Read Baibul, Mizo Jeremia 52 Bible Online

Jeremia 52 - Baibul, Mizo bible

Jeremia 52

¹Zedekia chu a lal tantirhin kum sawmhnih leh kum khat mi a ni a; Jerusalemah kum sawm leh kum khat mi a ni a; Jerusalemah kum sawm leh kum khat a lal a; a nu hming chu Hamutali a ni a, Libna khua Jeremia fanu a ni.

²Tin, Jehoiakima tih ang zelin LALPA mithmuha thil sual chu a ti a.

³LALPA a thinur em em avangin Jerusalem leh Judai ramah chuan a hma ata a paih chhuahna khawpuin thil a lo thleng ta a; tichuan Zedekia chu Babulon lal chungah a hel ta a.

⁴Tin, ro a rel kum kuanaah chuan heti hi a lo ni a, thla sawmna, chumi thla ni sawm niah chuan babulon lal Nebukadnezzara leh a sipai rual zawng zawng chu Jerusalem do turin an lo kal a, buk an khuar hnan ta a; a velin kulhte an siam ta a.

⁵Chutichuan lal Zedekia kum sawm leh kum khatna thlengin khawpui chu hualin a awm ta a.

⁶Thla lina, chumi thla ni kuanaah chuan khawpuia tam chu a nasa ta hle mai a, ram mipuite tan ei tur reng reng a awm ta lo a.

⁷Chutichuan khawpui kulh bang an tipawp a, indo mi zawng zawng chu an tlan bo a, lal huana bang pahnih inkara kawngkaa chhuakin, zanah khawpui ata an tlan chhuak a; (Kaldai mite chu khawpui velin an awm a ni a.) Araba kawngah chuan an kal ta a.

⁸Mahse Kaldai sipaite chuan lal chu an um a, Jeriko phaiah Zedekia chu an um phak ta a, a sipai rual zawng zawng chu a hnen ata an darh vek a.

⁹Tichuan Zedekia chu an an a, Babulon lal hnenah Hamath rama Riblah khuaah chuan an kalpui ta a; tin, anin a chung thu a rel a.

¹⁰Tin, Babulon lal chuan Zedekia fapate chu amithmuh ngeiah a that a; Riblah-ah chuan Juda hotu zawng zawng pawh a that bawk a.

¹¹Tin, Zedekia mit a kher chhuahsak a, Babulon lal chuan kawl a buntir a, Babulon-ah a kalpui ta a; athih ni thlengin tan inah a dah a.

¹²Tin, Babulon lal Nebukadnezzara kum sawm leh kum kuana, thla ngana, chumi thla ni sawmnaah chuan lal vengtu pawl hotu, Babulon lal hmaa ding thin, Nebuzaradana chuan Jerusalem a lo lut a.

¹³Tin, LALPA in leh lal in a hal a, Jerusalema in zawng zawng nen, in ropui tinrengte chu meiin a hal a.

¹⁴Tin, Kaldai sipai rual zawng zawng, lal vengtu pawl hotu hnena awmte chuan Jerusalem kulhte chu a velin an tichim ta vek a.

¹⁵Tichuan vengtu pawl hotu Nebuzaradana chuan mipui zinga rethei pawl berte khawpuia hnutchhiah te, Babulon lal hnena inpe tawhte leh mi themthiam la awm chhun zawn gzawng nen salah a hruai ta vek a.

¹⁶Mahse vengtu pawl hotu Nebuzaradana chuan rama mi rethei ber thenkhatte chu grep huan enkawltu leh vengtu atan a hnutchhiah a.

¹⁷Tin, LALPA ina dar bante leh LALPA ina dar tuizem leh a nghahchhante chu, Kaldai mite chuan an tikeh sawm a, dar zawng zawng chu Babulonah an la ta a.

¹⁸Belte pawh, vutlawh te, khawnvar tihmihna te, maihun te, thirfian te, dar bungbel zawng zawng an hman thinte chu an la vek a.

¹⁹Note pawh, meivap dahna te, maihun te, bel te, khawnvar dahna te, thirfiante leh berhbu te; rangkachaka siam kha chu rangkachakin, tangkarua a siam kha chu tangkaruain vengtu pawl hotu chuan a la vek a ni.

²⁰Ban pahnih, dara siam bawngpa sawm leh pahnih, tuizem nghahchhan, lal Solomona LALPA in atana a siam chu, he'ng bungbel zawng zawng dar hi teh rual a ni lo.

²¹Tin, bante kha chu ban pakhat san lam chu, tawng sawm leh tawng riat a ni a, tawng sawm leh tawng hnihin a vel zo chauh a ni; a chhah lam chu zungza beng a ni a, a kawrawng a.

²²Tin, a chungah chuan dar lu bawk a awm a, a lu bawk san lam chu tawng nga a ni a, alu bawk vel mai chuan dar hlira cheimawi leh pawmgranet a ni a; ban pahnih pawh chuan hetiang bawk hian pawmgranet a nei a.

²³Tin, a pangah chuan pawmgranet sawmkua leh paruk a awm a, a vela a cheimawina pawmgranet zawng zawng chu zakhat a ni.

²⁴Tin, vengtu pawl hotu hotu chuan puithiam lal Seraia leh puithiam pahnihna, Zephania leh kawngkhar vengtu pathumte chu a man a;

²⁵tin, indo mite chunga hotua ruat leh mi pasarih, lal hmel hmu thin, khawpuia awmte leh sipai hotu ziaktu, rama mite hming vawngtu leh ram mipui zinga mi sawmruk, khawpuia lo awmte chu khawpui ata a hruai chhuak a.

²⁶Tin, Nebuzaradana, vengtu pawl hotu chuan anmahni a hruai a, Babulon lal hnenah chuan Riblah-ah a rawn thlen a.

²⁷Tin, Babulon lal chuan Hamath rama Riblah-ah chuan anmahni a nghaisa a, a tihlum ta hlawm a. Chutichuan Juda hnam chu an ram ata sala hruai boin an awm ta a.

²⁸Heng hi Nebukadnezzara mipi sala a hruaite ch an ni: Kum sarihnaah chuan Juda sangthum leh sawmhnih leh pathum;

²⁹Nebukadnezzara kum sawm eh kum riatnaah chuan Jerusalem atangin mi zariat leh sawmthum leh pahnih salah a hruai a;

³⁰Nebukadnezzara kum kum sawmhnih leh kum thumnaah chuan Nebuzaradana, vengtu pawl hotu chuan mi zasarih leh sawmli leh panga salah a hruai a: an zavai chuan sangli leh zaruk an ni.

³¹Tin, Juda lal Jehoikina kum sawmthum leh kum sarihna, a thla sawm leh thla hnihna, chumi thla ni sawmhnih leh ni nga ni tak chuan heti hi a lo ni a, Babulon lal Evil-Merodaka chuan a rorel kum khatnaah chuan, Juda lal, Jehoiakina chu a lu a chawikansak a, tan in ata chu a hruai chhuak a;

³²a hnenah chuan tha takin a tawng a, Babulona a hnena awm lalho thutthleng aia sangin lalthutthleng ch a hunsak a.

³³Tin, a tan in silhfente chu a thlaktir a, a dam chhung ni zawng zawng chuan a hmaah a eiin a bar thin ta a.Tin, a chawmna'n chuan a dam chhung ni zawng zawng, a thih ni thlengin, a ni tin, chanvo chu Babulon lalin a pe fo thin a.

³⁴Tin, a chawmna'n chuan a dam chhung ni zawng zawng, a thih ni thlengin, a ni tin, chanvo chu Babulon lalin a pe fo thin a.