Read Baibul, Mizo Ezekiela 24 Bible Online

Ezekiela 24 - Baibul, Mizo bible

Ezekiela 24

¹Kum kuana, thla sawmna, chumi thla, ni sawm niah chuan LALPA thu chu ka hnenah a lo thleng leh a,

²Mihring fapa, ni hming, vawiin ni hming ngei hi ziak rawh; hemi ni ngei hian Babulon lal chuan Jeruslem a rawn bei tan a.

³Tin, helhmang chhung hnenah chuan teh khin thu sawi la, an hnenah, LALPA PATHIAN chuan heti hian a ti a ni: Saso bel chhuang la, chhuang reng la, a chhungah tui chhung la,

⁴sahrangte thlak la, a sa tha zawng zawngte, a bawp te, a dar te, a ruhkawlte chu tha deuh deuhtein tikhat rawh.

⁵Ran rualte zinga a tha tha la la, a hnuaiah thingfak rawlh teuh la, so bawrh bawrh se; a ni, a ruhkawlte chu mun ni rawh se.

⁶Chuvangin LALPA PATHIAN chuan heti hian a ti a ni: thisen chhuah hmang khawpui, saso bel a chhung kang khir, a khir la reh ngai lo chu a chung apik e! Thlang chuang loin, a sahrang khat khatin thur rawh u.

⁷A thisen chhuah chu ama chungah a awm si a, vai vuta vur theihna'na leia leih buak tak a ruangin lungpui ro chungah a leih ta zawk a.

⁸Phuba la tura thinurna a lo thawh theihna'n vur lo in a thisen chhuah chu lungpui ro chungah ka leih a ni.

⁹Chuvangin LALPA PATHIAN chuan heti hian a ti a ni; Thisen chhuah hmang khawpui chu a chung a pik e! keimah ngeiin ka chhep hluah ang.

¹⁰Thing chhep teuh u la, mei tuah sa u la, sate chu chhum hmin kawi u la, satui chu nga takin, a ruhte pawh kangral rawh se.

¹¹Tichuan bel chu a ruakin meivam chungah chhuan ni reng se la, a lo sa ang a, a dar chu a lo ling ang a, a bawlhhlawhna chu a lo tuiral ang a, a kang khir chu a kanral theihna'n.

¹²Ning khawpa bei pawhin a kang khir chu a fai chuang lo a, mei pawhin a kang fai hek lo.

¹³I bawlhhlawhna chu hurna a ni a, ka thian chia, i fai chuan loh avangin i chungah ka thinurna ka hrikthlak vek hma loh chuan engtikahmah i bawlhhlawhna ata chu tlenfai i ni tawh lo ang.

¹⁴Kei LALPA hian ka sawi tawh a ni, a lo thleng ngei ang, keiin ka ti dawn si a, ka hnung tawlh lo ang a, ka lamlet hek lo ang; i awmdante leh i thiltihang zelin ro ka relsak ang che, tih hi LALPA PATHIAN thu chhuak a ni,' ti rawh," a ti a.

¹⁵Tin, LALPA thu chu ka hnenah a lo thleng leh a,

¹⁶Mihring fapa, ngai teh, thawklehkhatah i mit tlaina ber chu ka laksak ang chia, i sun tur a ni lo a, i tap tur a ni hek lo, i mittui pawh a tla tur a ni lo.

¹⁷Aruk tein rum la, mitthi sunna reng reng chu nei suh ang che, i diar khim la i pheikhawk bun la, i hmui hup suh la, mite chaw pawh ei suh ang che," a ti a.

¹⁸Chitichuan zinglamah chuan mipuite hnenah thu ka sawi a, tlai lamah chuan ka nupui a thi ta mai a; tin, zinglamah chuan thu mi pek ang chuan ka ti a.

¹⁹Tin, mite chuan ka hnenah," Hetiang i thiltihte hi ka tan eng nge a nih min hrilh dawn lo'm ni?" an ti a.

²⁰Tichuan, kei chuan an hnenah," LALPA thu chu ka hnenah a lo thleng a,

²¹Israel chhngte hnenah chuan sawi la, LALPA PATHIAN chuan heti hian a ti a ni:'Ngai rawh u, ka hmun thianghlim, in chakna chhuan ber, in mit tlaina ber, in ngainat zawng tak chu ka tibawlhhlawh dawn a ni; tin, in fanute, in fapate, hnunglama in kalsante chu khandaihin an tlu ang.

²²Ka tih ang chiah hian in ti ve dawn a ni; in hmui in hup lo ang a, mite chaw in ei hek lo ang.

²³In diarte pawh in khim ang a, in pheikhawk in bun ang: in sun lo ang a, in tap hek lo ang, in khawlohnate chuan in thamral ang a, in intah tawn ang.

²⁴Hetiangin Ezikiela hi in tan entirna a ni ang a, a tihzia ang zelin in ti tur a ni: hei hi a lo thlen hunah chuan LALPA PATHIAN chu ka ni tih in hria ang,' a tia ni," ka ti a.

²⁵Tin, nang mihring fapa, an hnen ata an chakna te, an lungkham berte, an fanu leh an fapate ka lak basak niah chuan,

²⁶Chumi ni ngeiah chuan a tlan chhuak chu i hnenah a lo kal ang a, a rawn hriattir dawn lo che em ni?Chu mi niah chuan tlan chhuak hnenah chuan i ka i ang a, a hnenah thu i sawi ang a, i ngawi bo mai lo ang a; tichuan an tan entirna i ni ang a; tin, LALPA chu ka ni tih an hria ang," a ti a.

²⁷Chu mi niah chuan tlan chhuak hnenah chuan i ka i ang a, a hnenah thu i sawi ang a, i ngawi bo mai lo ang a; tichuan an tan entirna i ni ang a; tin, LALPA chu ka ni tih an hria ang," a ti a.