Read Baibul, Mizo Ezekiela 43 Bible Online

Ezekiela 43 - Baibul, Mizo bible

Ezekiela 43

¹Tichuan kawngkaah mi hruai a, chhak lam kawngkaah chuan.

²Tin, ngai teh, Israel pathian ropuina chu chhak lam atangin a lo thleng a: a thawm chu tui tamtak ri ang a ni a, lei chu a ropuina in a en vek a.

³Inlarna ka hmuh a landan chu khawpui tichhe tura a lo kal leh Kebar luikama ka hmuh ang bawk a ni a; tin, bawk khupin ka tlu tla a.

⁴Tin, khawchhak lam hawi kawngkaah chuan a in pui chhungah LALPA ropuina a lo lut a;

⁵tin, thlarau chuan mi chawikang a, hung chhungnung zawkah chuan mi hruai lut a; tin, ngai teh, LALPA ropuina chuan a in chu a tikhat vek a.

⁶Tin, mi pakhat ka kianga a din laiin mi tuin emaw mi bia in ka hria a,

⁷ka hnenah,'Mihring fapa, hei hi ka lal thutthleng awmna hmun, ka kephah nghahna, Israel fate zinga kumkhuaa ka chenna tur hmun a nih hi: ka hming thianghlim chu Israel chhungten anmahniin emaw, an lalten emaw, an hurna leh an lal te ruang phumna'n hmangin an tibawrbang tawh lo ang;

⁸an kawngka chu ka kawngka bul tak a siamin, an kawngka biang chu ka kawngka biang hrula dahin anmahni leh keima inkarah bang chauh awmtirin an thiltih tenawmte chuan ka hming thianghlim chu a tibawrhbang ta a; chuvangin ka thinurnain anmahni chu ka tiboral ta a ni.

⁹Tun atang hian hurnate, an lal ruangte chu ka lak atanga hla takah dah bo se la; tin, an zingah kumkhuain ka cheng ang.

¹⁰Tin, nang mihring fapa, a inpui lem chu Israel chhungte hnenah entir rawh, an thiltihsual chu an zahpui theihna'n, a ruahman dan pawh lo teh rawh se.

¹¹Tin, an thil tih zawng zawngte an zahpui chuan a inpui awmdante, a chhuahna te, a luhna te, a riruang te, a hmandan te, a vawn dan te entir la, anmithmuh ngeiah ziak rawh; a dan pumpui leh a hmandan zawng zawng an vawna, an zawm theihna'n.

¹²Hei hi a inpui atana dan tur chu a ni: tlang chhip chung zawl vel zawng zawng chu hmun serh theihtawp tur a ni, ngai teh, hei hi in pui atana dan chu a ni e.

¹³Tin, tawnga tehin hei hi maicham len lam chu a ni, (tawng khat tih chu tawng khat keh kutphah beng a ni), a nghahchhan chu tawng khata sang, tawngkhata hlai, a tlang chu a vela khap khata pawng zel a ni a.

¹⁴Tin, maicham sanlam chu hetiang hi a ni: leia a nghah chhan atanga a chhawrdawh hnuai hnung zawk chu tawng hnih a ni a, a zau lam tawng khat; a chhawrdawh te zawk atanga a chhawrdawh lian zawk chu tawng li a ni a, tawng khata zau a ni.

¹⁵A maicham chung zawl chu tawng lia sang a ni leh a, maicham chung zawl atang chuan ki pali a ding a.

¹⁶maicham chung zawl chu a dung leh a vang tawng sawm leh pahnih ve ve a ni a; a in bial a ni.

¹⁷A chhawrdawh chu a dung leh avang tawng sawm leh pali ve ve a ni a, a inbial a: a tlang chu tawg chanve a ni; a nghhahchhan chu a velin tawngkhat a ni; a kailawn chuan khawchhak a hawi tur a ni," a ti a.

¹⁸Tin, ka hnenah," Mihring fapa, LALPA PATHIAN chuan heti hian a ti a ni: An siam zawh huna maicham hmandan tru chu hetiang hi a ni: halral inthawina tur te, thisen thehna tur te a ni.

¹⁹Levia chi puithiam Zadoka thlaha mi, rawng mi bawl tur a mi rawn hnaih thin tu hnenah chuan sual vanga in thawina atan bawngpa tuai i pe tur a ni, tih hi LALPA PATHIAN thi chhuak a ni.

²⁰A thisen chu i la ang a, maicham ki pali te leh a chhawrdawh ki li te a tlang velin i luan ang a; chutiang chuan maicham chu i thlengin i thian dawn ni a.

²¹Sual vanga inthawina bawngpa tuai chu i la ang a, hmun thianghlim pawn lama, chumi atana in ruatah chuan hal tur a ni.

²²Tin, a nihnihnaah chuan kelchal, hmelhem lo, sual vanga inthawina atan a hlan tur a ni; tichuan maicham chu bawngpa tuai a an then ang bawk khan then tur a ni.

²³maicham then chu in tih zawh hunah bawngpa tuai hmel hem lo leh beram chal, hmelhem lo, a rual zinga mi i hlan dawn ni a.

²⁴LALPA hmaah i hlan ang a, puithiam chu chi i phul ang a, LALPA hnenah halral atan a hlan ang.

²⁵Nisarih chhung chu nitin sualvanga inthawina atan kelchal i hmang tur a ni; bawngpa tuai leh beram chal, a rual zinga mi, hmelhem lo an hmang bawk tur a ni.

²⁶maicham then leh tlenfaina chuan ni sarih a awh ang a, tichuan maicham chu serh a ni tawh ang.Tin, chung nite an tlingtlak zawh chuan, ni riat ni atangin puithiamten in halral inthawinate leh remna inthawinate an maichamah an hlan ang a, tin, ka lo pawm ang che u, tih hi LALPA PATHIAN thu chhuak a ni," a ti a.

²⁷Tin, chung nite an tlingtlak zawh chuan, ni riat ni atangin puithiamten in halral inthawinate leh remna inthawinate an maichamah an hlan ang a, tin, ka lo pawm ang che u, tih hi LALPA PATHIAN thu chhuak a ni," a ti a.