Read Baibul, Mizo Ezekiela 12 Bible Online

Ezekiela 12 - Baibul, Mizo bible

Ezekiela 12

¹LALPA thu chu ka hnenah a lo thleng leh a,

²Mihring fapa, helhmang chhung, hmuhna tur mit neia hmu si lo, hriatna tur beng neia hre si lo zingah i awm a ni, helhmang chhung an ni reng si a.

³Chuvangin nang mihring fapa, sal tannaa kal tur angin i bungruate tel fel la, chhun engah an mit hmuh ngeiah kal chhuak rawh; an hmuh ngeiah i hmun ata hmun dangah i kal chhuak tur a ni: helhmang chhung an ni na a, an inngaihtuah phah mahna.

⁴Tin, i bungrua chu chhun engah an mithmuh ngeiah sal tang kal tur bungraw lakin i la chhuak ang a, nangmah ngei pawh an mit hmuhah ram danga thawn bo tur kalin i kal tur a ni.

⁵An mithmuh ngeiah kulh bang chu tipawp la, tah chuan la chhuak rawh.

⁶An mithmuh ngeiah i kovah i pu ang a, thimah i kal chhuak tur a ni; lei i hmuh lohna'n i hmai i khuh tur a ni; Israel chhungte tan entir lawknaah ka siam che a ni si a," a ti a.

⁷Tin, thu mi pek ang chuan ka ti ta a; ka bungrua chu sal tang tur bungrua angin chhun engah ka la chhuak a, ka kutin bang chu tlaiah ka tipawp a, thimah ka la chhuak a, an mithmuh ngeiah ka pu a.

⁸Tin, zingah chuan LALPA thu ka hnenah a lo thleng a,

⁹Mihring fapa, Israel chhung, helhmang chhungte chuan i hnenah, 'Engnge i tih le?' an ti che a ni lo em ni?

¹⁰An hnenah chuan LALPA PATHIAN chuan heti hian a ti: he thu puan hi Jerusalem hotute leh Israel chhungkaw pumpui, an awmna mite chung thu tur a ni.

¹¹In tan entir lawkna ka nih hi, ka tih ang tak hian an chungah tih a ni ang; thawn boin, saltang turin an kal ang, ti rawh.

¹²Tin, an zinga hotu awm chuan thim hnuaiah a koin a pu ang a, a kal chhuak ang: an lak chhuahna'n bang chu an titlang ang a, a mitin ram chu a hmuh tawh loh avangin a hmai a khuh tur a ni.

¹³Amah chu ka lenin ka khuh ang a, ka thanga awk a ni ang: Kaldai rama Babulon-ah chuan ka rawn hruai ang a, tah chuan a thi dawn na a, hmuh chu a hmu lo ang.

¹⁴Amah pui tura a kianga awm thinte leh a vengtute zawng zawng ram tinah ka tidarh ang a, khandaih phawiin ka um ang.

¹⁵Tin, hnamte zinga ka hnawh darh a, ram tina ka tihdarh hunah chuan LALPA chu ka ni tih an hria ang.

¹⁶Amaherawhchu khandaih te, tam te, hripui te lakah chuan mi tlem te ka zuah ang; chungte chuan an lo kalna rama hnamte hnenah chuan an tenawmna zawng zawng chu an puanna'n; tin, kei LALPA chu ka ni tih an hria ang," a ti a.

¹⁷Tin, LALPA thu chu ka hnenah a lo thleng leh a,

¹⁸Mihring fapa, i chaw chu khur hlawk hlawk chungin ei la, i tui chu manganga khur chungin in rawh;

¹⁹tin, rama mite hnenah chuan, LALPA PATHIAN chuan Jerusalema chengte

²⁰Tin, mi chenna khawpuite chu a tiau vang a, a ram chu tihramin a awm ang a, tichuan LALPA chu ka ni tih an hria ang" tiin sawi rawh," a ti a.

²¹Tin, LALPA thu chu ka hnenah a lo thleng a,

²²Mihring fapa, Israel rama he thufing tawi in neih hi eng tih na nge ni?'Ni khua a lo reiin inlarna apiang a thlawn leh mai thin' in tih hi.

²³Chuvangin LALPA PATHIAN chuan heti hian a ti a ni: he thufing tawi hi ka ti bang a, Israel ramah thufing tawiah an hmang tawh ngai lo ang; ni chu a hnai tawh a, inlarna tin, thlen dik ni tur chu, tiin an hnenah sawi zawk rawh.

²⁴Israel chhungte zingah inlarna lo-thlawn reng reng leh thumvawr tha lama sawisak derna reng reng a awm tawh lo ang.

²⁵LALPA chu ka ni si a, ka sawi ang a, ka thusawi chu hlen nghal a ni ang a, khek a ni lo ang. Aw helhmang chhungte u, in dam lai ngei hian thu ka sawi dawn a, ka tihlen dawn si a, tih hi LALPA thu chhuak a ni," a ti a.

²⁶LALPA thu chu ka hnenah a lo thleng leh a,

²⁷Mihring fapa, ngai rawh, Israel chhungtea mi chuan,'Inlarnaa hmuhte chu nakina mi tur an ni a, a sawi lawkte pawh hla taka mi tur an ni,' an ti a ni.Chuvangin an hnenah chuan, LALPA PATHIAN chuan heti hian a ti a ni:'Ka thu engmah hi khek a ni lo ang a, ka thusawi apiang chu hlenin a awm zel zawk ang,' tih hi LALPA PATHIAN thu chhuak a ni tiin hrilh rawh," a ti a

²⁸Chuvangin an hnenah chuan, LALPA PATHIAN chuan heti hian a ti a ni:'Ka thu engmah hi khek a ni lo ang a, ka thusawi apiang chu hlenin a awm zel zawk ang,' tih hi LALPA PATHIAN thu chhuak a ni tiin hrilh rawh," a ti a