Read Baibul, Mizo Ezekiela 27 Bible Online

Ezekiela 27 - Baibul, Mizo bible

Ezekiela 27

¹LALPA thu chu ka hnenah a lo thleng a,

²Nang mihring fapa, tura khaw sunna hla phuah la,

³tura khaw hnenah chuan- Aw nang, tuipui kama cheng thin, Tuipui ka ram tamtakte hnena sumdawngtu, LALPA PATHIAN chuan heti hian a ti a ni: Aw nang tura, 'Ka mawi famkim' i ti maw!

⁴I ramin tuipui lai chu a chhun e, I siamtuten an timawi chung chung chuang ngei che;

⁵I thing hmanrua Senir farin an siam e, I lawng ngulah, an la, Lebanon thingril.

⁶Basan sasua i vai chaah an siam e, Saingho chhungphum i lawng chhuatah Tufar thing, Tuipui ram kittim ata chu.

⁷I lawng puanzar Aigupta nemte puan tial, Nangmah chhinchhiahna'n a lo chuang e, I tan hliap zar dumpawl, senduk, Elisah tui kam ram ata chu.

⁸I lawng kartu Zidon, Arvad mi an ni, I lawng khalhtute zawng chu, Aw tura, I mifingte an ni e.

⁹Gebal upa leh mi themthiam, I lawng tuahremtu an lo ni e, Tuipui lawng zawng leh a miten, Nangmah dawrin an pan che.

¹⁰I ral tu mi, i sipai rual, Persia, Lud, Put an ni, An sialphaw leh an dar lukhum an bang a, Nangmah chawimawitu an lo ni e.

¹¹Sipai rual Arvad mi nen an chuang, i kulhpui chungah, I kulhbing Gammad-ho ral vengin, An sialphaw an bag e, i kulhpui velin, Nangmah cheimawitu an lo ni e.

¹²I ngah vangin, sum leh pai ro thil tinreng, Tarsis chu dawr tu che a lo ni a, I bungrua leiin a hlan che, Tangkarua, thir, rangva leh suante pawh.

¹³Javan, Tubal, Mesek, nang dawrtu che hian, Sal leh dar bungbelin an dawr che, i bungraw neihna'n.

¹⁴Beth-togarmah chuan sakawr, indo sakawr leh sabengtung hlanin I bungrua an lei thin.

¹⁵Dedan mite i dawrtute an ni a, Tui kam hmun tin i sumdawn hmun a lo ni, Saingho leh eboni an hlan che-dawvankaina'n.

¹⁶Bungrua i ngah avangin, Edom chu i dawrtu a lo ni a, Emerald lung, puan senduk, puan cheimawi, Puanzaisin, thival, rubi lungtein an dawr che.

¹⁷Juda leh Israelte pawh a dawrtuche an ni a, Minnith buh leh Pannag, khawizu,Hriak leh thinghnaiin an dawr che.

¹⁸I ngah vangin, sum leh pai ro thil tinreng, Damaska i dawrtu a lo ni a, Helbon uain leh beram hmul varin an dawr che.

¹⁹Uzal uain chu rawn lain an lei, i bungruate, Thir tle tak, thkathing leh fute i sumdawnna.

²⁰Sakawr chung phah puantein Dedan chuan a dawr che a.

²¹Arabia leh kedar lalte nangmah dawrtute an ni vek, Beram note, Berampate, kelpatein an dawr che.

²²Seba leh Raamah sumdawngtute chu a dawrtu che an lo ni; rimtui tha berte, lunghlu chitin leh rangkachaktein, an dawr che.

²³Haran, Kanneh leh Eden, Seba, Assuria leh kilmad sumdawngtute chu A dawrtuche an ni a.

²⁴Chungte chu an ni dawrtu che, Silhfen tha mi, puan dumpawl leh puan cheimawi, Chhuatphah zemawi nen, Hruihrual nghet taka cherin, Heng hian an dawr che.

²⁵Tarsis lawngte chu i bungraw phur dual dualtute an ni, I lo mukin tuipui chungah i lo ropui ta.

²⁶I lawng khalhtun tuipui fawnah a khalh lut chia, Khawchhak thliin a nuai ral che, tuipui laiah.

²⁷I sum leh pai, I dum leh pai, i bungruate, i sumdawn thil, I lawng mite, lawng khalhtu, tuahremtute, I hlanveltu leh raltu mite, nangmaha awm, I chhunga awm zawng zawngte nen, In pil bo ang, tuipui laiah, i chhiat niin.

²⁸I lawng khalhtute au thawmah, I vela mite an khur e.

²⁹Lawng kar ngul vuantute zawng zawng, lawng mite leh, Tuipuia khalhtute zawng zawng chhukin, An ding vau kamah.

³⁰I chung thu-ah an aw hriat thamin an chhuah ang, Lungchhe takin an tap ang a, An lu-ah vaivutte phulin, an tal ang vut zingah.

³¹Nangmah vanga inziat kawngin, an feng ang, saiip puan, Lungchhe vankaia tapin an sun ang che, nasa takin.

³²Nangmah sunin an chham ang, an tah hla, Tunge tura ang awm le- Tuipui laia dairial chang ta hi?

³³I bungruate tuipuia chhuakin, Mi tamtak a hrai tlai thin, Lei lalte zawng i tihausa, I sum leh pai tam, i bungruain.

³⁴Tuipui thukah i chhiatni khan, I sumdawnna thil, i mi zawng zawng, Rial ang an ral ta, nangmah nenin.

³⁵Tuikam mi zawg zawngin rapthlak an ti che, An lalte lah hlauin an thlabar, A sak-hmel pawh a dang zo ve.Mite zinga sumdawngtuten an chek khum che, Mi tan tihkhaiah i lo chang ta, 'I lang leh tawh ngai lo ang le!,' tiin an tah khum che.

³⁶Mite zinga sumdawngtuten an chek khum che, Mi tan tihkhaiah i lo chang ta, 'I lang leh tawh ngai lo ang le!,' tiin an tah khum che.