Read Baibul, Mizo Ezekiela 34 Bible Online

Ezekiela 34 - Baibul, Mizo bible

Ezekiela 34

¹Tin LALPA thu chu ka hnenah a lo thleng a,

²Mihring fapa, Isrel ho berampute hnen ngei ah chuan, heti hian LALPA PATHIAN in a ti a ni:'Israel ho berampu, mahni in chawm mai te chu an chung a pik e! berampute chuan beram chu an chawm lo ang em ni?

³A thaute chu in ei a, a hmulin in in thuam a, a thau thaute chu in talh a, Beramte chu in chawm si lo.

⁴Natna veite in ti chakin, dam lote in ti damlo a, ke tliakte chu in tuam lo a, hnawh bote in rawn hruai hek lo; khauh tak leh natakin in inthuam ta zawk a.

⁵Berampute an awm loh avngin tihdarhin an lo awm ta a, an lo darh a, ramsa kawlhte chaw mai an lo ni ta a.

⁶Ka Beramte chu tlangtin leh mualtinah an vak bo a; a ni, ka Beramte chu lei chung zawng zawngah an lo darh ta; ngaihsaktu leh zawngtu reng an awm lo,' tiin sawi rawh," a ti a.

⁷Chuvangin berampute u, LALPA thu hi ngai thla rawh u,

⁸A nuna ka nun chhung chu," tih hi LALPA PATHIAN thu chhuak a ni, berampute an awm loh a, beramputen ka beramte an zawn loh a, beramte an chawm loh a, anmahni an in chawm zawk avangin ka beramte chu ramsakawlhte chaw mai an lo ni a, ka beramte chu saseh mai an lo ni ta ngei a;

⁹Chuvangin nangni berampute u, LALPA thu hi hre rawh u.

¹⁰Heti hian LALPA PATHIAN chuan ati a ni:'Ngai rawh u, berampute chu ka do a ni; an kut ata ka beramte ka chhuh ang a, ka beramte an enkawlna ka titawp ang a, berampute pawh anmahni an inchawm tawh hek lo ang; an angchhung ata ka beramte ka la chhuak ang a, an tan eitur a nih tawh lohna'n,' tiin.

¹¹Heti hian LALPA PATHIAN chuan a ti si a: Ngai rawh u, kei, keimah ngei hian ka beramte ka zawng ang a, ka zawng chhuak ang.

¹²berampuin a beram darhte zinga a beram rualte a zawn lai angin ka beramte ka zawng chhuak ang; khawdur ni leh thim hnuaia am darhna zawng zawng ata ka zawng chhuak ang.

¹³Tin, mite zing ata ka la chhuak ang a, ram tin, ata ka khawm ang a, an ram ngeiah ka hruai lut ang; Israel tlangahte, tuikawr ruamahte, mi chenna hmun zawng zawngahte ka tlattir ang.

¹⁴Hlobet tha tak hmunahte ka tlattir ang a, an huang chu Israel tlangsangahte a awm ang, huang tha tah chhungah an bawk ang a, Israel tlanmg chunga hlobet dawng hmunahte an tla ang.

¹⁵Keimah ngeiin ka beramte chu ka chawm ang a, ka bawhtir hle hle ang, tih hi LALPA PATHIAN thu chhuak a ni.

¹⁶A bo chu ka zawng ang a, hnawhbote chu ka hruaikir ang a, an ketliakte chu ka tuam ang a, ka tichak ang: a thau leh a chakte chu ka tibo ang a; dik takin ka chawm ang.

¹⁷Tin, nangni thu-ah zawng, aw ka beram rualte u, heti hian LALPA PATHIAN chuan a ti a ni: Ngai rawh u ka beramte kar thu ka relsak ang a, berampate, kelpate pawh.

¹⁸Ran tlatna hmun tha tak chunga tlat chu in tan thil tenawu anga langin, in tlatna neih chhun chu in chil chhe mai zawk a ni maw? Tin, tuifim takte in inzawhin in pal nu mai mai a ni maw?

¹⁹Ka beramte erawh chuan in rah hnu an ei a, in pal nut hnu an in a ni.

²⁰Chuvangin heti hian LALPA PATHIAN chuan an hnenah a ti a ni: Ngai rawh u, kei, keimah ngei hian ran cherte leh ran thaute kar thu ka relsak ang.

²¹A chak lote chu in dar leh inpangtein in nek a, in kitein in pir a, in tidarh a;

²²chuvangin ka beramte chu ka chhanhim ang a, saseh mai an ni tawh lo ang a, beramte kar thu ka relsak ang.

²³Tin, chan chungah berampu pakhat ka dah ang a, ka rwngbawltu Davida ngei chu; a ni chuan anni chu a chawm ang; ani chu an vengtu a ni ang a, anni chu a chawm ang.

²⁴Tin, kei LALPA hi an pathian ka ni ang a, ka rawngbawltu Davida chu an chunga hotu a ni ang; kei LALPA ngei hian ka sawi tawh a ni.

²⁵Tin, anmahni nena remna thuthlung ka siam ang a, sakawlhte chu ram ata ka ti bo vang: tin, thlalerahte pawh him takin an cheng ang a, ngaw hnuaiahte an muhil chiah chiah ang.

²⁶Anmahni leh ka tlangvel hmunte chu mal ka sawm ang a, a huntein ruah ka surtir ang a, malsawm ruahte a sur ang.

²⁷Tin, rama thing chuan rah a chhuah ang a, leiin a hlawkna a chhuah ang a, an ramah chuan him takin an awm ang; an nghawngkawlte ka tihtliaha, bawiha siamtute kut ata ka chhanchhuah hunah chuan kei hi LALPA ka ni tih an hria ang.

²⁸Hnamdangte sahmim tipuar mai an ni tawh lo ang a, ramsa kawlhte ei ral mai an ni tawh hek lo ang; him takin an awm tawh zawk ang a, tuma'n an tihlau ngai tawh lo ang.

²⁹Thil phun hmingthang tak ka siamsak ang a, chu ramah chuan tamin a tiral tawh lo vang a, hnamdangte hmuhsitna an tuar tawh hek lo ang.

³⁰Tin, kei LALPA an PATHIAN hi an hnenah ka awm tih an hriain, anni Israel chhungte pawh ka mite an ni tih an hria ang, tih hi LALPA PATHIAN thu chhuak a ni.Tin, nangni ka beramte chu mi hring in ni a, tin, kei hi in Pathian ka ni, tih hi LALPA PATHIAN thu chhuak a ni," tiin

³¹Tin, nangni ka beramte chu mi hring in ni a, tin, kei hi in Pathian ka ni, tih hi LALPA PATHIAN thu chhuak a ni," tiin