Read Baibul, Mizo Ezekiela 17 Bible Online

Ezekiela 17 - Baibul, Mizo bible

Ezekiela 17

¹Tin, LALPA thu chu ka hnenah a lo thleng a,

²Mihring fapa, Israel chhungte hnenah chuan thu kherkhiap siam chhuak la, tehkhin thuin sawi rawh,

³LALPA PATHIAN chuan heti hian a ti a ni, ti rawh:'Mupui lian tak, thla hlai pui, thla ki sei tak, tial buai, hmul bit tak Lebanon tlangah a thlawk a, sidar thing zik a la a,

⁴a tang zik no ber chu a thliak a, mi veivahna ramah a thlawhpui a, sumdawnna khawpuiah chuan a phun ta a.

⁵Chumi ram thlai chi chu a la bawk a, lei thaah chuan a kui tiak a, tui tam tak kamah chuan a phun ta a, tuipuisuthlah angin a phun a.

⁶Tin, a thang a, grep hrui tawi tak a lo ni ta a; a zarte chu a lo zam let a, a zungte chu a hnuaiah a awm a; tichuan grep kung a lo ni a, pengte a rawn chhuah a, a tang chu a lo chawr ta a.

⁷Mupui lian tak dang a awm bawk a,thla hlai pui leh hmul bit tak a nei ve a,tin, ngai rawh, he grep kung hi ama lamah khan a zung a zam a; a phunna hmun atang khan ama lamah pengte a chawr chhuak ta a, amah chu tuiin a chawm theihna'n.

⁸Pengte a chhuah a, grep tha tak a nih theihna'n tui tam tak kama lei thaa phun a ni.

⁹LALPA PATHIAN chuan heti hian a ti a ni: A puitling hlen dawn em? A vuai mai theihna'n a rah te sat thlain, a zung chawpin a pawt chhuak dawn lo'm ni? A hnah chawr thar zawng zawng pawhin a vuai phah ang; a zung chawpa pawt chhuak turin thiltihtheihna nasa tak emaw, mipui tam tak emaw a ngai chuang dawn em ni?

¹⁰A ni, ngai rawh, phun mah ni se la, a puitling hlen dawn em ni? khawchhak thliin a rawn nuai hunah chuan a vuai zo mai dawn lo'm ni? A tona hmun ngeiah chuan a vuai mai ang, ti rawh," a ti a.

¹¹Tin, LALPA thu chu ka hnenah a lo thleng leh a,

¹²Helhmang chhungte hnenah chuan sawi rawh, he thil awmzia hi an hre lo em ni? Hrilh rawh, ngai rawh u, Babulon lal chu Jerusalemah a lo kal a, an lal leh hotute chu a man a, ama hnenah Babulon-ah a hruai a,

¹³an lal thlah pakhat a man a, thuthlung a siampui a, thu a tiam luihtir a, rama miliante chu a hruai bo vek a;

¹⁴a lalna ram a tlawma, amaha a din chhuah tawh lohna'n, a thuthlung vuan chung chauha a din theihna turin.

¹⁵Mahse sakawrte leh mi tam tak rawn tir tura dil turin Aigupta ramah palai tirin a chungah a hel ta a. A hlawhtling ang em? Thuthlung chu bawhchhe siin a chhuak tho ang em?

¹⁶A nuna ka nun chhung chu, tih hi LALPA PATHIAN thu chhuak a ni; Lalber, lala siamtu chenna ngeiah chuan a chhechham te hmusit leha, a thuthlungte bawhchhiaa, ama hnen ngeiah Babulon-ah chuan a thi ang.

¹⁷Indonaa mi tam tak tihhlum tura mual pawngte leh kulhte an siam hunah pawh Pharaoa sipai rual leh pawl ropui tak pawh engmah an tihsak thei lo ang.

¹⁸Thuthlung bawhchhiain chhechham chu an hmusit ta si a; thu a in tiam hnuah he'ng thil zawng zawng hi a ti leh ta si a le, a chhuak awzawng lo ang.

¹⁹Chuvangin LALPA PATHIAN chuan heti hian a ti a ni : ka chhechham a hmusit a, ka thuthlung a bawhchhia a, a nuna ka nun chhung chu, ama chungah ka tuan ngei ngei ang.

²⁰Lenin ka khuh ang a, ka thangah chuan ka awk ang a. Babulonah ka rawn hruai ang a, tahchuan a bawh chhiatna te avang chuan amah ka bei ang.

²¹Tin, a pawl zawng zawnga tlanchhe ho zawng zawng chu khandaihin an thi ang a, a la bangte chu kawlkil tinah an darh ang: Tin, kei LALPA hian ka sawi tawh tih in hre chhuak ang.

²²LALPA PATHIAN chuan heti hian a ti a ni: Sidar sang tak zik chu kei hian ka la ng a, ka phun ang; A ziding bera zik no chu ka thliak ang a, Tlangsang langsar takah ka phun ang,

²³Israel sanna tlangah chuan ka phun ang a, Zarte a rawn chhuah ang a, a lo rah ang a, sidar ropui tak a ni ang: A hnuaiah chuan chungleng sava chi tinreng an cheng ang a, A zar hlimah te chuan an awm ang.Tin, ram thing zawng zawngte chuan kei LALPA hian thing sangte ka tihniam a, thing hniamte chu ka tisang a, Thing hringte ka ti ro a, Thing ro te ka ti duah a ni, tih an hria ang: Kei LALPA hian ka sawi tawh a, ka ti tawh bawk a ni," a ti a.

²⁴Tin, ram thing zawng zawngte chuan kei LALPA hian thing sangte ka tihniam a, thing hniamte chu ka tisang a, Thing hringte ka ti ro a, Thing ro te ka ti duah a ni, tih an hria ang: Kei LALPA hian ka sawi tawh a, ka ti tawh bawk a ni," a ti a.