Read Baibul, Mizo Ezekiela 45 Bible Online

Ezekiela 45 - Baibul, Mizo bible

Ezekiela 45

¹Chulovah chuan rochan tura ram in sem hunah chuan ram bung serh, LALPA hnenah ram zuat in hlan tur a ni; a dunglam chu tawng singhnih leh sangnga, a vanglam chu tawng singhnih, a pumin ram serh a ni tur a ni.

²Hemiah hian hmun serh atan a dung leh avang tawng zanga ve ve, in bial a ni ang a, tin, a velin tawng zangaa zau hmun awl a awm tur a ni.

³Tin, hemi tehsa atang hian a dung tawng singhnih leh sangnga leh avang tawng singkhat i teh chhuak ang a, chumiah chuan hmun thianghlim serh ber chu a awm tur a ni.

⁴Ram bung serh chu, puithiam, hmun thianghlima rawngbawltu, a rawngbawl tura LALPA hnaih thintu te tan a ni ang a, an in hmun atan leh hmun thianghlim atan a ram serh a ni tur a ni.

⁵Hmun dang a dung tawng singhnih leh sangnga, a vang tawng singkhat, Levia chi in puia rawngbawltute pualah, an chenna khawpui atan a awm tur a ni.

⁶Ram bungser hlan tawh hrulah chuan khawpui chan avang tawng zanga leh tawng singhnih leh sangnga in ruat tur a ni a, Israel chhungkaw pumpui tan a ni ang.

⁷Tin, lal chan tur ram serh hlan tawh leh khawpui sir tuak ve ve, ram serh hlan tawh hmalam leh khawpui chan hmalamah, thlang lama mi thlanglam hawiin, chhak lam ami chhaklam hawiin a awm tur a ni: a dung chu thlang lam ramri atanga chak lam ramri thlengin, ram bung dang chen bawk a ni.

⁸Chu chu Israel rama ama chanpual a ni tur a ni: tin, ka lal te chuan ka mite an hnehchhiah tawh lo ang a, Israel chhungte chu an hnam hranzia ang zelin ram an pe zawk ang.

⁹Lalpa PATHIAN chuan heti hian a ti: Aw Israel lalte u, tawk rawh se, pawngnekna leh inramna chu ban daih u la, fel taka rel leh dik taka tih ching tawh u la, ka mita hnawhchhuah thin chu ban tawh u, tih hi Lalpa PATHIAN thu chhuak a ni.

¹⁰Bukna leh buk lung dik tak hman theuh tur a ni, Ephah pawh Bath pawh a dik tur a ni.

¹¹Ephah leh Bath hi a in tluk chhiah tur a ni. Homer atanga teh tur ; Hetiangin: Epah sawmin Bath sawm a tluk a, chu chu Homer khat a ni.

¹²In buk lung chu hetiang tur hi a ni: Gera sawmhnih leh Sekel khat a in tluk ang a, Sekel sawmruk chu Mina khat a ni ang.

¹³Tin, hei hi thil hlan in hlan tur a ni ang; buh Homer khat zelah epha hmun ruka thena hmun khat leh barli homer khat zelah epha hmun ruka thena hmun khat in pe tur a ni:

¹⁴tin, hriak hlan dan tur chu kor khat zelah bath hmun sawma thena hmun khat; kor chu bath sawm a ni, homer tluk bawk a ni, homer khat chu bath sawm a ni si a:

¹⁵Israel ran tlatna hmun tha ata beram rual zinga mi zahnih zelah a no pakhat, eitur hlan atan te, halral inthawina atan te, remna thil hlan atan te anmahni thenfaina siamna turin an hlan tur a ni, tih hi LALPA PATHHIAN thu chhuak a ni.

¹⁶Rama mi zawng zawngte chuan Israel lal hnenah he thilhlan hi an pe ang.

¹⁷Tin, kutah te, thla tharah te, chawlhniah te, Israel kut ni vangthla zawng zawngah halral inthawina te, ei tur hlan te, in tur hlan te lal chuan a ngaihtuah ang a, sual vanga in thawina te, ei tur hlan te, halral in thawinate, remna thil hlante Israel chhungte in thenfaina'n anin a tumsak tur a ni.

¹⁸Lalpa PATHIAN chuan heti hian ati a ni: Thla KHATNA chumi thla nikhat niah chuan bawngpa tuai hmelhem lo i hmang ang a, hmun thianghlim chu i thianfai tur a ni.

¹⁹Tin, puithiam chuan sual vanga in thawina thisen chu a la ang a, in pui kawngka biangah te leh maicham chhawrdawh kil liah te leh hung chhungnung zawk kawngka in bangpengah a tat ang.

²⁰Tin, chumi thla ni sari niah chuan tihpalh emaw hriatloh na avang emawa thil tisualtute tan pawh chutiang bawk chuan i ti ang a, chutiang chuan in pui thenna i siam tur a ni.

²¹Thla khatna, chumi thla ni sawm leh ni li niah chuan kalhlen kut in serh ang; tin, ni sarih chung chu chhang dawidim telh loh in ei ang.

²²Chumi niah chuan lalin amah leh a rama mi zawng zawng tan sual vanga inthawina'n bawngpa tuai a tum ang.

²³Tin, kut ni nisarih chhung zawng chuan bawngpa tuai hmelhem lo pasarih leh berampa pasarih zel LALPA tan halral inthawina turin a tum ang, sual vanga inthawina turin nitin kelpa pakhat nen.

²⁴Tin, chhang hlan atan bawngpa pakhat zelah epha khat zelah hriak hin khat a tum tur a ni.Thla sarihna , chimi thla ni sawm leh ni nga nia kutah chuan ni sarih chhung chu chutiang bawk chuan a ti ang a, sual vanga inthawina te, halral inthawina te, chhang hlante leh hriak te tum vekin," a ti a.

²⁵Thla sarihna , chimi thla ni sawm leh ni nga nia kutah chuan ni sarih chhung chu chutiang bawk chuan a ti ang a, sual vanga inthawina te, halral inthawina te, chhang hlante leh hriak te tum vekin," a ti a.