Read Baibul, Mizo Ezekiela 40 Bible Online

Ezekiela 40 - Baibul, Mizo bible

Ezekiela 40

¹Kan saltan kum sawmhnih leh pangana chumi kum bul thla ni sawmna, khawpui chhiat hnu kum sawm leh palina, chumi ni ngeiah chuan LALPA kut chu ka chungah a lo awm a, chutah chuan mi hruai a.

²Pathian inlarnaah chuan Israel ramah mi hruai a, tlangsang takah mi dah a, chumi chhim lamah chuan khawpui din tawh ang mai a awm a.

³Chutah chuan mi hruai a, ngai teh, mi pakhat a lo awm a, a hmel landan chu dar ang mai a ni a, la zai leh tehna tiang a keng a, kawngkaah chuan a ding a.

⁴Tin, mi chuan ka hnenah," Mihring fapa, i mit khan en la, i beng chhi la, ka entir tur che lamah i rilru nghat tlat rawh; chu ka thil entir tur che atan chuan hetah hian rawn hruai i ni si a: i hmuh zawng zawngte chu Isael chhungte 'hnenah chuan puang ang che," a ti a.

⁵tin, ngai teh, in velah chuan kulh bang a lo awm a, tin, mi chuan tehna tiang, tawng ruka sei a keng a, a tawng khat chu tawng khat leh kutphah beng theuh a ni; tin, kulh bang chhah lam chu a teh a, tiang tluk khat a ni a, a san lam pawh tiang tluk khat a ni bawk.

⁶Tichuan, chhak lam chhawng kawngka inah a lo kal a, a rahkaah chuan a chho a; tin, kawngka in luhna pindan chu a teh a, tiang tluk khata zau a ni.

⁷Tin, venna pindante chu a dunglam tiang tluk khat, a vanglam tiang tluk khat theuh a ni; venna pindan inkar chu tawng nga theuh a ni a; tin, in pui lam kawngka in sumhmun lama kawngka in luhna pindan chu tiang tluk khat a ni a.

⁸A bangpengte chu tawnghnih theuh a ni a, kawngka sumhmun chu inpui lamah a ni.

⁹Tin, chhaklam kawngka ina venna pindante chu lehlam lehlamah pathum ve ve a ni a, an pathum chuan intiat vek a ni; tin, bang pengte pawh kha a lehlam lehlama mi chu a intiat a ni.

¹⁰Tin, kawngka inluhna vanglam chu a teh a, tawngsawm a ni a; kawngka in kal tlangna vanglam chu tawng sawm leh pathum a ni.

¹¹Tin, venna pindan hmaah chuan daidanna leh lam lehlamah tawngkhata chhah ve ve a awm a; tichuan venna pindante chu lehlam lehlamah tawngruk ve ve a ni.

¹²Tin, kawngka in chu a teh a, venna pindan pakhat chung atanga a lehlam chung thleng chuan tawng sawmhnih leh pangaa zau a ni, kawngkhar leh kawngkhar inzawm theuhin.

¹³Tin, sumhmun pawh chu a teh a, tawngsawmhnih a ni a; kawngka in sumhmun pawn chu hungchhung chu a lo ni a.

¹⁴Tin, kawngka in pawn ta ber atanga kawngka in sumhmun chhungril ber thleng chuan tawng sawmnga a ni.

¹⁵Tin, kawngka in chhunglamah chuan a velin pindanahte chuan tukverh hawntheih loh a awm a, a inkara banahte pawh; a sumhmunahte pawh, a chhung lamah pawh a velin tukverh a awm a, a banahte chuan tum thinglem a awm theuh bawk a.

¹⁶Tin, hung chhung pawnta zawkah chuan mi hruai a; tin, ngai teh, pindante a awm a, hungchhung chu a velin lungrem a ni a; tin, lungremah chuan pindan sawmthum a awm a.

¹⁷Tin, lungrem chu kanwgka in atanga rem a ni a, kawngka in chen bawk tura rem a ni a, chu chu lungrem hnuaihnung zawk a ni.

¹⁸Tin, kanwgka in hnuai zawk zawn atang chuan hung chhung nung zawk pawnlam thleng chuan a teh a, a zauzia chu tawng zakhat a ni, a chhak lam leh a hmar lam pawh.

¹⁹Tin, hung chhung pawnta zawk kawngka in hmar lam panga mi chu a dung leh a vang pawh a teh a.

²⁰Tin, venna pindan chu lehlam lehlamah pathum ve ve a awm a, a bangpengte leh a kawngka in sumhmunte pawh a hmasa ang vek a ni; a dung chu tawng sawm nga a ni a, a vang chu tawng sawmhnih leh panga.

²¹A tukverhte, a sumhmuntea tum thing lemte chu chhak lam kawngka in a mi vek a ni; rahka pasarih a awm chho a, a sumhmun chu a chhunglamah a awm a.

²²Hung chhungnung zawk luhna tur kawngka in chu kawngka in dang zawnah khan a awm zel a, hmar lamah leh chhak lamah pawh; tin, kawngka in leh kawngka in inkar chu a teh a, tawng za a ni.

²³Tin, chhim lamah mi hruai leh a, tin, ngai teh, chhim lam kawngka in chu a lo awm a; tin, a teh dan pangngaiin a bangpengte leh a sumhmun chu a teh a.

