Read Baibul, Mizo Ezekiela 25 Bible Online

Ezekiela 25 - Baibul, Mizo bible

Ezekiela 25

¹Tin, LALPA thu chu ka hnenah a lo thleng a,

²Mihring fapa, Amon fate chu hmachhawn la, an chungchang thu sawi rawh.

³Tin, Amon fate hnenah chuan,'LALPA PATHIAN thu hi ngaithla rawh u, LALPA PATHIAN chuan heti hian a ti a ni, ka hmun thianghlim chu tihbawlhhlawha a awm a, Israel ram tihtiauva a awma, Juda chhungte chu sala hruaia an awm lai khan, I hi! I lo tih avangin,

⁴ngai rawh, khawchhak lam mite hnenah an neih atan ka pe dawn che a ni; nangmahah chuan buk an sual ang a, bu an khuar ang; i thei rahte an ei ang a, i hnute tuite an in ang.

⁵Raba khua chu sanghawngsei inah ka siam ang a, Amon fate hmun chu ranrual bawh hmunah kasiam ang; tichuan LALPA chu ka ni tih an hria ang.

⁶LALPA PATHIAN chuan heti hian a ti si a: Israel ram chungah i kut i bena, i ke i pera, rilru zawng zawnga a chhiatna chunga i lawm avangin,

⁷ngai rawh, i chungah ka kut ka lek a, hnamte hnenah rallak atan ka mantir dawn che a ni; mite lak ata ka rawt ang chia, chung ram ata chu ka tiboral daih ang che, ka tichhia ang chia, tichuan LALPA chu ka ni tih i hria ang," tiin.

⁸LALPA PATHIAN chuan heti hian a ti a ni: Moab leh Seir chuan,'Ngai rawh, Juda chhungte chu hnamdang ang mai an ni e,' an tih avangin,

⁹Moab ramri venna khawpuite chu rallak ka beihtir a, khawpui ropui ber Beth-Jesinoth te, Baalmeon Kiriathaim te pawh,

¹⁰Khawchhak lam fate neih atan Amon fate nen ka pe ang a, Amon fata chu hnamte zingah hriat reng an nih tawh lohna'n .

¹¹Moab ram chungah tu rel chu ka hlen ang a, tichuan LALPA chu ka ni tih an hria ang, tiin.

¹²LALPA PATHIAN chuan heti hian a ti a:'Edom chuan Juda chhungte chungah phuba lain nasa takin thil a lo tisual a ni,ama thu maia an chunga phuba a lak avangin.

¹³Chuvangin LALPA PATHIAN chuan heti hian a ti e: Edom chungah ka kut ka lek ang a, a lak ata mi leh sate ka rawt bo vek ang; Teman atangin ka ti tiau ang a, Dedan thlengin khandaihin an thi ang.

¹⁴Tin, ka mi Israelte kutin ka phuba lakna chu ka thlen ang a, Edom chungahchuan ka thinurna ang zel leh ka thinrimna ang zelin an ti ang a, ka phuba lakna chu an lo hria ang,' tih hi LALPA PATHIAN thu chhuak a ni.

¹⁵LALPA PATHIAN chuan heti hian a ti a ni: Philistia miten phuba laa, kumkhaw in hmelmaknain, mi tiboral duhna rilru chhia pua phuba an lak avangin,

¹⁶LALPA PATHIAN chuan heti hian a ti a ni, Ngai rawh, Philistia mite chungah chuan ka kut ka lek ang a, Kareth khaw mite chu ka rawt vek ang a, tui kama mi la awm chhunte chu ka tiboral vek ang.Tin, thinur taka zilhhauin an chungah phuba ka la ang a, chutia an chunga ka phuba lakna ka thlen hunah chuan LALPA chu ka ni tih an hre tawh ang," a ti a.

¹⁷Tin, thinur taka zilhhauin an chungah phuba ka la ang a, chutia an chunga ka phuba lakna ka thlen hunah chuan LALPA chu ka ni tih an hre tawh ang," a ti a.