Read Baibul, Mizo Ezekiela 9 Bible Online

Ezekiela 9 - Baibul, Mizo bible

Ezekiela 9

¹Tichuan ka beng hriatah chuan," Khawpui en kawltute chu mitin tihboralna hriamhrei kengin lo hnai rawh se," tiin ringtakin a au a.

²Tin, ngai rawh hmarlam kawngka chungnung kalna atang chuan mi paruk an lo kal a, mitinin tihhlumna hriamhrei chu an keng theuh a; tin, an laia mi pakhat puan zai sin sin chuan lehkhatui bur a pai a. Tin, an lut ta a, dar maicham bulah chuan an ding ta a.

³Tin, Israelte Pathian ropuina chu a awmna cherub atang chuan chu in kawngka bulah chuan a chho a; tin, puanzai sin sin, lehkhatui bur paitu kha a au a.

⁴Tin, LALPA chuan a hnenah," Khawpui chu fang la, Jerusalemte chu fang chhuak rawh: a chhunga thil tenawm tih tawhte avanga thawpika tap thinte chu an chalah chhinchhiah ang che," a ti a.

⁵Tin, midangte hnenah chuan ka hriat ngei in," A hnungah sawn khawpui chu fang chhuak u la, kut thla rawh u, in mitin hmuh hmaih suh se la, khawngaih hek suh u.

⁶Putar te, tlangval te, nula te, naupangte leh nute that fai vek rawh u, chhinchhiahna neite erawh chu rawn hnaih suh u; ka hmun thianghlimah tan rawh u," a ti a, Tichuan biakin kawta upahovah chuan an tan ta a.

⁷Tin, a ni chuan ka hnenah," In chu tibawrhbang u la, a hung chhungte chu miruangin tikhat u la: chhuak rawh u a ti a, Tin, an chhuak ta a, khawpuiah chuan an che ta a.

⁸Tin, heti hi a ni a, khawpui an chet lai chuan kei chu hnutchhiahin ka lo awm a, ka tlu bawkkhup a," Aw LALPA PATHIAN, Jerusalem chunga i thinur leihbuakah hian Israel la awm chhunte pawh i ti boral vek dawn em ni?" tiin ka au a.

⁹Tichuan a ni chuan ka hnenah," Israel leh Juda chhungte khawlohna chu a nasa em a ni. Ram chu thisenin a khat a, khawpui chu hlem hle rorelnain a khat a: 'LALPA'n ram chu a kalsan tawh a, LALPA'n engmah a hmu hlei nem!' an ti si a.

¹⁰Keipawh hian ka hmu hmaih lo ang a, ka khawngaih hek lo ang; an sual mawh chu a burin ka khumtir ang," a ti a.Tin, ngai teh, puan zai sin sina lehkhatui bur pai khan thu chu a thlen a, "I thu mi pek angin ka tizo ta," a ti a.

¹¹Tin, ngai teh, puan zai sin sina lehkhatui bur pai khan thu chu a thlen a, "I thu mi pek angin ka tizo ta," a ti a.