Read Baibul, Mizo Ezekiela 32 Bible Online

Ezekiela 32 - Baibul, Mizo bible

Ezekiela 32

¹Tin, heti hi a ni a, kum sawm leh kum hnihna, thla sawm leh thla hnihna, chum thla ni khat niah chuan LALPA thu chu ka hnenah a lo thleng a,

²Mihring fapa, Aigupta lal Pharaoa sunna hla phuah la, a hnenah: Hnamte sakeibaknei vanglai anpui chu! Tuipui awlepui i iang zawk e; I hnara tuite tiphuanin, i kein i chawk nu, I luite i tibawlhhlawh zo ta.

³LALPA chuan heti hian a ti: Ka lenin nang an man ang chia, mi tam tak nen , Ka lenin nang an man ang che.

⁴Ka hluihlawn ang chia, khawmualah, Ka paih ang che, tamlakah; chungleng zawng zawng ka ko khawm ang, i chungah, ka ti tlai ang, lei pumpui ramsa, nangmahin.

⁵Tlang tinah i sa ka hlui ang a, I ruangin ruamte a tikhat ang.

⁶I chenna ram tlang thlengin, ka bual ang, i thisenin, kawr tin a khat bawk ang, nangmahin.

⁷Ka tihchimih hunah che chuan, Van ka khuhin arsi ka ti thim ang, ni ka hliah bo vang, chhumin, Thlain a eng a chhuah lo ang.

⁸Van eng zawng ka tithim ang, i chungah, i ramah thim ka lentir ang, tih hi LALPA PATHIAN thu chhuak a ni," ti rawh.

⁹I hriat loh rama hnamte zinga i chhiatna ka thlen hunah chuan mi tamtakte thinlung ka ti chi-ai ang.

¹⁰A ni mi tamtak nangmahah mak tiin ka siam ang a, an hmaa ka khandaih ka vilik hunah chuan nangmah avangin an lalte pawhin rapthlak an tiin an hlau em em ang; i tluk niah chuan mi tinin an nun chan hlauin an khur an khur ang.

¹¹LALPA PATHIAN chuan heti hian a ti si a: Babulon lal khandaih i chungah a lo thleng dawn.

¹²I mite ka tluktir ang, ralhrat mite khandaih, Hnamte zinga tihbaiawm berte an ni, An tichhia ang, Aigupta mi ropuina, A mipui zawngte an boral ang.

¹³Tui tam tak kam ramsa zawng a tiboral ang, Mi kete chuan a pal nu tawh lo ang a, Ramsa kete pawhin a pal nu tawh hek lo ang.

¹⁴Chutin tui ka tifim ang a, Ka luantir ang, luite chu, hriak angin, tih hi LALPA PATHIAN thu chhuak a ni.

¹⁵Aigupta ram ka tihtiau chhiata, A nghahna zawng zawngah saruakin, A chhunga chengte ka rawtbo hunah chuan, kei LALPA ka ni tih an hre ngei ang.

¹⁶Hei hi an tah hla tur chu a ni; hnamtin fanuten hei hian tapin Aigupta leh a mi zawng zawngte an sun ang," tih hi LALPA PATHIAN thu chhuak a ni.

¹⁷Tin, heti hi a ni a, kum sawm leh kum hnihna, chumi thla ni sawm leh panga niah chuan LALPA thu chu ka hnenah a lo thleng a,

¹⁸Mihring fapa, Aigupta mipuite chu tah vak vak la, amah leh hnam hmingthang tak fanute chu khuarkhuruma chhuk tawhte hnenah lei hnuaihnung lamah chuan paih thla rawh.

¹⁹Mawinaah tu nge i khum le? Chhuk la, serhtan lohte zingah chuan zal rawh.

²⁰Khandaiha thah tawhte zingah chuan an tlu ang a, khandaih hnenah pek an ni tawh a, amah leh a mi zawng zawngte chu hnuk bo rawh u.

²¹Seola awm ralhrat mi chak tak takte chuan amah leh a tanpuitute an bia ang; an chhuk a, an mu reng a, khandaiha thah, serhtan lohte chu.

²²Chutah chuan Assur leh a hote zawng zawng an awm a; an thlante chu ama velah a awm a: an zain thah, khandaiha tlu vek an ni.

²³An thlante chu khuarkhurum thuk berah a awm a, a thlan velah chuan a hote an awm a: an zain thah, khandaiha tlu vek, mi nung ram tiraltitute chu an ni.

²⁴Chutah chuan Elam leh a thlan velah a hote an awm a; an zain thah, khandaia tlu, lei hnuaihnunga serhtan loha chhuk mi nung ram tiraltitute, an mualphona khuarkhuruma chhukpuitute an ni a.

²⁵Mi thahte zingah chuan amah leh a hote mutna an siamsak a, a thlante chu ama velah a awm a; an zain serhtan loh, khandaiha thah an ni a; an hlauhawmna chu mi nung ram raltitna a ni thin a, khuarkhuruma chhuk tate nen chuan an mualphona an phur a, mi thahte zingah chuan an awmtir a.

²⁶Chutah chuan Mesek leh Tubal, an hote nen an awm a; an thlante chu amah velah a awm a; an zain serhtan loh, khandaiha thah an ni a; an hlauhawmnain minung ram a tiralti thin si a.

²⁷Serhtan loh, mi chak tlute, indo hriamhrei nena Seol chhuk tate, an khandaih lukhama, an ruhte chunga an phawte awm hnenah chuan an mu lo ang: anni zawng minung rama mi chak tiraltitute an ni si a.

²⁸Nang chu serhtan lohte zingah bung rem rumin i awm ang a, khandaiha thi te hnenah i mu ang.

²⁹Chutah chuan Edom, a lalte leh a hotute zawng zawng an awm a; an chak teh na a, khandaiha thahte zingah an zalh a ni; serhtan loh, khuarkhuruma chhuk tawhte hnenah an mu a.

³⁰Chutah chuan hmarlam hotute, an vaiin, sidon mi zawng zawng, thahte zinga chhuk tawhte nen chuan an mualpho tlang ta a ni.

³¹Pharaoa chuan a lo hmu ang a, a mite zawng zawng chu a thlamuan phah ang, Pharaoa leh a sipai rual zawng zawng, khandaiha thahte ngei pawh chu, tih hi LALPA PATHIAN thu chhuak a ni.Mi nung ramah chuan raltitna a lentir a, serhtan loh, khandaiha thahte zingah a mu ang, Pharaoa leh a mi zawng zawngte ngei chu, tih hi LALPA PATHIAN thu chhuak a ni," a ti a

³²Mi nung ramah chuan raltitna a lentir a, serhtan loh, khandaiha thahte zingah a mu ang, Pharaoa leh a mi zawng zawngte ngei chu, tih hi LALPA PATHIAN thu chhuak a ni," a ti a