Read Baibul, Mizo Ezekiela 47 Bible Online

Ezekiela 47 - Baibul, Mizo bible

Ezekiela 47

¹Tichuan in pui kawngkharah chuan mi hruai let a, tin, ngai teh, in pui kawngka bul hnuai atang chuan, chhak lam hawiin tui a lo luang chhuak a; in pui chu chhak lam hawi a ni si a; tin, tui chu maicham chhim lam in pui sir dinglam hnuai atangin a lo luang thla a.

²Tin, hmarlam hawi kawngka inah chuan mi hruai chhuak a, pawnah chuan chhak lam hawi kawngka in pawnta zawk thlengin mi hruai a; tin, ngai teh, dinglam pagah chuan tui a lo luang chhuak a.

³Tin, chumi chuan tehna hrui kengin chhak lam hawia kalin tawng sangkhat a teh a; tin, tui chu mi dai kaitir a, kheimit thleng a ni a.

⁴Tin, tawng sangkhat a teh leh a, tui chu mi dai kaitir leh a, tui chu khup thleng a ni a, tin, tawng sangkhat a teh leh a, mi dai kaitir leh a, tui chu kawng thleng a ni a.

⁵Tin, tawng sangkhat a teh leh a, tin, ka dai kai rual loh, luipui a lo ni ta a, tui chu a lo sang zel a, a dai a dai kai rual loh, ahleuha hleuh tham luipui a lo ni ta si a.

⁶Tin, ka hnenah," Mihring fapa, hei hi i hmu em?" a ti a, Tin, luikam hrut turin mi hruai kir ta a.

⁷Tin, ka han kir chuan, ngai teh, vaukam tluan chuan, vaukam tawnin thing tam tak a lo awm a.

⁸Tin, a ni chuan ka hnenah ," He tui khawchhak ram lama luang hi Araba ramah a luang lut a tur a ni; tui pui ah a luang lut ang a, tuipui tui al chu tui thianghlimah a chantir ang.

⁹Tin, heti hi a lo ni ang a, luite chu an luanna apiangah rannung tinrengin an dam phah ang a, sanghate an awm huai huai ang: tuipui tui a thianghlimna tur leh a luanna apiangah rannungten an nun phahna tur in he'ng lui hi a lo luang a ni si a.

¹⁰Tin, heti hi a lo ni ang a, a kamah chuan sangha mantute an ding ang: Engedi atanga Eneglaim thlengin len denna hmun a ni ang; a sangha chu an chi ang zelin, tuipui lian sangha ang maiin an tam em em ang.

¹¹Chirhdup leh dumte erawh chu an thianghlim ve lo ang a, chi khu atan hnutchhiah a ni ang.

¹²A luikamah chuan a kam tuakin thei kung tinreng a to ang a, chungte chu a hnah a vuai ngai loin a rah lo ngai hek lo ang, hmun thianghlim atanga lui lo luang chhuak chawm a nih avangin thla kipin a rah ang: a rah chu ei atan a ni ang a, a hnah chu tihdamna'n a ni ang.

¹³Lalpa PATHIAN chuan heti hian a ti a ni: Hei hi Israel hnam sawm leh hnam hih zinga ram in then dan tur chu a ni e: Josefan chan hnih a chang ang.

¹⁴In ang rengin in chang tur a ni; inthlahtute hnena pek tur a chhia ka chham tawh kha: he ram hi in ram chan ah a tlu dawn a ni.

¹⁵Hei hi a ram pum ri tur a ni: hmar lamah chuan tuipui lian atangin Hethlon kal tlangin Hamath lihna ruamah Zedad a thleng a;

¹⁶Berothah te, Damaska leh Hamath in ri na laia awm Sibraim te, Hauran ramri bula awm Hazerhatikon thlengin.

¹⁷Chutichuan ramri chu tuipui lian atangin Damaska ramri bula Hazar-enon thlengin a ni ang a, hmar lamah chuan Hamatht ramri in a ri ang, hei hi hmar lam ramri chu a ni.

¹⁸Tin, chhak lamah chuan Hauran leh Damaska inkarah Gilead leh Israel ram inkara Jordan lui dung a zawh ang; hmar lam ramri atangin khawchhak tuipuiah Tamar a thleng ang. Hei hi chhak lam ramri a ni tur a ni.

¹⁹Chhim lamah chuan Tamar atangin Meriboth-kades tuite thlengin Aigupta lui zawhin tuipui lian a thleng ang. Hei hi chhim lam ramri tur a ni.

²⁰Thlang lam ah chuan Tuipui lian in a ri ang a, chhim lam ram ri atangin Hamath luhna ruam zawn thlengin. Hei hi thlang lam ramri a ni tur a ni

²¹Chutichuan he ram hi Israel hnam athuin in zingah in sem ang.

²²Tin, heti hi a ni ang a, in ram chan tur leh in zinga hnamdang cheng, nupui fanau nei tawhte ram chan tur chu in sem tur a ni, Anni chu Israel faa piang reng ang an ni tur a ni a, Israel hnamte zingah nangmahni angin chan an nei tur a ni.Tin, heti hi a lo ni ang a, tu hnam zingah pawh hnamdang chu lo khawsa se la, chutah chuan a ram chan tur in ruatsak tur a ni," tih hi Lalpa PATHIAN thu chhuak a ni.

²³Tin, heti hi a lo ni ang a, tu hnam zingah pawh hnamdang chu lo khawsa se la, chutah chuan a ram chan tur in ruatsak tur a ni," tih hi Lalpa PATHIAN thu chhuak a ni.