Read Baibul, Mizo Jeremia 7 Bible Online

Jeremia 7 - Baibul, Mizo bible

Jeremia 7

¹LALPA hnen ata Jeremia hnena thu lo thleng chu:

²LALPA in kawngkaah chuan ding la, chutah chuan he thu hi puang la, heti hian ti rawh: 'Nangni Juda mi zawng zawng, LALPA be tura he'ng kawngkaa lutte chuan LALPA thu hi ngaithla rawh u.'

³Sipaihote LALPA chuan heti hian a ti: In awm dan leh in thiltihte chu siam tha ula, he hmunah hian ka chentir ang che u.

⁴Hei hi LALPA in, LALPA in, LALPA in a nih hi,' tih dawt thute hi ring suh u.

⁵In awm dan leh in thiltihte chu in siam that tak meuh a, m leh a thenawm kara thu dik taka in relsak a.

⁶hnam dang mite, pa nei lo te, hmeithaite in hnehchhiah loh a, he hmunah hian mi fel thisen in chhuah loh a, in that lohna tura pathian dangte in um hek loh chuan,

⁷he ram hmasang ata in thlahtute hnena ka pekah hian kumkhuain ka chentir ang che u.

⁸Ngai rawh u, dat thu, sawtna awm hlei lo chu in ring zawk a.

⁹Rukruin, tualthatin, uirein, dawta chhia chhamin Baal hnenah rimtui halin, pathian dang, in rhait ngai lohte umin,

¹⁰tin, he in, keima hming ngei vuahah hian ka hmaah lo dingin, he'ng thil tenawm zawng zawngte hi ti zel chungin, "Chhan chhuah ka ni ta," in ti dawn em ni? Ngai teh u, kei, keimah ngei hian ka hmu alawm, tih hi LALPA thu chhuak a ni.

¹¹He in, ka hming ngei hi vuah hi, in mithmuhah suamhmangte puk ang em ni? Ngai teh u,kei, keimah ngei hian ka hmu alawm, tih hi LALPA thu chhuak a ni.

¹²Atira ka hming ka chentirna, ka hmun Silo-ah chuan kal teh u, ka mi Israel suahsualna avanga ka thiltih chu va en rawh u.

¹³Tunah hian he'ng thil zawng zawngte in tih a, zing tak taka thova in hnena thu ka sawi lo sawite hi in ngaihthlak loh a, ka lam che ua, in chhan loh avang hian.

¹⁴Silo chunga ka tih ang khan he in, ka hming vuah, angmahni leh in thlahtute hnena ka hmun pek, in rin thin chungah hian ka ti dawn a ni.

¹⁵In unau zawng zawng, Ephraim chi pum pui meuh pawh ka paih chhuak ang khan ka mithmuh ata ka paih chhuak ang che u, tih hi LALPA thu chhuak a ni.

¹⁶Chuvangin, he'ng mite tan hian tawngtai suh la, au chhuakin tawngtai suh la, ka hnenah dilsak hek suh: ka ngaithla dawn si lo che a.

¹⁷Juda khawpuiahte leh Jerusalem kawtlaiahte an thiltih chu i hmu lo em ni?

¹⁸Naupangten thing an fawm a, an paten mei an chhem a, hmeichhiaten van lalnu hnena hlan tur chhang an hmet a, pathian dangte tan in tur thilhlan an hung chhuak a, mi tihthinrimna mai turin.

¹⁹Keimah em ni mi tihthinrim? Tih hi LALPA thu chhuak a ni: anmahni zahna turin anmahni a ni zawk lo'm ni?

²⁰Chuvangin Lalpa, Lalpa PATHIAN chuan heti hian a ti: Ngai teh u, he hmun chungah te, mi leh sa chungah te, rama thing leh lei rah rah chungah te ka thinrimna leh thinurna chu ka hrithla ang ; a kang ang a, a mit lo ang.

²¹Sipaihote LALPA, Israel Pathian chuan heti hian a ti: In inthawinaahte chuan halral inthawinate belh u la, sa ei rawh u.

²²halral thilhlante emaw inthawinate emaw chungchangah chuan in thlahtute hnenah thu ka sawi lo a, Aigupta ram ata ka hruai chauh lai pawh khan thu ka pe hek lo:

²³Ka aw ngaithla u la, in Pathian ka ni ang a, nangni pawh ka mite in ni ang; in that theihna turin in awm dan tur ka hrilh zawng anwg che u zawm rawh u," tiin thu ka pe zawk a ni.

²⁴Mahse an ngaithla lo a, beng an dawh hek lo: an thinlung sual chhuchhetin anmahni thu thuin an awm ta zawk a, hma lam pan aiin an hnungtawlh ta zawk a ni.

²⁵In thlahtute Aigupta ram ata an chhuah si atanga vawiin ni thleng hian ka rawngbawltu, zawlnei zawng zawngte zing tak taka thoin in hnenah ka tir ni tin thin a.

²⁶Mahse mi ngaithla chuang lo a, beng an dawh hek lo: an rilru an tikhau a, an thlahtute ai chuan an sual ta awk a.

²⁷Tin, he'ng thu zawng zawngte hi an hnenah i sawi tur a ni: mahse an ngaithla lo vang che; anmahni ko ang a, an chhang lo ang che.

²⁸An hnenah, "He hnam hi LALPA an Pathian aw ngaithla lo a, thununna dawng lo hnam an nih hi," i ti ang a: thudik a boral a, an ka ata paih bo a ni ta.

²⁹I sam tan la, paih bo la, hmun sang kawlhahte tap chhuak rawh; LALPA'n a thinurna dawngtu chhuanhote chu paihthlain a hnuchhawn chu paihthlain a hnuchhawn ta si a.

³⁰Juda fae chuan ka mithmuhah thil sual an ti si a, tih hi LALPA thu chhuak a ni: ka hming vuah inah chuan tibawlhhlawh turin an thil tenawmte chu an tdah ta.

³¹An fanute, an fapate hal turin Ben-Hinom ruamah chuan Tophet bawlhmunte an siam a; chung chu ka thupek a ni lo a, ka rilruah pawh a lut ngai hek lo.

³²chuvangin ngai teh u, nite chu a lo thleng danw, tih hi LALPA thu chhuak a ni: chu ruam chu," Tophet" vuah a ni tawh lo ang a, "Ben Hinom ruam," vauh a ni hek lo ang; "Insamna ruam" vuah a ni tawh zawk ang: Tophet-ah chuan an phum ang a, phumna turhmun dang a awm tawh loh avangin.

³³Mite ruang chu chungleng savate leh ramsate chaw a ni ang: tuma'n an hnawt bo lo ang.Tin, Juda khawpuiahte leh Jerusalem khawlaiahte chuan hlim thawmte leh lawm rite, moneitu awte, mo awte pawh ka tireh ang: a ram chu a tiau dawn si a.

³⁴Tin, Juda khawpuiahte leh Jerusalem khawlaiahte chuan hlim thawmte leh lawm rite, moneitu awte, mo awte pawh ka tireh ang: a ram chu a tiau dawn si a.