Read Baibul, Mizo Daniela 12 Bible Online

Daniela 12 - Baibul, Mizo bible

Daniela 12

¹Tin, chumi hunah chuan i mipui fate tan thintu, hotu ropui tak Mikaela chu a ding ang a; tin, buaina hun, hnam awmtirh ata chumi hun thleng pawha la awm ngai lo chu, a lo awm ang: tin, chu mi hunah chuan i mite chu chhanchhuah in an awm ang a, mi tin lehkhabua hming chuang apiang te chu.

²Tin, an zinga tam tak lei vaivuta mihil tawhte chu an lo thangharh anga, thenkhat chu chatuan nunaah,thenkhat zahna leh chatuan hmuhsitawmnaah.

³Tin, a fingate chu van eng angin an eng ang a, mi tam tak felnaa hawi kirtirtute chu arsi angin kumkhaw tlaitluanin an eng ang.

⁴Mahse nang aw Daniel, thu chu thup la, lehkhabu chu char tlat rawh, tawpna hun thlengin: mi tam tak an tlan vel ang a, hriatnate a pung dawn a ni, a ti a.

⁵Tin, kei Daniela chuan ka han en a, ngai teh, midang pahnih an lo ding a, pakhat chu lui kam ko lehlamah.

⁶Tin, tuin emaw, mi, puan zaisina inthuam, luipui chunga awm hnenah chuan, Heng thilmak tawpna hi eng chen nge ni ang? a ti a.

⁷Tin, mi, puanzaisina inthuam, luipui tui chunga awm chuan a kut dinglam leh akut vei lam van lama phar chhuakin, Hun khat leh hunte leh hun chanve chhung a ni ang; mi thianghlimte thiltihtheihna chu an tikeh sawm zawh hunah he'ng thil zawng zawng hi a kin ang,' tia nung kumkhuaa chhalin chhia a chham ka hria a.

⁸Hriat chu ka hria a, angaihna erawh chu ka hre lo; tichuan kei chuan, Aw ka lalpa, he'ng thil tawpna chu eng nge ni ang? ka ti a.

⁹Tin, a ni chuan, Daniel, kal mai rawh, thu chu thup leh char tlat a ni ta e, tawpna hun thlengin.

¹⁰Mi tam tak chu an intithianghlimin a intivar ang a, an lo tha ang; mahse mi suaksualte chuan sual takin an ti ang a, mi suaksual tumahin angaihna an hre lo vang; mifingte erawh chuan angaihna an hria ang.

¹¹Tin, halral thilhlan awmfo te lakbo anih atiuauna tenawm dintir a nih hun atang chuan, ni sangkhat leh zahnih leh sawmkua ani ang.

¹²Nghak hram hrama, ni sangkhat leh zathum leh sawmthum leh panga thleng zo chu a eng a thawl e.Mahse nang chu tawpna thleng chuan kal rawh: nite tawpnaah chuan i chawl ang a, i chan tawkah chuan i awm ang, a ti a.

¹³Mahse nang chu tawpna thleng chuan kal rawh: nite tawpnaah chuan i chawl ang a, i chan tawkah chuan i awm ang, a ti a.