Read Baibul, Mizo Ezekiela 20 Bible Online

Ezekiela 20 - Baibul, Mizo bible

Ezekiela 20

¹Tin, heti hi a ni a, kum sarihna, thla ngana, chumi thla ni sawm niah chuan Israel upa tute emaw LALPA rawn turin an lo kal a, ka hmaah an thu a.

²Tin, LALPA thu chu ka hnenah a lo thleng a,

³Mihring fapa, Israel upate chu bia la, an hnenah, LALPA PATHIAN chuan heti hian a ti a ni: Mi rawn tura lo kal em in nih? A nuna ka nun chhung chu, nangni rawnin ka awm lo ang, tih hi LALPA PATHIAN thu chhuak a ni," ti rawh.

⁴I chachhuah dawn lo'm ni? Mihring fapa, chachhuah ta che, an pate tenawmnate chu hriattir rawh;

⁵tin, an hnenah, LALPA PATHIAN chuan heti hian a ti a ni: Israelho ka thlan nia Jakoba chhung ka thlante hnenah kut phar meuha Aigupta rama an hnena ka in hriattira, an hnena ka kut ka phara, Kei hi LALPA in Pathian chu ka ni e, tia,

⁶chung nia Aigupta ram ata hruai chhuak a, atana ka ram hual, hnute tui leh khawizua luang ram, ram zawng zawnga mawi bera hruai lut tura ka kut ka phar niah chuan,

⁷an hnenah, Mi tinin in mita hmuh thil tenawm chu paih bo u la, Aigupta rama milimte chuan intibawlhhlawh suh u, kei hi LALPA in pathian chu ka ni e, tiin ka sawi a.

⁸Mahse ka chungah an hel a, mi ngaihsak reng reng lo a, mitinin an mita hmuh thil tenawmte pawh chu an paih bo lo a, Aigupta milimte chu an hawisan hek lo: Tah chuan an chunga ka thinurna hrithla turin Aigupta ram chhungah ngei chuan ka thinurna ka leih nang emaw, ka ti a.

⁹Mahse keima hming humhalhna'n ka bei ta zawk a, an awmna hnamte mit hmuhah Aigupta ram ata hruai chhuakin an hnenah ka in hriattir a, chung hnamte mithmuhah chuan ka hming sawi chhiata a awm lohna'n.

¹⁰Chutichuan Aigupta ram chhuahsan turin ka ti ta a, thlalerah ka rawn hruai lut ta a.

¹¹Tin, ka dan siamte chu anmahni ka pe a, ka thurelte chu ka entir a, chu chu miin an zawm chuan an nunna tur a ni.

¹²Chu lo chu kei leh anmahni inkara chhinchhiahna'n ka chawlhnite chu anmahni ka pe a, Kei hi LALPA anmahni serh hrangtu ka ni tih an hriat theihna'n .

¹³Mahse Israel chhungte chu thlalerah khan ka chungah an hel a, ka dan siamte chu zawh lo a, ka thurelte, miin a tiha an nunna tur chu an paih thla a, ka chawlnite pawh nasa takin an bawhchhia a; tichuan thlalerah chuan anmahni tiboral turin ka thinrimna chu an chungah ka leih nang emaw, ka ti a.

¹⁴Ka hruai chhuah lai hre tu hnam ngei mithmuhah tihchhiata a awm lohna'n ka hming humhalhin ka bei ta zawk a ni.

¹⁵Chu loah chuan thlalerah khan ka ram pek, hnute tui leh khawizua luang ram, ram zawng zawnga mawi berah chuan ka hruai lut lo ang,kut phar meuhin ka ti a;

¹⁶Ka thurelte an paih thla a, ka dan siamte an zawh lo a, ka chawlhnite an bawhchhiat avangin: an thinlung chuan an milimte a awn tlat si a.

¹⁷Mahse tiboral lo turin ka mitin a hmuh hmaih ta a, thlalerah pawh khan ka tiboral vek ta lo mai a ni.

¹⁸Tin, thlalerah chuan an fate hnenah, In pate dan siam chu zawm lo u la, an thurelte intibawrhbang hek suh u;

¹⁹Kei hi LALPA in pathian chu ka ni a, ka dan siamte zawh u la, ka thurelte vawng ula, zawm rawh u.

²⁰Ka chawlhnite serh u la, kei leh nangni inkara chhinchhiahna a ni ang a, LALPA in Pathian chu ka ni tih in hriat theihna a ni dawn nia, ka ti a.

²¹Mahse an fate chu ka chungah an hel a, ka dan siamte chu an zawh lo a, ka thurelte, miin a tiha a nun tur chu, zawm turin an vawng hek lo; ka chawlhnite chu an bawhchhe ta a; thlalerah khan ka thinurna hrithla turin an chungah ka thinrimna ka leih nang emaw, ka ti a.

²²Mahse ka kut ka sum a, ka hruai chhuah lai hretute hnam ngei mithmuha tihchhiata a awm lohna'n ka hming humhalhin ka bei ta zawk a ni.

²³Chu lo pawh chu, hnamte zingah anmahni ka tidarh ang a, ram tinah ka titaitam ang, thlalerah khan kut phar meuhin ka lo ti a.

²⁴Ka thu relte an zawm lo a, ka dan siamte an paihthla a, ka chawlhnite an bawhchhia a, an pate milim lam an hawi zawk avangin.

²⁵Chu lo pawh, dan siam tha lo chu ka pe a, an nun lohna tura thurelte nen;

²⁶an thil dawn, chhul keutu zawng zawng meia an paihnaah chuan anmahni ka tibawlhhlawh a, ka tikhawhar a, a tawpah LALPA chu ka ni tih an hriatna turin.

