Read Baibul, Mizo Ezekiela 44 Bible Online

Ezekiela 44 - Baibul, Mizo bible

Ezekiela 44

¹Tin, hmun thianghlim kawngka pawnta zawk, khawchhak lam hawi lamah chuan mi hruai let a, khar a lo ni a.

²Tin, LALPA chuan ka hnenah," He kawngka hi a in khar reng ang a, a in hawng lo vang a, tumah an lut hek lo ang! LALPA, Israel Pathian chu a lo luh tawh avangin; a inkhar reng dawn a ni.

³Lal erawh zawng LALPA hmaa chawei turin chutah chuan a thu chauh vang; sumhmun kawngkaah a lut ang a, chumiah vek chuan a chhuak leh ang," a ti a.

⁴Tin, hmar lam hawi kawngkaah chuan in pui kawtah mi hruai a; tin, ka han en a, ngai teh, LALPA in chu ropuinain a khat vek mai a; tin, bawkkhupin ka tlu ta a.

⁵Tin, LALPA chuan ka hnenah," Mihring fapa, LALPA in hmandan leh i dan zawng zawng i hnena ka sawi chungchangah chuan i beng chhi la, i mit len la, i rilruah chhinchhiah tha te rawh khai! A in pui luhdan te, a hmunthianghlim ata chhuah dante chu i rilruah chhinchhiah ngun ang che.

⁶,7 Tin, helhmang, Israel chhungte ngei hnenah chuan heti hian i sawi tur a ni: LALPA Pathian chuan heti hian a ti a ni: Aw, nangni Israel chhungte u, in tenawmna zawng zawng belhchhah tura awze mi, thinlung leh tisa serhtan loh, ka chhang te, thau te, thisen te in hlan laia ka hmun thianghlim, ka in ngei tibawrhbang tura in hruai luh a, ka thinlung in bawhchhiatah khan in tenawmna zawng zawngte chu lo tawp tawh rawh se.

⁷,6 Tin, helhmang, Israel chhungte ngei hnenah chuan heti hian i sawi tur a ni: LALPA Pathian chuan heti hian a ti a ni: Aw, nangni Israel chhungte u, in tenawmna zawng zawng belhchhah tura awze mi, thinlung leh tisa serhtan loh, ka chhang te, thau te, thisen te in hlan laia ka hmun thianghlim, ka in ngei tibawrhbang tura in hruai luh a, ka thinlung in bawhchhiatah khan in tenawmna zawng zawngte chu lo tawp tawh rawh se.

⁸Tin, ka thil serhte nangnin in vawng lo a, he'ng awze mite hi ka hmun thianghlimah in aia vawngtuah in ruat ta zawk a.

⁹LALPA pathian chuan heti hian a ti a ni: Awze mi tumah, thinlung leh tisa serhtan loh, Israel fate zinga awze mi reng reng chu ka hmun thianghlimah an lut tur a ni lo.

¹⁰Levia chi, Israel te milim uma an vah bo laia ka laka hla taka kal tawh te erawh chuan an khawlohna an phur ang a,

¹¹ka hmun thianghlimah chuan rawngbawltuah an tang ang, in pui kawng kharte an veng ang a, in pui chhungah chuan rawng an bawl ang: halra in thawinate an talh ang a, mipui rawngbawlsak turin an hmaah an ding ang.

¹²An milim te hmaah an rawng an bawlsak a, Israelte chhungte tan khawlohna tlukna an nih thin avangin an chungah ka kut ka lek a, an khawlohna chu an phur ngei ang, tih hi LALPA pathian thu chhuak a ni.

¹³Tichuan ka hnenah puithiam hnathawk turin mi rawn hnaih ngai lo ang a, ka thil serhte, thil serh berte an rawn hnaih ngai hek lo ang; an mualphona leh an thil tenawm tih takte chu an phur zawk ang.

¹⁴A inpui enkawltuahte ka siam ang a, rawngbawlna zawng zawng leh tih tur awm apiangte ti tur in

¹⁵Puithiam Levia chi, Zadoka fa, ka laka Israel fate an vah bo laia ka hmun thianghlim vawngtute erawh chuan ka rawngbawl turin mi rawn hnaih chauh vang; thau leh thisen hlan turin ka hmaah an ding ang, tih hi LALPA pathian thu chhuak a ni:

¹⁶Ka hmun thianghlimah chuan an lut ang a, rawng mi bawlsak turin ka dawhkan an rawn hnaih ang a, mi enkawl tuah an tang ang.

¹⁷Tin, hung chhungnung zawk kawngka ahte an luhin kawrfual zai sinin an in thuam ang a, hung chhungnung zawk leh in chhung lama rawng an bawl chhungin sahmul puan an in bel tur a ni lo.

¹⁸Dar zai sin an khim ang a, puan zai sin kekawr an ha ang a, thlan tisa thei reng reng chu an in bel tur a ni lo.

¹⁹Tin, hung chhung pawnta zawk, van tlang hnena an lo chhuah chuan an rawngbawlna silhfente chu an hlip ang a, pindan serhah chuan an dah ang a, silhfen dang an in bel ang; mipuite chu an silhfenin mi serh-ah an siam ve lohna'n.

²⁰An lu te an ziat kawlh tur a ni lo a, ansam an zuah sei tur a ni hek lo, an met chau tur a ni.

²¹Puithiam chuan hung chhungnung zawk an luh chuan Uain an in tur a ni hek lo.

²²Hmeithai emaw, mak hnu emaw nupuiah a nei tur a ni hek lo; Israel chhungte chi, nula thianghlim emaw puithiam thihsan hmeithai emaw an nei zawk tur a ni.

²³Ka mite chu thil serh leh serh loh danglam zia an zirtir tur a ni, thil thiang leh thiang lo an thliar hran tir tur a ni.

²⁴Thubuaite pawh an rel tur a ni a, ka rel dan ang zelin an rel ang: ka kut ni vang thla zawng zawngah chuan ka dante leh ka dan siamte an zawm tur a ni a; ka chawlhnite pawh an serh tur a ni.

²⁵Mahni intibawrbang turin mi ruang an hnaih tur a ni lo; amaherawh chu nu emaw, pa emaw, fanu emaw, fapa emaw, unaupa emaw, fanu pasal neilo emaw tan chuan an intibawrhbang thei ang.

²⁶Tin, a in thenfai hnuah a tan ni sarih chhiarsak leh tur a ni.

²⁷Hung chhungnung zawka hmun thianghlima a luh niah chuan sual vanga in thawina ama tan a hlan tur a ni, tih hi LALPA pathian thu chhuak a ni.

²⁸Rochan engmah a nei lo ang; a rochan chu keimah ka ni ang, Israelah chan engmah in pe tur a ni lo, an chan chu keimah ka nih hi.

²⁹Ei tur hlante, sual vanga thil hlante, thiam loh vanga thil hlante an ei ang a, Israel zinga thil serh apiang chu an ta tur a ni.

³⁰Rah hmasa te zinga a tha ber apiang te, in thil hlan tinrenga a tha ber, in thil hlan zawng zawng a mi chu puithiamte ta tur a ni, an ina malsawmna a cham hlen theihna tur in chhangphut hmehhlawm tha ber chu puithiam hnenah in pe tur a ni.Puithiam chuan sa tlaw reng reng, sava emaw ramsa emaw kut tuar emaw amaha thi emaw an ei tur a ni lo.

³¹Puithiam chuan sa tlaw reng reng, sava emaw ramsa emaw kut tuar emaw amaha thi emaw an ei tur a ni lo.