Read Baibul, Mizo Ezekiela 21 Bible Online

Ezekiela 21 - Baibul, Mizo bible

Ezekiela 21

¹Tin, LALPA thu chu ka hnenah a lo thleng a,

²Mihring fapa, Jerusalem hmachhawn la, a hmun serhte lam hawiin i thu thlah la, Israel ram chungah thu sawi ang che;

³Israel ram hnenah chuan, heti hian LALPA chuan a ti a ni: ngai teh ka do che a ni, ka khandaih chu a pai ata ka phawi ang a, in zinga mi fel leh fello ang khatin ka rawt ang.

⁴Tichuan in zinga mi fel leh fello ka rawt dawn avang chuan ka khandaih chu a pai ata a chhuak ang a, chhim lam ata hmar lam thlengin mi hring zawng zawng a rawt ang.

⁵Tin, mi zawng zawngin, kei LALPA hian ka khandaih a pai ata ka phawi a ni tih an hria ang a, a inkhung leh tawh ngai lo ang.

⁶Chuvangin nang mihring fapa, rum vawng vawng la, lungchhe takin an mithmuhah rum rawh.

⁷Tin, engatinge i rum? An tih che chuan, Thu eng emaw avangin a lo thleng dawn si a, tin, thinlung tinrenga tuiral ang a, kut zawng zawng a zawi ang a, rilru tinreng a chau vang a, khup zawng zawng chu, lo tui angin a zawi ang a; ngai rawh, a thleng e, a hlen ang, tih hi lalpa PATHIAN thu chhuak a ni; ti rawh," a ti a.

⁸Tin, LALPA thu chu ka hnenah a lo thleng leh a,

⁹Mihring fapa, thu sawi la hetiangin LALPA chuan a ti a ni:'Khandaih, khandaih, tah hriam a ni ta. Tihtlet a ni ta.

¹⁰Mi sahna'n tah hriam a ni ta, Tihtlet a ni kawlphe angin: Kan la hlim cheu dawn em ni? Ka fapa tiangin a chhing zo ve, thing tin, .

¹¹Tihtlet a ni vai vel atan, A ni khandaih tah hriam tihtlet a ni, Thattu kuta chuang turin.

¹²Mihring fapa, au la, u la, ka mite chung a ni si; Israel mi lian zawng zawngte chung ngei chu: pek a ni e, ka mite nen, chem sen hnuaiah; chuvangin au la, i mal bengin.

¹³Fiahna a awm si a, engtin nge ni ang - Mi dang chhingtu tiang chu awm suh se la? Tih LALPA PATHIAN thu chhuak a ni e.

¹⁴Chuvangin nang, mihring fapa, kut beng hialin thu sawi rawh; Thih theihna chemsen len zual la, let thumin, A hual vel e, mi ropui, thahna chem sen chuan.

¹⁵Thinlung tuiral, an tlukna a punna'n e, Chemsen tle tak kawngka tinah ka riah e, A! kawlphe iangin a tle, thihna chemsen.

¹⁶Invilikin che vak ang che, ding lamah, Invilikin vei lamah pawh vai zel la, I hma zawn apiangah pawh.

¹⁷Kei pawhin kut ka lo beng ang a, Ka hlen ngei ang, ka thinurna, Kei LALPA'n hei hi ka sawi tawh e, a ti,' ti rawh," a ti a.

¹⁸Tin, LALPA thu ka hnenah a lo thleng leh a,

¹⁹Mihring fapa, Babulon lal khandaih lo thlen theihna turin kawng pahnih lo siam rawh; chung kawng hnihte chu ram pakhat atangin a lo chhuak tur a ni: kawng kawhhmuhna siam la, khawpui luhna kawtchhuahah chuan siam rawh.

²⁰Kawng chu Amon mite khua Raba-a khandaih lo thlenna turin ruat la, Judai ram laia Jerusalem kulhah pawh.

²¹Aien turin Babulon lal chu kawng pengah chuan a ding a, kawng hnih in finna takah chuan; thal te chu a thing rawk rawk a, teraphim a rawn a, sathin chu a en a.

²²A aiennaah chuan a kut dinglamah Jerusalem a lo chuang ta a, kulh sut chhiatnate ral bei hawhawa au te, mual pawng chhunte, kulh siamte nen,

²³Aien thlawn mai ang a ni a, mahse mana an awmna tura an khawlohna hriat chhuahna tur chhuahna tur chauh a ni.

²⁴Chuvangin LALPA PATHIAN chuan heti hian a ti a ni: inkhawlohna hriatrengna tura in siam tak avangin in bawhchhiatnate a lang a, tichuan in thiltih zawng zawngah in sualnate a lang reng a, hraitchauh in lo nih tak avangin kuta man in la ni ang.

²⁵Tin, nang Israel hotu, mi sual thi tura hliam pa, i sualna hremna tawpkhawk ni a lo thleng e;

²⁶LALPA PATHIAN chuan heti hian a ti: Hotu lukhum chu paihsak u la, lallukhum chu paihsak rawh u, heihi a ngaiin a awm lo ang: mi tlawmte chawisang u la, mi liante chu titlawm rawh u.

²⁷Ka linglet ang, ka linglet ang; ka linglet ang; hei pawh hi a ngaiin a awm lo vang, a neitu tak tur a lo kal hma zawng amah chu ka pe ang.

²⁸Tin, nang mihring fapa, thu hril la, heti hian ti rawh: LALPA PATHIAN chuan Amon fate chungchangah leh an sawichhiatna thu-ah heti hian a ti: khandaih, khandaih phawi a ni ta, mi thahna'n leh tihralna'n kawlphe anga tihtlet a ni ta.

²⁹inlarna der an hmuhsak chia, dawtin ai an ensak chia, khandaih chu misual thi tura hliam, an sualna ni tawpkhawk lo thleng turte nghawngah i rawlh dawn, an tih ah che hian an daw a ni.

³⁰A paiah khung rawh, i pian i murna ram ngeiah i thu ka rel ang.

³¹I chungah ka thinurna ka leih ang a, ka thinrimna mei i chungah ka chhem ang, mi nun chhe tak, tihboral thiam tak kutah ka mah tir ang che.Meia tuah tur i ni ang a, ram laiah chuan i thisen a bua ang a, hriat reng i ni tawh lo ang, kei LALPA hian ka sawi tawh si a, a ti, ti rawh," a ti a.

³²Meia tuah tur i ni ang a, ram laiah chuan i thisen a bua ang a, hriat reng i ni tawh lo ang, kei LALPA hian ka sawi tawh si a, a ti, ti rawh," a ti a.