Read Baibul, Mizo Ezekiela 4 Bible Online

Ezekiela 4 - Baibul, Mizo bible

Ezekiela 4

¹Nang mihring fapa, leirawhchan phek la la, i hmaah dah la, chumiah chuan khawpui lem ziak rawh .

²A vela hualin kulh siam hnan la, mual pawng siam hnan rawh, sipai riah bukte siam hnan la, kulh sut chhiatnate a velin siam hnan rawh.

³Tin, nangin thir phek la la, nangmah leh khawpui inkarah chuan thirbang atan chhawng rawh; chu lam chu hmachhawn la, hualin a awm ang a, nangma'n i hual tur a ni, Hei hi Israel chhungte tan entir lawkna a ni ang.

⁴Tin, nang chu veilam delhin mu la, i chungah Israel chhungte khawlohna nghat rawh. An khawlohna tuarin ni 390 chhung mu rawh.

⁵Kum khat hrem an tuar aiah ni khat zel an tuar dawn a ni.

⁶Chumi zawhah in let la, i dinglam delhin mu leh rawh, Juda chhungte khawlohna chu ni sawmli i tuar leh tur a ni, hrem an tuar tur kumkhat zelah ni khat.

⁷Ban hlim tel tawlin Jerusalem hual lam kha hawi la, A chung thu sawi chhuak rawh.

⁸Tin, ngaiteh hruizenin ka hling che a, i hual ni i tling tlak hma loh chuan khawilamah mah i hawi her tur a ni lo e.

⁹Buh te, barli te, be te, dailuah te buhtun te, vai buh tun te la la, bel pakhatah dah la, chhangah siam rawh; i pangkhing delha i mut chhung zawng, ni zathum leh sawmkaw chhung chu, chu chu i ei tur a ni.

¹⁰I chaw ei tur chu teh vek tur a ni a, nikhatah sekel sawmhnih a ni tur a ni: hunbi nei takin i ei tur a ni.

¹¹Tin, tui te pawh teh vekin i in tur a ni a, hin khat hmun ruka thena hmunkhat a ni tur a ni, hun bi nei takin i in tur a ni.

¹²Tin, an mit hmuh ngeiah mihring ek roin i ur ang a, barli chhang eiin i ei tur a ni,''a ti a.

¹³Tin, LALPA chuan, "Hetiang chaw bawlhhlawh hi Israel fate chuan ka hnawh bona tur hnamte zingah chuan an ei ang," a ti a.

¹⁴Tah chuan kei chuan, "A! LALPA PATHIAN, ngawi teh, ka nun chu tihbawlhlawh a ni ngai lo a, ka tleirawl tirh ata tun thleng pawhin, amaha thi emaw, ramsa sah emaw chu ka la ei ngai si lo a, sa tenawm ka kaah a lut ngai bawk hek lo," ka ti a.

¹⁵Tah chuan a ni chuan ka hnenah," Hei le, Mihring ek aiah bawngek ka pe chia, i eitur chu he'ng hian i siam tur a ni," a ti a.

¹⁶Chu lo pawh chu ka hnenah, a ni chuan," Mi hring fapa, ngai teh, Jerusalemah chuan, chaw, nunna bul chu ka tichhia ang a, an chaw chu teh vekin fimkhur takin an ei ang; Tui pawh teh vekin lunghnur takin an in ang;Chaw te, tui te an tlakchham a, an inlungtena, an khawlohna an riral zawhna'n.

¹⁷Chaw te, tui te an tlakchham a, an inlungtena, an khawlohna an riral zawhna'n.