²⁷Chuvangin, mihring fapa, an hnenah thu sawi la an hnenah,'LALPA PATHIAN chuan heti hian a ti a ni: In pate chuan hengah hian mi la sawi chhe cheu a ni; ka chunga bawhchhiatna thil an tihah te hian.

²⁸Kut phar meuha anmahni ka tiam ramah hian ka rawn hruai luhin, tlangsang leh thingbuk lian an hmuh apiangah an inthawinate an hlan a, an thil hlan thinurthlak tak maite chu an pe a, An rimtuite an siam a, an in tur thil hlante chu an bun chhuak si a,' ti rawh.

²⁹Tichuan keiin an hnenah,' Bawlhmun inkalna fote hi eng in tihna nge ni?'ka ti a; chutichuan an hming atan vawiin ni thleng hian,'Bamah' tih a ni ta a ni e.

³⁰Tichuan Israel chhungte hnenah chuan sawi la, LALPA PATHIAN chuan heti hian a ti a ni: In pate ang zelin mahni in intibawlhhlawhin an tenawmna kawngahte chuan in hur bo a ni maw?

³¹In thil dawn in hlanin, in fate meiah in paih a, vawiin ni thleng hian in milim zawng zawng chuan in intibawlhhlawh a ni lo'm ni? Nangni rawn tur em ka nih, aw Israel chhungte u? A nuna ka nun chhung chu nangni rawn in ka awm lo ang, tih hi LALPA PATHIAN thu chhuak a ni.

³²Kan vela hnamdang awze mite anga thingbul lungbul be tur kan ni, inrilruin in ti na a, in ni tawp lo ang.

³³A nuna ka nun chhung chu, kut thahrui chak takin, ban phar chung leh thinrim chhuahin in chungah ka kal ngei ngei ang, tih hi LALPA PATHIAN thu chhuak a ni.

³⁴Hnamte zing ata ka hruai chhuak ang che u a, tihdarha in awmna ram ata chu kut chak tak leh ban phar leh thinrim chhuahin ka hruai khawm ang che u.

³⁵Awze mite thlaler ramah chuan ka hruai lut ang che u a, inhmachhawnin kan in bei ang.

³⁶Aigupta ram thlalera in pate ka bei ang takin nangni pawh ka bei ang che u, tih hi LALPA PATHIAN thu chhuak a ni.

³⁷Tin, tiang hnuaiah ka luh tir ang che u a, thuthlung khauhkhirhna hnuaiah ka hruai lut ang che u;

³⁸tin, in zing ata mi helte leh ka chunga bawhchhetute chu ka thianfai ang a, an awmna ram atangin ka hruai chhuak ang a, mahse Israel ramah chuan an lut tawp lo vang: tichuan LALPA chu ak ni tih an hria ang.

³⁹Nangni pawhin, aw Israel chhungte u, LALPA PATHIAN chuan heti hian a ti a ni: ak thu in ngaihthlah dawn loh chuan tun hnuah pawh in milim rawng chu bawl theuh mai ta che u; mahse ka hming thianghlim chu in thilpekte leh in milimtein in tibawlhhlawh tawh lo ang.

⁴⁰Ka tlang thianghlim, Israel sanna tlangah chun, tah chuan Israel chhungte zawng zawng chuan an zavaiin, chu ramah chuan ka rawng an bawl ang; tah chuan anmahni ka lawm tawh ang a, tah chuan in thilhlante in thilpek tha thate, in thil serh zawng zawngte ka duh tawh ang.

⁴¹Hnamte zing ata ka lak chhuah hun che u leh ram tina in darhna ata ka hruaikhawm hunah che u chuan, rimtui atan ka pawm tawh ang che u a, hnamte mithmuhah chuan nangmahniah hian ka thianghlimzia alng tawh ang, LALPA PATHIAN chuan a ti a ni.

⁴²Tin, Israel ram, kut phar meuha in pate pek ka tiam ramah chuan ka hruai luh hunah che u chuan LALPA ka ni tih in hria ang.

⁴³Tin, tah chuan in awmdante leh in thiltih, in tihbawlhhlawhna zawng zawngte chu in hre tawh ang a, tichuan in thil tha lo tih zawng zawngte avang khan nangmahni mithmuhngaiah in ten tawh ang.

⁴⁴Tin, in awmdan tha lo te ang ni lo a, in thiltih khawlote ang ni hek lo a, ka hming humhalh tura ka tihpuitlin chr u hunah chuan, aw Isrel chhungte u, LALPA chu ka ni tih in hre tawh ang, tih hi LALPA PATHIAN thu chhuak a ni," tiin.

⁴⁵Tin, LALPA thu chu ka hnenah a lo thleng a,

⁴⁶Mihring fapa chhimlam hmachhawn la, chhimlam hawiin thu thlah la, chhimlam ngawpui lamah thu sawi la,

⁴⁷Chhimlam ngawpui hnenah chuan,'LALPA thu hi ngai rawh, LALPA PATHIAN chuan heti hian a ti a ni: ngai rawh nangmahah mei ka chhem ang a, nangmaha thing hring zawng zawng chu a kang zo ang a, thing ro apiang pawh: mei alh hluah hluah chu a rem lo ang a, chhim atanga hmar thlengin, eptu zawng zawngte chu a ut ang.

⁴⁸Tin, mi zawng zawngin kei LALPA hi mei chhuahtu ka ni tih an hmu ang a, an mit lo ang, a ti e,' ti rawh," a ti a.Tichuan, kei chuan, A! LALPA PATHIAN,'Tehkhin thu sawitu mai alawm,' mi ti ang a sin, ka ti a.

⁴⁹Tichuan, kei chuan, A! LALPA PATHIAN,'Tehkhin thu sawitu mai alawm,' mi ti ang a sin, ka ti a.