Read Baibul, Mizo Jeremia 51 Bible Online

Jeremia 51 - Baibul, Mizo bible

Jeremia 51

¹LALPA chuan heti hian a ti: Ngai teh, Babulon chungah leh Kaldai mite chungah, Tichhetu thlipui ka tir dawn e;

²Sisep zaptute ka tir dawn, Babulon chungah, Amah zapin a ram an zap fai ang, Chhiatna niah chuan hualin an bei dawn si.

³Thal ngul hmangtuin thalk ngul kuai loin, Thir kawr hain din pawh ding suh se, A tlangval rual pakhat pawh zuah loin, A sipai zawng zawng nuai bo rawh u.

⁴Kaldai ramah thahin an tlu ang a, A khawlaiahte chuan chhun tlang an ni ang.

⁵Israel leh Juda chu an Pathian Sipaihote LALPA chuan A hnuchhawn si lo a, An ram chu Israel Mi Thianghlim chungah Sualin a khat na a.

⁶Tlan bo u la, Babulon khaw chhung ata, Mi tinin mahni nun chhanhim rawh se; A khawlohna boral phah suh u, LALPA phuba lak hun chu a ni si a. Ani chuan a thungrul ngei dawn a ni.

⁷Babulon chu LALPA kuta rangkachak no, Lei pum tihruihna chu a ni a, Hnamten a uain chu an in a, Chuvangin hnamte lung a mawl zo ta.

⁸Babulon chu a tlu thut a, a boral ta. Amah chu tah vak vak rawh u, Tihdam theih awm anih chuan Thinghnai damdawi hnawih mi laksak rawh u.

⁹Babulon chu tihdam ka tum a, A dam chuang si lo, Amah kalsanin mahni ram theuhvah i kal ang u, A thiam lohnain van a tawng a, Van dum thlenga chawi kan a ni.

¹⁰LALPA chuan ka dikna a puang ta; Hawh u, Zionah i puang ang u, LALPA kan Pathian thiltih chu.

¹¹Thalte chu hriam u la, phawte chelh rawh u, Media lalte rilru chu LALPA'n a chawk tho ta, A thil tum chu Babulon tihchhiat thu a ni si. Chu chu LALPA phuba lakna a ni si a, A biak in phuba ngei chu.

¹²Babulon kulh bulah indo puanzar tar rawh u, Venna tichakin, ralvengtu dah rawh u, Lambunnate siam u la, Babulon mite chungchang thua LALPA'n a sawi kha, a relin a tizo ta si.

¹³Aw, nang tui tam hmuna cheng mi, Sum leh pai ngah em emtu, I tawpna chu a thleng ta, I nunna hrui a chat ta e.

¹⁴Sipaihote LALPA chuan mahni inchhalin chhia a chham ta. Khau ang maiin mihringin ka tikhat ngei ngei ang che. Nasa takin an hawhaw khum ang che.

¹⁵A thiltihtheihnain lei a siam a, A finnain khawvel a din a, A remhriatnain van a tiparh a.

¹⁶A aw a chhuah chuan, Vana tui a ri hum hum a. Kawlkil ata chhum a chhohtir a, Ruyah surna'n kawl a phettir a, A robawm ata thlir a tlehtir a.

¹⁷Mi tin, an mawl, hriatna loin, Rangkachak chhertute an milem chherin a tizak a, A milim chhun chu dawt mai a ni si, Anmahniah thaw pawh a awm lo.

¹⁸Engmah lo mai an ni, bumna hna mai, Hrem an nih hunah.

¹⁹Jakoba chanvo zawng hetiang a ni lo, Thil zawng zawng bul a ni si; Israel hi a roluah hnam a ni a, A hming chu Sipaihote LALPA a ni.

²⁰Nang chu ka raldo hreipui leh hriamhrei i ni thin a, Nangmah hmangin hnamte chu ka tisawm a, Nangmah hmangin lalna ramte chu ka tibo a.

²¹Nangmah hmangin sakawr leh a chung chuang ka tisawm a, Nangmah hmangin tawlailir leh a chunga chuang ka tisawm a;

²²Nangmah hmangin hmeichhia leh pa ka tisawm a, Nangmah hmangin putar leh tleirawl ka tisawm a, nangmah hmangin nula leh tlangval ka tisawm a;

²³Nangmah hmangin berampu leh beram rual ka tisawm a, Nangmah hmangin lo neitu leh bawngpa tuak ka tisawm a, Nangmah hmangin ram awptute leh puitute ka tisawm thin a nih kha.

