Read Baibul, Mizo Daniela 1 Bible Online

Daniela 1 - Baibul, Mizo bible

Daniela 1

¹Juda lal Jehoiakima rorel kum thumnaah chuan Babulon lal Nebukadnekzara Jerusalemah a lo kal a, a huala a.

²Tin, Lalpa chuan Juda lal Jehoiakima chu a kutah a pe a, Pathianin bungbel thenkhatte nen; tin, ani chuan Sinar rama a pathian inah a kal pui ta a; tin, bungbelte chu a pathian sum inah a rawn thlen a.

³,4 Tin, lal chuan Israel fate zinga mi, lal thlahte leh mi tha fate, tleirawl demna awm lo, hmeltha tak, finna tinrenga remhria, hriatna lam a bengvar, thilbul chhut thiam, lal ina chetla thiam rawn hruailut tur leh Kaldai tawng leh thil thiam zirtir turin, a mitilreh hotu Aspenaza chu a hrilh a.

⁴,3 Tin, lal chuan Israel fate zinga mi, lal thlahte leh mi tha fate, tleirawl demna awm lo, hmeltha tak, finna tinrenga remhria, hriatna lam a bengvar, thilbul chhut thiam, lal ina chetla thiam rawn hruailut tur leh Kaldai tawng leh thil thiam zirtir turin, a mitilreh hotu Aspenaza chu a hrilh a.

⁵Tin, lal chuan lal chaw tuihmel ata leh a uaiin in thin ata chu a nitin chan tur a ruatsak a, chutianga kum thum chawm a, chumi tawpa lal hmaa an din theihna'n.

⁶Tin, he'ng zingah hian Juda fatea mi, Daniela te, Hanania te, Misaela te, Azaria te an tel a.

⁷Tin, tilreh te hotu chuan an hming a sa hlawm a: Daniela chu Beltesazzara a vuah a, Hanania chu Sadraka, Misaela chu Mesaka, Azaria chu Abednagoa.

⁸Mahse Daniela chuan a rilruin lal chaw leh a uain in thin te chuan intihbawlhhlawh loh a tum tlat a; chutichuan a intihbawlhhlawh lohna'n tilrehte hotu chu a dil a.

⁹Tichuan, Pathian in Daniela chu tilrehte hotu laka duhsakna keh khawngaihna chu a dawntir a.

¹⁰Tin, tilreh hotute chuan Daniela hnenah, In eitur leh in tur ruattu ka lalpa, lalber chu ka hlau a ni; in hmel hi tleirawl, in rualpuite aia chhe zawkin an rawn hmu ang a sin! Chuti a nih chuan lalber lakah ka lu hi hlauhpui awmin in siam dawn a ni a lawm,''a ti a.

¹¹Tin, tilreh te hotu in Daniela te, Hanania te, Misaela te,Azaria te enkawl tua a siam hnenah chuan Danielan,

¹²Ka ngen a che, i chhiahhlawhte hi ni sawm min fiah rawh, eitur thlai leh in tur tuisik min pe mai rawhse.

¹³Tin i hmaa kan lan dante leh lal chaw tuihmel ei tleirawlte landan chu tehkhin nisela, tin, i hmuh dan angin i chhiahhlawhte chungah hian ti ang che,'' a it a.

¹⁴Tichuan, he thu hi a remtihsak a, anni chu ni sawm a fiah ta a.

¹⁵Tin, ni sawm tawpah chuan lal chaw tuihmel eitu tleirawlte zawng zawng ai chuan an hmel a lang mawi zawkin an lo thau zawk mah a.

¹⁶Tichuan, enkawltu chuan an eitur leh an uain intur chu a la bo a, thlai a pe ta zawk a.

¹⁷Tichuan, he'ng tleirawl palite hi chu thiamna leh finna zawng zawngah hriatna leh bengvarna Pathianin a pe a, Daniela chuan inlarna leh mumang zawng zawng a hrethiam ta a.

¹⁸Tin, lalin anmahni rawnhruai luhna tura a ni ruat tawpah chuan tilrehte hotu chuan an ni ho chu Neukadnezzara hmaah chuan a rawn hruailut a.

¹⁹Tin, lal chuan a lo be hlawm a, anniho zingah chuan Daniela te, Hanania te, Misaela te, Azaria te ang reng reng an awm lo a, chuvangin lal hmaah chuan an ding ta a.

²⁰Tin, finna leh hriatthiamna thu tinreng lalin a han zawh chuan a ram pumpuia dawivaih thiam leh aikaihthiam zawng zawng te ai chuan alet sawmin an tha zawk tih a hre ta a.Tin, Daniela chuan lal Kura kumkhatna thlengin a thawk ta zel a.

²¹Tin, Daniela chuan lal Kura kumkhatna thlengin a thawk ta zel a.