Read Baibul, Mizo Ezekiela 6 Bible Online

Ezekiela 6 - Baibul, Mizo bible

Ezekiela 6

¹Tin, LALPA thu chu ka hnenah a lo thleng a,

²Mihring fapa, Israel tlang lamte chu hawi la, an hnenah thu sawi la,

³Israel tlangte u, LALPA PATHIAN thu hi ngaithla rawh u: LALPA PATHIAN chuan tlangte leh mualte hnenah leh ruamte leh kawrte hnenah chuan heti hian a ti a ni: ngai rawh u keimah ngei hian in chungah khandaih ka rawn lek ang a, in bawlhmunte chu ka tichhe vek dawn a ni.

⁴In maichamte chu a ram ang a, in ni pathian lemte chu a kehsawm ang: tin, in mi thah ruangte chu in milimte bulah ka paih ang.

⁵Tin, Israel fate ruang chu an milim bulahte chuan ka dah ang a, in ruhte chu in maicham velah chuan ka thehdarh ang.

⁶In chenna hmun zawng zawngahte chuan khawpuite chu a chhia ang a, bawl hmunte chu an ram ang, In maichamte tihchhiat leh tihram a nih theihna'n leh in milimte keh sawma, a bo theihna'n leh in ni-pathian lemte chu rawt thluka an awm theiha, in hnathawhte chu a boral theihna'n.

⁷Tin, mi thahte chu in zingah an tlu ang a, tichuan LALPA ka ni tih in hria ang.

⁸Amaherawhchu ram tina in darhsarh hunah chuan hnamte zinga khandaih pumpelhte an la awm dawn avangin a then chu ka la zuah cheu ang.

⁹Tin, in zing ata chhuakte chuan sala an hruaina hnamte zingah chuan mi hre reng ang a, an uirena thinlung ka lak bo tawh leh an mit, an milim lama uirete chu ka tihchhiatsakziate an hria ang: tin, an tenawmnatea thil sual, anmahni hmuh ngeia an lo tih tak thu-ahte chuan an inten tawh ang.

¹⁰Tin, LALPA chu ka ni tih an hria ang a, he'ng thil tha lo hi an hnenah ka ti dawn a athlawn maiin ka sawi lo tih an hria ang, tiin," a ti a.

¹¹Lalpa PATHIAN chuan heti hian a ti a:"I kut bengin i ke per la, Ehei! Israel chhungte tenawmna sual avanga maw! Khandaihin, tamin, hripuiin an tlu dawn si a.

¹²Hla taka awm chu hripuiin an thi ang a a hnaia awm chu khandaihin an tlu ang a, a bang huala awmte chu tamin an thi tho ang ; hetiang hian ka thinrimna nasa tak chu an chungah ka hri thla dawn a ni.

¹³Tin, tlang sangah te, tlang chhip zawng zawngahte leh thing hring apiang hnuaiah leh sasaw buk tin hnuaia an milimte hnena rimtui an hlanna hmuna an maicham vela an milimte bula an mithi ruangte a awm hunah chuan kei hi LALPA ka ni tih an hria ang.Tin, an chungah ka kut ka lek ang a, thlaler atanga Diblah lama an chenna hmun zawng zawngah ram chu ka tiramin ka tichhia ang: Tichuan kei hi LALPA ka ni tih an hria ang," tiin.

¹⁴Tin, an chungah ka kut ka lek ang a, thlaler atanga Diblah lama an chenna hmun zawng zawngah ram chu ka tiramin ka tichhia ang: Tichuan kei hi LALPA ka ni tih an hria ang," tiin.