Read Baibul, Mizo Ezekiela 18 Bible Online

Ezekiela 18 - Baibul, Mizo bible

Ezekiela 18

¹Tin, LALPA thu chu ka hnenah a lo thleng leh a,

²Israel ram chungchangah he thufing tawi an hnam hi eng tihna nge,'Pate chuan grep thur an ei a, an fate ha a tim e,' tih hi?

³A nuna ka nun chhung chu, Israel-ah he thufing tawi hi hman leh tih in nei tawh lo ang, tih hi LALPA PATHIAN thu chhuak a ni.

⁴Ngai rawh u, nunna zawng zawng ka ta vek a ni, pa nunna ka ta a ni ang bawkin fapa nunna pawh ka ta a ni: thil tisual tu apiang an thi ang.

⁵Mahse mi chu a fela, thiang leh dik chauh a tiha,

⁶bawl hmunahte ei lo a, Israel chhungte milim lam hawi hek lo a, hmeichhe fel lo lai hnaih hek lo a,

⁷tuma chunga thilsual ti lo a, lei batu thil dahkham pe kir zawk a, tuma rawk lo a, riltam hnena eitur pea, saruak puan silhtira,

⁸a pung um tura puktir lo a, a pung pawh la hek lo a, thilsual ti tura a kut suma,mi leh mi inkara rorelna dik taka titlua,

⁹ka dan siamte zawh a, dik taka tia, ka rorelnate a vawn chuan mi fel a ni a, a nung ngei ang tih hi LALPA PATHIAN thu chhuak a ni.

¹⁰Mahse fapa rukhmang a hrina, thisen chhuahtu a niha, hetiang reng reng hi a tiha,

¹¹a tih tur zawk chu a tih loh a, bawlhmunahte ei zawka, a thenawm nupui a tihbawrbana,

¹²rethei leh tlachhamte a tihduhdaha, a rawk a, dahkham a pek kir lo a, milimte lam a hawia, thil tenawm a tiha,

¹³a pung um a peka, a pung a lak bawk chuan, a nung ang em? A nung tawp lo ang; he'ng thil tenawm zawng zawng hi a ti miau si a, a thi ngei ngei ang, ama thisen mawh chu a phur tur a ni.

¹⁴Tin, ngai rawh, fapa lo hring ve se la, a pa thil sual tih tawh zawng zawng kha a hmuha, a hlauh a, chutianga a tihve loh a,

¹⁵Bawlhmuna a ei loh a, Israel chhungte milim lam hawi lo a, a thenawm nupui a tihbawrhban loh a,

¹⁶tuma chunga thil a tih sual loh a, dahkham engmah la lo a, tumah rawk lo a, riltamte eitur pe zawka, saruakte puan a silhtira,

¹⁷rethei laka a kut a suma, a no leh a pung la lo a, ka thupekte hmanga ka dan siamte zawhtu a nih chuan, a pa khawlohna avangin a thi lo ang a, a nung ngei zawk tur a ni.

¹⁸A pa erawh zawng rawng taka mi a hnehchhiaha, a unaupa rawkrala beia, a mite zinga thil tha lo chu a tih avangin, ngai rawh a khawlohna avangin, a thi tur a ni.

¹⁹Mahse,'Engah nge fapa chuan a pa khawlohna a tuar loh vang?' in ti thin, fapa chuan dan chu zawma thi l fel a tiha, ka dan saimte zawng zawng chu a vawna, a tih bawk chuan a nung ngei tur alawm.

²⁰Thil tisualtu chu a thi tur a ni: fapa chuan a pa khawlohna chu a tuar lo ang, pa pawhin fapa khawlohna chu a tuar hek lo ang: mi fel felna chu amahin a tel ang a, mi sual sualna chu amahin a phur ang.

²¹Amaherawhchu mi sual chuan a thil sual tih zawng zawngte a hawisana, ka dan siamte a vawn a, dan chu zawma thil fel a tih chuan a nung ngei ang, a thi lo ang.

²²Bawhchhiatna a lo tih tawh reng reng kha chu hriatsak reng a ni tawh lo ang; a lo tih tawh a felnaah chuan a nung ang.

²³Misual thihnaah hian lawmna reng ka nei em ni? A kawngte chu a hawisana, a nunna zawk lo chu? Tih chi LALPA PATHIAN tu chhuak a ni.

²⁴Amaherawh chu mi fel chuan a felna kawng hawisana, khawlohnate a tiha misualte tih ang zela thil tenawmte a tihin a nung dawn em ni? A thil fel tih engmah kha hriatreng a ni tawh lo ang a, a bawhchhiatna a bawhchhiatah khan leh a sualna a tihnaah khan, chumi ngeiah chuan a thi ang.

²⁵Mahse,'LALPA tih dan hi a in ang fo lo e,' in ti thin a. Israel chhungte u, ngai rawh u khai: ka tih dan a in ang fo lo em ni: In tih dan chu a in ang lo fo zawk a ni lo'm ni?

²⁶Mifel chuan a felnate a hawisana, khawlohnate a tih chuan tah chuan a thi ang a, khawlohna a tihah chuan a thi ang.

²⁷Chu lo pawh chu, misualin a sualna a lo tih tawhte chu a hawisana, dan chu a zawma, thil fel a tih chuan a nunna a chhanhim ang.

²⁸A in ngaihtuaha, a bawhchhiatna a lo tih tawh zawng zawng chu a hawisan avangin a nung ngei ang, a thi lo ang.

²⁹Mahse Israel chhungte chuan,'LALPA tih dan chu a inang fo lo a,' an ti a. Aw Israel chhungte u, ka tih dante hi a in ang fo zawk lo'm ni? Nangni tih dante erawh chu a in ang lo fo zawk a ni lo'm ni?

³⁰Chuvangin aw Israel chhungte u, mi tin, nangmahni tih dan ang zelin ro ka rel ang che u, tih hi LALPA PATHIAN thu chhuak a ni. Lamlet u la. In bawhchhiatna zawng zawngte chu hawisan rawh u; tichuan khawlohna chu in tluk chhiatna a ni dawn lo nia

³¹In bawhchhiatna zawng zawng, in lo bawhchhiat tawhte chu paih bo vek u la, thinlung thar leh rilru thar insiam rawh u: Engah nge in thih ang le, aw Israel chhungte u?Mithihnaah chuan lawmna ka nei hauh silo a, tih hi LALPA PATHIAN thu chhuak a ni: chuvangin in lamlet u la, nung rawh u.

³²Mithihnaah chuan lawmna ka nei hauh silo a, tih hi LALPA PATHIAN thu chhuak a ni: chuvangin in lamlet u la, nung rawh u.