²⁴Nangma mithmuh ngeiah Zion chunga an thil thalo tih zawng zawng chu Babulon leh Kaldai mite chungah ka thungrul ang, tih hi LALPA thu chhuak a ni.

²⁵Ngai rawh, lei pum pui tichhetu, Aw, tichetu tlang lian, ka do che a i, Tih hi LALPA thu chhuak a ni: I chungah ka kut ka lek ang a, Kham sang ata ka lum thla ang che, Tlang kang rem tawhah ka siam ang che.

²⁶I hnen ata kil lung tur leh lungphum tur Lak chhuah a ni tawh lo ang; Kumkhuain i tiau zawk ang, Tih hi LALPA thu chhuak a ni:

²⁷Chumi ramah indo puanzar tar u la, Hnamte zingah tawtawrawt ham rawh u, Amah do tur hnamte buatsaih u la, Ararat te, Minni te, Askenaz ram te, Amah bei turin ko khawm raw h u;Amah bei turin sipai ruat u la Khautuai ang maiin sakawrte pun khawm rawh u.

²⁸Amah do tur hnamte buatsaih r'u, Media lal te awptu te, leh a puitu te, A thuneihna ram zawng zawng nen.

²⁹Chu ram chu na tuarin a khur a, Babulon ram, chengtu awm loa ti tiau turin, Babulon chunga LALPA thil tum chu a ding reng a ni.

³⁰Babulon ral tu ite chu an ralbang ta, An kulhpuiah an tawm reng e, An pachanna a dai a, hmeichhia ang mai an lo ni ta, An chenna hmunte a kang zo a, A daidanna thir tlawn a tliak.

³¹Zualko tlan chuan mi dang pawh a tawk a, Mi tirh chuan mi dang a tawk bawk a, Babulon lal hnenah a khawpui chu Kil tinan an man ta tih hrilh turin.

³²Lui kainate chu an man a, Phairuangte an hal fai a,Indo mite pawh an zam zo ta.

³³Sipaihote LALPA, Israel Pathian chuan heti hian a ti: Babulon fanu chu hruihzawl rah bel lai ang a ni a, Rei lo teah buh chil hun a chungah a lo thleng ang.

³⁴Mi ei zo ta, Babulon lal Nebukadnezzaran, Mi thial sawm a, bel ruak maiah mi siam ta, Rulpui angin mi dawlh ta, Ka sa tui tuiin a pum a tikhat a, Mi paih chhuak leh ta a.

³⁵Kei leh ka tisa chunga pawngnek thiltih hi, Babulon chungah awm rawh se, Ziona chengten an ti ang; Ka thisen chu Kaldai mite chungah awm rawh se,

³⁶Chuvangin LALPA'n heti hian a ti: Ngai rawh, i lamah ka tang ang a, I phuba ka laksak ang che, A tuipui ka tikang ang a, A tuikhur pawh ka tirochar ang.

³⁷Tin, Babulon chu chhe vawm khawm mai, Sihal chenna hmun, mak tih huai huai leh chek khum, Chengtu awm lo hmun a lo ni ang.

³⁸Sakeibaknei vanglai angin an huk dum dum ang a, Sakeibaknei no angin an hram tuar tuar ang.

³⁹An ruih lungpuam hunin ruai ka thehsak ang a, Ka tirui ang, nikhaw hre lo derin. Thang harh lo tawp tura an mut hlen theihna'n, Tih hi LALPA thu chhuak a ni:

⁴⁰Ka hruai thla ang, beram no talh tur angin, berampate, kelpate ang maiin.

⁴¹Sesak chu lak a nih tak chu! Lei pum pui chawimawi thin chu manin a awm tak hi, Hnamte zinga Babulon a tiau tak chu! Babulon chu tuipuiin a chim ta, A fawn nasa tak chuan a khuh zo a,

⁴²A khawpuite chu a tiau zo a, Ram ro, thlaler, mihring reng chen lohna Mihring fa tuma tlawh loh ram a lo chang ta.

⁴³Babulona Bel chu ka hrem ang, A lem tawh hnu chu ka ata a ka phawrh chhuak ang, Hnamte chu a hnenah an inhawr khawm tawh lo ang, A ni, Babulon kulhpui chu a chim ang.

⁴⁴Ka mite u, a chhung ata lo chhuak u la, LALPA thinur hlauhawm tak ata, Mi tin, mahni inchhanhim rawh u.