²⁴Chutah chuan a dnagte ang bawkin a velin tukverhte a awm a, a sumhmunah pawh; 'a dung chu tawng sawmnga a ni a, a vanglam chu tawng sawmhnih a ni

²⁵Tin, rahka pasarih a awm chho a, sum hmun chu a chhung lamah a awm a; tin, lehlam lehlama bangpengahte chuan tum thing lem a awm zel a.

²⁶Tin, chhim lamah chuan hung chhungnung luhna tur kawngka in a awm a, chhimlam kawngka inte inkar chu a teh a, tawng za a ni.

²⁷Tin, chhimlam kawngka inah chuan hung chhungnung zawkah chuan mi hruai lut a, tehna pangngaiin chhimlam kawgka in chu a teh a;

²⁸venna pindante, a bangpengte. Sumhnunte chu tehna ngai vekin; chutah chuan tukverhte a awm a, a sumhnunah pawh a velin: a dung lam tawng sawmnga a ni a, a vang lam tawng sawmhnih leh panga.

²⁹Tin, a velah chuan sumhmunte a awm a, a dunglam tawng sawmhnih leh panga, a vanglam tawng nga a ni.

³⁰A sumhnunte chuan hungchhung pawnta zawk lam a hawi a; a bangpengahte chuan tum thing lem a awm a: a chhohna chuan rahka pariat a nei a.

³¹Tin, chhak lamah chuan hung chhungnung zawkah mi hruai a, a tehna pangngaiin kawngka chu a teh a;

³²a venna pindante, a bangpengte, a sumhnunte tehna ngai vekin: chutah chuan tukverhte a awm a, sumhnunah pawh a velin: a dunglam chu tawng sawmnga a ni a, a vanglam chu tawng sawmhnih leh panga.

³³A sumhmunte chuan hung chhung pawnta zawk a hawi a, a bangpengahte chuan lehlam lehlamah tum thing lem a awm a; a chhohna chuan rahka pariat a nei a.

³⁴Tin, hmarlam kawgka inah chuan mi hruai leh a: a tehna pangngaiin a teh a;

³⁵a venna pindante, a bangpengte, a sumhnunte; chutah chuan a velin tukverhte a awm a: a dunglam tawng sawmnga a ni a, a vanglam tawng sawmhnih leh panga.

³⁶A bangpengte chu hung chhung pawnta zawk lamah a awm a; a chhohna chuan rahka pariat a nei a.

³⁷Kawngka in sumhmun atanga luh theihin pindan a awm a, chutah chuan halral in thawina tur an sil thin a.

³⁸Kawngka in sumhnun lehlam lehlamah chuan dawhkan pahnih ve ve a awm a; halral inthawina te, sual vanga inthawina te, thiamloh vanga thilhlante talhna turin.

³⁹Hmarlam kawngka in luh chhohna pawnlam sir khatah chuan dawhkan pahnih a awm a; tin, kawngka in sumhnun lehlamah pawh chuan dawhkan pahnih a awm bawk a.

⁴⁰Tichuan kawngka in sir lehlam pangah chuan dawhkan pali a awm a, a lehlam pangah dawhkan pali a awm bawk a; inthawina talhna thin chu dawhkan pariat a ni a.

⁴¹Tin, halral inthawina atan dawhkan pali, lungchhera siam, a dunglam tawngkhat leh a chanve, a vang lam tawng khat leh a chanve, a sanlam tawngkhat a awm a: chutah chuan halral unthawina leh thilhlan talhna tur hriamhreite an dah thin a.

⁴²Tin, a chhunglamah chuan a velin thil kawm, kutphah benga sei an vuah a, dawhkan chungah te chuan thilhlante sa a awm a.

⁴³Tin, hung chhungnung zawkah chuan mi hruai lut a; tin, ngai teh, hung chhungnung zawkah chuan pindan pahnih a la awm a, pakhat chu hmarlam kawngka in bulah hmar lam hawiin a awm a.

⁴⁴Tin, a ni chuan ka hnenah," He pindan chhimlam hawi hi, a in vawngtu puithiamte awmna a ni a;

⁴⁵pindan hmarlam hawi chu maicham vawngtu puithiamte awmna a ni; hengte hi Zadoka fate, Levia fate zinga a rawngbawl tura LALPA rawn hnaih thintute chu an ni," a ti a.

⁴⁶Tin, hung chhung chu a teh a, a dunglam tawng zakhat, a vanglam tawng zakhat, inbial vel a ni; tin, maicham chu kawtlai takah chuan a awm a.

⁴⁷Tin, a inpui sumhmunah chuan mi hruai ta a sumhnun bang pengte chu a teh theuh a, a lehlam lehlamah tawng ngaa chhah ve ve a awm a, a luhna chu tawng sawm leh tawng lia zau a ni, a sir tuaka kawngka bangpengte chu tawng thum ve ve a ni.A sumhnmun chu a dunglam tawng sawmhnih, a vanglam tawng sawm leh tawng hnih a ni a, luh chhohnaah chuan rahka sawm a awm a, bangpeng bulah a lehlam lehlamah chuan ban lian a awm a.

⁴⁸A sumhnmun chu a dunglam tawng sawmhnih, a vanglam tawng sawm leh tawng hnih a ni a, luh chhohnaah chuan rahka sawm a awm a, bangpeng bulah a lehlam lehlamah chuan ban lian a awm a.