Read Baibul, Mizo Daniela 10 Bible Online

Daniela 10 - Baibul, Mizo bible

Daniela 10

¹Persia lal Kura kum thumnaah chuan, Daniela, a hming Beltesazzara an vuah hnenah chuan thil a lo lang a; chu thil chu a dik a ni a, chu chu indona ropui tak a ni: tichuan thil chu a hrethiama,inlarna hriat theihna a nei a ni.

²Chung nite chuan, kei Daniela chu hapta thum pumhlum lusun angin ka awm a.

³Chaw tuihnai reng reng ka ei lo a, sa emaw uain emaw pawh ka kaah a lut hek lo,hapta thum pumhlum a kim hma chu hriak pawh ka in thih hek lo.

⁴Tin, thla khatna, ni sawmhnih leh ni li nia lui ropui tak Hidekel kama ka awm lai chuan,

⁵ka mit ka han len chho a; ngai teh, mi, puan zai sina inthuam, a kawnga Ufaz rangkachak thianghlima inhreng hi a lo awm a:

⁶a taksa pawh berul lung ang a ni a, a hmel chu kawlphe lan dan ang, a mitte chu mei khawnvar ang, a bante leh a kephahte chu dar tle mi ang, a tawng thawm chu mipui thawm ang a ni.

⁷chu in larna chu kei Daniela chauh hian ka hmu a; ka hnena awmte chuan inlarna chu an hmu ve lo a, mahse nasa takin an lo khur a, an biru bo ta a.

⁸Chutichuan keimah chauh ka awm ta a, inlarna ropui tak chu ka hmu a, thahrui reng ka nei ta lo va: ka hmel mawina pawh a chuai zo a, thahrui reng ka nei ta lo.

⁹Mahse tawng ri chu ka hria a: a tawng ri ka han hriat chuan bawk khupin, hmai lei siin ka mu hil ta der a.

¹⁰Tin, ngai teh, kut hian mi han khawih a, chu chuan mi bawhvah tir a.

¹¹Tin, ka hnenah, Aw Daniel, nang mi duhawm tak, i hnena ka thusawi hi hre thiamla, ding ngil rawh; tunah hian i hnena rawn tirh ka ni si a, a ti a: tin, he thu hi ka hnena a sawi zawh chuan khur chungin ka ding a.

¹²Tin, a ni chuan ka hnenah,Hlau suh Daniel, i Pathian hmaa inngaitlawm tur leh hrethiam tura i thinlung i pek tirh ni atang khan i thute chu ngaihthlak a ni a, i thute avang chuan ka lo kal a ni.

¹³Mahse Persia ram hotu chuan ni sawmhnih leh nikhat mi dodal a; amaherawhchu, ngai teh, Mikaela, hotu lian chu min pui turin a lo kal a; tichuan Persia lal hnenah chuan ka han awm ta a.

¹⁴Nakin lama i mite chunga thil lo thleng turte hriat thiam tir tur chein tunah hian ka lo kal a ni: inlarna chu ni tamtak hnuah a la ni dawn si a, a ti a.

¹⁵Tin, he'ng thute ang zela ka hnena a sawi hun chuan, kei chu ka kaikun a, ka tawng thei lo a.

¹⁶Tin, ngai teh, mi pakhat, mihring fapate ang taka lang hian ka hmui a rawn khawih a; tichuan ka ka ka ang ta a, ka hmaa lo dinga hnenah chuan, Aw ka lalpa, inlarna avang chuan ka lungngaihnate chuan mi delh a, thahrui reng ka nei lo a.

¹⁷He ka lalpa chhiahhlawh hian he ka lalpa hi engtin nge a biak theih ang? kei lah chuan thahrui reng ka nei si lo, thawk pawh ka la thei hek lo, ka ti a.

¹⁸Tichuan, mihring ang taka lang chuan mi han khawih leh a, min ti chak ta a.

¹⁹Tin, ka hnenah, Aw mi duhawm tak, hlau suh; thlamuang takin awm rawh: chak la, a ni chak rawh, a ti a. Tin, ka hnena thu a sawi lai chuan ka lo chak ta a, ka LALPA'n thu sawi rawh se, nangin mi tichak tawh si a, ka ti a.

²⁰Tichuan, ani chuan, I hnena ka lo kal chhan hi i hria em? Tunah chuan Persia ram hotu bei turin ka kir dawn a ni: tin, ka thawh chhuah hunah chuan, ngai teh, Grik ram hotu a lo kal ang.Mahse thudik ziaknaa ziak chu ka hrilh ang che: hengah hian, in hotu Mikaela chauh lo chu, tumah mi tan tur an awm lo e.

²¹Mahse thudik ziaknaa ziak chu ka hrilh ang che: hengah hian, in hotu Mikaela chauh lo chu, tumah mi tan tur an awm lo e.