⁴⁵In thinlung chau suh se la, Chu rama thuthang chu hlau hek suh u; Kum khatah thuthang a lo thleng ang a, Kum dangah thuthang a lo thleng leh dawn si a, lal leh lal inbeiin ramah pawngnekna a awm ang.

⁴⁶Chuvangin, ngai rawh u, nite a lo thleng e, Babulon milem chher chawpte chunga Ro ka rel a, a ram pum pui a zahna tur ni chu; Tin, a chhungah a mi thahte chu an tlu ang.

⁴⁷Chutichuan lei leh van leh a chhunga awm zawng zawngten, hmar ata runtute a hnenah an thleng ang. Tih hi LALPA thu chhuak a ni.

⁴⁸Babulon chuan Israel mi thahte a tluktir angin Babulon-ah chuan ram tina mi thahte an tlu ang.

⁴⁹Nangni khandaih pumpelhtute u, kal u la, ding mai mai suh u, Hla tak atangin LALPA hre reng u la, In rilruah Jerusalem lut rawh se.

⁵⁰Sawichhiatna thu kan hriat avangin kan zak a, kan hmuihmai a lo buai zo ta, LALPA ina hmun thianghlimahte chuan Awze mite an lo lut ta si a.

⁵¹Chuvangin ngai rawh u, nite a lo thleng e, Tih hi LALPA thu chhuak a ni, An milem chher chawpte chunga Ro ka relna tur leh A ram pum pui chunga mi hliamte rumna ni tur chu.

⁵²Babulon chu van tawngin sang mah se, A kulh sangte chu tinghet mah se, A chungah ka hnen ata tichhetu chu an lo thleng tho ang, Tih hi LALPA thu chhuak a ni.

⁵³Babulon atanga tap thawm leh Kaldai ram atanga chhiatna nasa tak thawm chu!

⁵⁴LALPA'n Babulon chu a run a, An thawm nasa tak mai chu a tihrehsak a. An che vel thawm chu tui tam tak ri hum hum ang a ni, An hawhaw dur dur a.

⁵⁵A chungah runtu a lo thleng, Babulon ngei chungah, A mi chakte manin an awm a, An thla ngulte a tliak sawm ta, LALPA chu thungrultu Pathian a ni si a, A thungrul ngei ngei ang.

⁵⁶Tin, a hotute leh a mi fingte, A awptute leh a puitute Leh mi chakte chu ka tirui ang; An mu hlen ang a, an thang harh l vang, Tih hi Lalber, a hming Sipaihote LALPA thu chhuak chu a ni.

⁵⁷Sipaihote LALPA chuan heti hian a ti: Babulon lal kulh bang chhah takte chu a chim vek ang a, A kawngka sang takte chu a kang vek ang; A mite chuan athlawnin an thawk a, Hnamte chuan mei atan mai an intihah a lo ni.

⁵⁸Juda lal Zedekia lal kum linaa Babulona a kal laia a hnena kal ve, Seraia Neria fapa, Maaseia fapa hnena zawlnei Jeremia thupek chu. Seraia chu lal in chhung hotu ber a ni a.

⁵⁹Tin, Jeremia chuan Babulon chunga chhiatna lo thleng tur zawng zawng, Babulon chungchanga he'ng thu ziak zawng zawng hi lehkhabuah a ziak a.

⁶⁰Tin, Jeremia chuan Seraia hnenah, "Babulon i thlen hunah chuan he'ng thu zawng zawng hi chhiar ngei la,

⁶¹Aw LALPA, he hnam chungchangah hian tumah, mi leh sa pawh, chen lohna tura rawt boa, awmin, kumkhuaa tiau zawk turin thu i sawi tawh a,' ti ang che.

⁶²Tin, heti hi a lo ni ang a, he lehkhabu i chhiar zawhin lung nen tawnbelhbawmin Euphrates luiah paih lut la," Babulon chu hetiang mai hian a pil ang a, a chunga chhiatna ka rawn thlen tur avangin a tho leh tah lo ang; an chau em em ang,' tiin i sawi tur a ni," a ti a. Heti zawng hi Jeremia thu chu a ni.

⁶³Babulon chu hetiang mai hian a pil ang a, a chunga chhiatna ka rawn thlen tur avangin a tho leh tah lo ang; an chau em em ang,' tiin i sawi tur a ni," a ti a. Heti zawng hi Jeremia thu chu a ni.