Read Baibul, Mizo Ṭah Hla 5 Bible Online

Ṭah Hla 5 - Baibul, Mizo bible

Ṭah Hla 5

¹Aw LALPA, kan chunga lo thleng chu hre reng ang che; Ngai la, kan mualphona hi en teh!

²Kan roluahte chu hnamdang mite hnena pk a ni zo ta a, Kan inte chu hmelhriatloh mite hnenah.

³Fahrahte leh pa neilote kan ni ta a; Kan nute hmeithai ang mai an ni ta.

⁴Kan tuisikte man neiin kan in ta a, Kan thingtuahte pawh kan hnenah hralh a ni ta.

⁵Nghawnga manin kan awm a; kan chau va chawlh reng kan nei lo.

⁶Aigupta leh Assuria hnenah kut kan dawh a; Kham khawp chaw hmu turin.

⁷Kan pate zawng an sual a, an awm ta lo a; An khawlohnate kan phur a ni.

⁸Bawihte chu kan chungah an lal a; An kut ata min chhanchhuak tur tumah an awm lo.

⁹Nun chan hlauhawm khawpin kan chaw kan ei th�n; Thlalera khandaih vang chuan.

¹⁰Kan vunte chu thuk ang maiin a sa a; tam kang sa vangin.

¹¹Zion-ah hmeichhiate chu an pawng sual a, nulate chu Juda khawpuiah te.

¹²Lal fate an kutin an khai a, upate hmel an zah lo.

¹³Tlangvalte buh her khawl an hert�r a; Naupangte thingtuah tel hnuaiah an pai chawn chawn a.

¹⁴Upaten kulh kawngka an kalsan a, tlangvalten an hlasak.

¹⁵Kan thinlung hlimna a chuai ta; kan lam lusunah a chang ta.

¹⁶Kan lu ata lallukhum a tla ta; Kan chung a pik e, kan tisual ta si.

¹⁷Hemi avang hian kan thinlung a chau a, Heng avang hia kan mit a thim.

¹⁸Zion tlang chu a tiau tak avangin, Sihalte a chhungah an leng.

¹⁹Nang chu LALPA, kumkhuain i lal a; i lalthutthleng chu chhuan zawng zawng thlengin.

²⁰Eng vangin nge kumkhuaa min theihnghilh a, chu leh chen min kalsan le?

²¹Aw LALPA, nagin i lam mi hawit�r la, tichuan kan lo hawi ang; hmasang angin kan nite tithar ang che.A nih leh, nangin mi paih thla der em ni? Kan chungah i thin a ur nasa hle em ni?

²²A nih leh, nangin mi paih thla der em ni? Kan chungah i thin a ur nasa hle em ni?