah duh hauh lo.

³³An tlantu erawh chu a chak a ni; a hming chu Sipaihote LALPA a ni. Ani chu an lamah a tang ang a, Babulona chengte chu tibuaiin, khawvelah muanna a thlen theihna'n.

³⁴Kaldai mite chungah khandaih a leng e, Babulona chengte, a hotute leh a mi fingte chungah pawh, Tih hi LALPA thu chhuak a ni.

³⁵Mi dawhtheite chungah khandaih, Mi a an lo chang ang! A ral tu mi chungah khandaih, An zam lo ang.

³⁶An sakawrte leh tawlailirte chungah khandaih, A chunga mi inpawlhsawp zawng zawng chungah pawh, hmeichhia ang mai an lo ni ang: A ro thil chungah khandaih, Rawkin an awm mai ang.

³⁷A tuite kangin a ro zo a, Milimte ram a ni si a, Milimte chu an atchilh a.

³⁸Chuvangin thlaler ram sakawlh te, chinghnia te nen chutah chuan an cheng ang a, vanghawngseite pawh chutah chuan an cheng ang; luahin a awm ngai tawh lo ang; chhuan zawng zawng thleng pawhin luahin a awm lo ang.

³⁹Pathian in Sodom leh Gomora leh a khaw thenawmte a tihchiat ang hrim kha; tah chuan tumah an cheng tawh lo ang a, mihring fa tumahin an tlawh tawh lo ang, LALPA thu chhuak chuan a ti.

⁴⁰Ngai rawh u, hmar lam ram ata mite an lo kal e. Lei hmun tawp ata hna ropui tak leh lal tam tak an lo thawk e.

⁴¹Thal ngul leh fei an keng a, Nunrawng tak, zahngaihna reng reng nei lo an ni. An thawm chu tuipui ri hum hum ang a ni a, Sakawr chungahte an chuang a, Mi tin, ral tu mi anga intuamin, Aw, Babulon fanu, an rawn bei dawn che.

⁴²An thawm hriain Babulon lal kut a sawi ta, Hmeichhe nau vei lai natna ang, Natna nasa takin a vuan ta.

⁴³Ngai rawh u, Jordan ram ngaw atanga saikeibaknei, ran thlahna hmuna a lo chho angin a lo chho ang a; a lak attangin anmahni ka tlan botir nghal ang a; a chunga thu nei turin ka duh apiang ka ruat ang. Keimah ang hi tu nge awm ni? Tuin nge hubi mi thliahsak ang? berampu tu nge ka hmaa ding tur?

⁴⁴Chuvangin Babulon chungah LALPA thu rawn, Kaldai mite chunga a thil ruat chu ngaithla rawh u. Ran rual note ngei chu hnuh boin an awm ang a, ran thlahna hmuna mite a rap ang.Babulon lak thawmah lei a nghing a, a tap thawm chu hnamte zingah hriat a ni ang.

⁴⁵Babulon lak thawmah lei a nghing a, a tap thawm chu hnamte zingah hriat a ni ang.