Read Baibul, Mizo Ezekiela 14 Bible Online

Ezekiela 14 - Baibul, Mizo bible

Ezekiela 14

¹Tichuan Israel upa thenkhatte chu ka hnenah an lo kal a, ka hmaah an thu a.

²Tin, LALPA thu chu ka hnenah a lo thleng ta a,

³Mihring fapa he'ng mite hian an milemte chu an thinlungah an la lut a, an hmaah an khawlohna tlukna chu an dah a ni; kei mi rawn tur an ni teh reng em ni?

⁴Chuvangin anmahni bia la, LALPA PATHIAN chuan heti hian a ti a ni:'Israel chhungkuaa mitin an thinlunga an milim la lut a, an hmaa an khawlohna tlukna dah a, zawlnei hnena lo kal apiang kei LALPA hian an milim tamzia ang zelin ka chhang ang;

⁵Israel chhungte chu an milim avanga min lo hransan tak avangin an thinlung takah ka man theihna'n

⁶Chuvangin Israel chhungte hnenah chuan, LALPA PATHIAN chuan heti hian a ti a ni: a Lo kir u la, in milimte lakah chuan lo kir u la, in tenawmna zawng zawng chu hawisan rawh u.

⁷Israel chhung zinga mi tu pawh emaw, mikhual Israel rama cheng ve emaw, ka laka intihranga, an thinlunga milim la luta, an hmaa khawlohna dah chunga, an chungchanga mi rawn tura zawlnei hnena kal chu kei LALPA ngei hian ka chhang mai ang.

⁸Chumi chu ka hma chhawn ang a, mi mak tih atan kumkhaw tlaitluana hrilhfak turin ka mite zing ata ka ti bo daih ang; tichuan kei hi LALPA chu ka ni tih in hria ang.

⁹Tin, zawlnei chuan buma awmin thu sawi se la, kei LALPA hian zawlnei chu ka bum a ni a, a chungah ka kut ka lek ang a, ka mi Israelte zing ata ka tiboaral ang.

¹⁰Tin, an khawlohna chu an phur ang: zawlnei khawlohna chu amah rawntute khawlohna ang mai a ni ang;

¹¹Israel chhungte chu ka laka an bo tawh loh a, an bawhchhiatna te zawng zawnga an intihbawlhhlawh tawh lohna'n, ka mite an nih tawh zawka an pathian ka nih theih nan, LALPA PATHIAN chuan a ti a ni,' tiin sawi rawh," a ti a.

¹²Tin, LALPA thu chu ka hnenah a lo thleng a,

¹³Mihring fapa, ram miten bawhchhiatna thil tia, ka chunga thil tisuala, keiin ka kut ka lek a, an chaw, nunna bul chu ka tihchhiata, an chunga tam ka tlentira, mi leh sa te ka rawn tih bo chuan,

¹⁴he'ng mi pathum, Nova, Daniela leh Joba te meuh pawh hi lo awm ta ang se la, an falnain anmahni nunna chauh an chhanhim tur a ni, tih hi LALPA Pathian thu chhuak a ni.

¹⁵Ramsa kawlhte an ram ka fan chhuahtira, ram chu an tihchhiat a, a lo tiau a, ramsa avanga tumah kal tlang tur an awm loh chuan,

¹⁶he'ng mi pathumte hi awm mah se la, a nuna ka nun chhung chu, tih hi LALPA Pathian thu chhuak a ni, an fanute, an fapate an chhanhim chuang lo ang; anmahni chauh chu chhanhimin an awm ang a, ram chu a tiau tho ang.

¹⁷A nih leh, chu ramah chuan khandaih ka rawn leka,'Khandaih, che rawh,' ka tih chuan mi leh sa chu ka rawt bo a ni ang a,

¹⁸he'ng mi pathumte hi awm mah se la, a nuna ka nun chhung chu, tih hi LALPA PATHIAN thu chhuak a ni a, an fanute, an fapate an chhanhim chuang lo ang a, anmahni nunna chauh chhanhimin a awm ang.

¹⁹A nih leh, chu ramah chuan, hripui ka rawn lentir a, mi leh sa tibo tura, thisen chhuaha ka thinurna chu ram chunga ka rawn leih chuan,

²⁰Nova, Daniela leh Joba te meuh pawh hi lo awm mah se la, a nuna ka nun chhung chu, tih hi LALPA pathian thu chhuak a ni, an fanu emaw, an fapa emaw an chhanhim lo ang a, an felnain anmahni nunna ngei an chhanhim chauh ang.

²¹LALPA PATHIAN chuan heti hian a ti si a: Jerusalem chunga ka rorelna na tak pali, khandaih te, tam te, ramsa kawlhte, hripui te, mi leh sa rawt bo vek tura ka rawn thlen kim hunah chuan eng tia nasa tak ni ang maw?

²²Amaherawhchu, ngai teh, chutah chuan awm chhun hruai chhuah tur te chu hnutchhiahin an awm ang a, fanute leh fapate pawh: ngai teh u, in hnenah an lo chhuak ang a, an awmdan leh an thil tih in hmu ang a, tin, Jerusalem chunga thil tha lo ka rawn thlen thuah chuan thlamuanin in awm ang a, a chunga ka rawh thlen tak zawng zawng thuah pawh.An awm dan leh an thiltihte i hmuh hunah chuan an thlamuan ang che u; a chunga ka thiltih tak zawng zawng chu tih chhan nei loin ka ti lo tih in hria ang' tih hi LALPA PATHIAN thu chhuak a ni," tiin.

²³An awm dan leh an thiltihte i hmuh hunah chuan an thlamuan ang che u; a chunga ka thiltih tak zawng zawng chu tih chhan nei loin ka ti lo tih in hria ang' tih hi LALPA PATHIAN thu chhuak a ni," tiin.