Read Baibul, Mizo Ezekiela 35 Bible Online

Ezekiela 35 - Baibul, Mizo bible

Ezekiela 35

¹Tin, LALPA thu chu ka hnenah a lo thleng leh a,

²Mihring fapa, Seir tlang hmachhawn la, a chungah thu sawi la,

³a hnenah, LALPA PATHIAN chuan heti hian a ti a ni: Ngai rawh, aw seir tlang, ka do che a ni; i chungah ka kut ka lek ang a, ka ti tiauin rapthlak takah ka siam ang che.

⁴I khawpuite chu ka tiram ang a, i tiau vang; tin, LALPA chu ka ni tih i hria ang.

⁵An bawhchhiatna hremna hnuhnung bera an chhiat nia Israel chhungte chu khandaih thiltihtheihna i hlana, i tai reng avangin,

⁶A nuna ka nun chhung chu, thisen atan ka buatsaih ang chia, thisenin a um ang che: thisen i huat loh avangin thisen chuan a um ang che, tih hi LALPA PATHIAN thu chhuak a ni.

⁷Hetiang hian Seir tlang chu rapthlak taka siamin ka ti tiau vang; a chunga mi veivak thinte chu ka titawp vek ang.

⁸A tlangte chu ama mi thahtein ka tikhat ang: i tlangahte, i kawr leh i tuikawr ruamahte khandaiha thahte chu an tlu rem rum ang.

⁹Ka ti tiau hlen daih ang chia, i khawpuite chu luahin a awm lo ang: tin, kei hi LALPA ka ni tih in hria ang.

¹⁰LALPA chu a awm rng na a, he'ng hnam pahnihte leh ram pahnihte hi ka ta a ni a, ka nei mai ang,' i tih avangin,

¹¹a nuna ka nun chhung chu, tih hi LALPA PATHIAN thu chhuak a ni, i thinrimna ang zel leh i huatna avanga itsikna i tihlan zia ang zelin ka che dawn a ni: i chung thu ka rel hunah chuan an zingah ka in tilang ang.

¹²Tih tiauin an awm ta a, ka hnenah pekin an awm ta,' tia Israel tlangte i sawichhiatna zawng zawng chu kei LALPA hian ka hre vek tih i la hria ang.

¹³Ka chungah i kain i intilianin ka chungah thu i tuitam a, ka hre vek mai.

¹⁴Heti hian LALPA PATHIAN chuan a ti a ni: lei pumpui lawmnan ka ti tiau vang che.Israel rochun tiau avanga i lawm ang bawkin i chungah ka ti ang: aw Seir tlang leh Edom zawng zawng, a pumin a tiau vang: tin, LALPA chu ka ni tih an hria ang.

¹⁵Israel rochun tiau avanga i lawm ang bawkin i chungah ka ti ang: aw Seir tlang leh Edom zawng zawng, a pumin a tiau vang: tin, LALPA chu ka ni tih an hria ang.