Read Baibul, Mizo Ṭah Hla 4 Bible Online

Ṭah Hla 4 - Baibul, Mizo bible

Ṭah Hla 4

¹Rangkachak chu a va th�m ta em! Rangkachak thianghlim ber chu a va danglam em! Hmun thianghlim lungte chu kawtthler tawnt�r tinah paih darh a ni ta.

²Zion fapa hlu tak, rangkachak tha mi nena tehkhin theihte chu hlum bel, bel vawtu kut chhuak ang maia ngaih lah ni ta!

³Sihalte mahin an note an hnute an pe, an hnekt�r a; Ka mipui fanu erawh chu a nun a lo chhia, thlalera, vanghawngsei ang maiin.

⁴Nau hnute hne lai lei chu tuihal vangin a dangah a bet a; Naupang chuan chaw an ngen a, tumah rengin an pe lo.

⁵Chaw tha ei thinte chu kawtthlerah an boral a; Puan senduk sina sei liante chuan ek durte an kuah a.

⁶Ka mipui fanu khawlohna chu sodom sualna aiin a nasa a, kut reng pawha khaih loha mit khap kar loa tihchhiata kha.

⁷A miliante chu vur aia thianghlim an ni a, hnute tui aia var an ni; taksaah chuan rubi aiin an sar zawk a, an mawizia chu saphir ang a ni.

⁸An landan lungalhthei aiin a dum zawk a, kawtthleahte chuan hriat an ni lo; An vun chu an ruhahte a bet a, hmawlh angin a ro a.

⁹An tha zawk e khandaiha thi, riltama thi ai zawngin, an rawp ral a, loa thlai tharte tlachhamin.

¹⁰Lainattu hmeichhiate kut chuan mahni fate an chhum a; Ka mipui fanu tihchhiatnaah chuan an chawah an chang ta e.

¹¹LALPA'n thinur a hlen ta, a thinrim hlauhawm a leih chhuak; Zionah mei a tialh a, a lungphumte lamin a kang zo.

¹²Lei lalte chuan an ring lo a, khawvela cheng zawng zawng pawhin; hnehchhiahtu leh hmelma Jerusalem kulh kawngkaa an luh theih tur chu.

¹³Hei hi a zawlneite thil tihsual leh a puithiamte khawloh vang a ni. A chhunga mi dik thisen chauhtu chu.

¹⁴Mitdelin kawtthlerahte an vakvai a, thisenin an bawlhhlawh a; Miten an silhfente an khawih theih loh hial khawpin.

¹⁵Kal bo rawh u! Thianghlim lote u! Kal bo rawh u! Kal bo rawh u! Dek suh u! tiin mite'n an au a. Tlanchhia leh vakvai an lo ni ta a, Miten hnamte z�ngah, hetah an cheng tawh lo ang;

¹⁶LALPA ngai chuan a thehdarh a, a ngaihsak tawh lo ang; Puithiamten zah an hlawh lo a, upaten duhsakna an hlawh hek lo.

¹⁷Tanpuina thlawn thlirin kan mit a vai zo a; Chhandam theilo hnam chu nghah zawng kan ngak a ni.

¹⁸Miin kan hnu an chhui, khawlai kan leng thei lo e; Kan tawp a hnai, kan n� a kim; kan tawpna a thleng ta si.

¹⁹Mi um tute chu van mipuite aiin an chak zawk; Tlangahte chuan min um a, thlalerahte chuan min chang a.

²⁰Kan hnara thaw, LALPA hriak thih a chu an khurah manin a awm ta; hnamte z�ngah a zar hnuaiah kan chengve ang, kan tih thina kha.

²¹Aw Edom fanu, Uz rama cheng chu hlimin lawm rawh se. No chu i hnen pawh a lo thleng ang a, i rui ang a, Saruakin i in siam ang.Aw Zion fanu, i khawlohna hremna chu a kim ta e; Salah a hreng tawh lo ang che. Aw Edom fanu, i khawlohna chu a rawn hrem dawn a, I sualte chu a hmuchhuak ang.

²²Aw Zion fanu, i khawlohna hremna chu a kim ta e; Salah a hreng tawh lo ang che. Aw Edom fanu, i khawlohna chu a rawn hrem dawn a, I sualte chu a hmuchhuak ang.