Read Baibul, Mizo Ezekiela 46 Bible Online

Ezekiela 46 - Baibul, Mizo bible

Ezekiela 46

¹Heti hian Lalpa Pathian chuan a ti a ni: "Hung chungnung zawk zawk kawngka chhak lam hawi chu hnathawh ni, ni ruk chhung chu a inkhar ang a, chawlni ah leh thlathar ni ah erawh chuan a inhawng tur a ni.

²Tin, Lal chu kawngka in sumhmunah a lut ang a, kawngka in bang peng bulah a ding ang a, puithiamte chuan a halral inthawina leh remna thilhlan te chu an buatsaih ang a, luhna kawngka in pindanah chuan Pathian a bia ang a; tichuan a chhuak ang a, kawng erawh chu a tlailam thlengin khar loh tur a ni.

³Tin, vantlang erawh chuan chawlni leh thlatharahte chuan chu kawngka in luhna bulah te chuan LALPA hmaah Pathian chibai an buk ang.

⁴Tin, chawlhnia lalin LALPA hnenah halral inthawina a hlan tur chu beramno hmelhem lo paruk leh berampa hmelhem lo pakhat a ni ang a;

⁵tin,berampa pakhat zelah chhang hlan epha khat, beram noteah chuan a pek theih ang ang, leh epha khatah hriak hin khat zel a ni ang.

⁶Tin, thla thar niah chuan bawngpa tuai hmelhemlo pakhat beramno paruk leh berampa pakhat a ni ang a, hmelhemlo an ni vek tur a ni;

⁷tin,chhanghlan a buatsaih anga, bawngpa tuaiah epha khat, berampaah epha khat, beram noteah a theih ang ang, leh epha khat zelah hriak hin khat a ni tur a ni.

⁸Tin, lal chu a luh lamin kawngka in sumhmunah a lut ang a,chutah vek chuan a chhuak leh tur a ni.

⁹Vantlang erawh chu kutni vangthlaa LALPA hmaa an lo kal chuan Pathian chibai buk tura hmarlam kawngka ina lo lut chu chhimlam kawngka inah an chhuak ang a, chhimlam kawngka ina lo lut chu hmarlam kawngka inah an chhuak thung ang;an luhna kawngka inah chuan an kir tur a ni lo a, a hmalamah an kal zel zawk tur a ni.

¹⁰Tin, an luh chuan lal chu an zingah a lut ve ang a, an chhuah chuan a chhuak ve tur a ni.

¹¹Tin, kutni te leh kutpuiahte chuan chhang hlan chu bawngpa tuai pakhat ah epha khat, berampa pakhatah epha khat, beram noteah a pek theih ang ang, epha khatah hriak hin khat zel a ni tur a ni.

¹²Tin, lalin duhthua thil hlan a hlan dawn chuan halral inthawina emaw remna thilhlan emaw LALPA hnena duhthua thilhlan anga a hlan dawn chuan khaw chhak lam hawi kawng chu a hawnsak anga, chawlhnia tih ang bawkin halral inthawinate leh remna thil hlante chu a buatsaih ang; tichuan a chhuak anga, a chhuah hnuah kawng chu a khar ang.

¹³Tin, ni tinin LALPA hnena halral inthawinan beram no kum khat mi hmelhem lo i hmang ang a, tuk tinin i hmang tur a ni.

¹⁴Tin, tuk tinin chhanghlan i buatsaih ang a, epha hmun ruka thena hmun khat leh hriak hin khat hmun thuma thena hmun khat chhangphut diptak tihhnawnna'n; chu chu kumkhuaa LALPA hnena chhanghlan dan tur a ni.

¹⁵Hetiang hian halral thil hlan fo turin beram note, chhang hlan te, hriak te, tuk tinin an buatsaih tur a ni," tiin.

¹⁶Lalpa PATHIAN chuan heti chian a ti a ni: "Lalin a fapate, tu hnenah pawh rochan engpawh a pek chuan a fapate ta a ni ang a, an ro luah a ni mai.

¹⁷Mahse a rochana mi chu a rawngbawltu tu emaw hnena a pek chuan bawih chhuahna kum thlengin a nei ang a, chutah chuan lal hnenah a pe kir tur a ni; ama ro pangai erawh chu a fapate ta tur a ni ang.

¹⁸Chu loah pawh lalin mite rochan a chhuhsak tur a ni lo a, an in leh lo ata a hnawt chhuak tur a ni hek lo; ama ta ngeia mi chu a fapate hnenah rochan a pe tur a ni; mahni in leh lo ata mite an vah darh lohna'n," a ti a.

¹⁹Tin, kawngka in sira puithiamte tana pindan serh hmarlam hawiah chuan mi hruai lut a; tin, ngaiteh, a kawmchar khawthlang lampangah chuan hmun a lo awm a.

²⁰tin, ani chuan ka hnenah, " Hei hi puithaimten thiamloh vanga thil hlan leh sual vanga thil hlan an chhumna hmun, chhanghlan an urna hmun a nih hi; hung chhung pawnta zawkah an keng chhuaka mite chu miserha an siam lohna'n," a ti a.

²¹Tin, hung pawnta zawkah chuan mi hruai chhuak a,hung chhung kil hrulah chuan mi kaltir a, tin, ngaiteh, a hungchhung kil theuhah chuan hung a awm leh a.

²²Hung chhung kil liah chuan hung, bang nei, a dung tawng sawmli, a vang tawng sawmthum a lo awm bawka; chung a kil lia mi palite chu a intiat vek a ni.Chung hmun li chhung lamah chuan a velin lung an rem tlara, chumi tlar hnungah chuan a velin chhumna tur thuk a awma. Tin, ka hnenah," hengte hi chhumna in, in pui rawngbawltuten mite inthawina sa an chhumna turte chu a nih hi," a ti a.

²³Chung hmun li chhung lamah chuan a velin lung an rem tlara, chumi tlar hnungah chuan a velin chhumna tur thuk a awma. Tin, ka hnenah," hengte hi chhumna in, in pui rawngbawltuten mite inthawina sa an chhumna turte chu a nih hi," a ti a.