Read Baibul, Mizo Daniela 2 Bible Online

Daniela 2 - Baibul, Mizo bible

Daniela 2

¹Tin, Nebukadnezzara rorel kumhnih naan chuan Nebukadnezzara chuan mumang a nei a; a rilru a lo buai zo ta a, a muhil thei ta lo a.

²Tichuan, lal chuan a mumang chu amah hrilh turin dawivaihthiamte, aikaihthiamte, dawithiamte, Kakdai mite koh thu a pe a. Tichuan, an lo kal a, lal hmaah chuan an ding a.

³Tin, lal chuan an hnenah, Mumang ka nei a, chu mumang chu hre turin ka rilru a buaizo ta a," a ti a.

⁴Kaldai mite chuan, suria tawngin, lal hnenah chuan, Aw lalber, kumkhua in dam ang che: i mumang chu i chhiahhlawhte hi hrilh la, tin, a hrilhfiahna chua ka entir dawn che nia," an ti a.

⁵Lal chuan kaldai mite chu a chhang a, an hnenah Ka hnen atangin thu chu a chhuak tawh a lawm, mumang leh a hrilhfiahna chu ka hnenah in tih lan loh na chuan sah sawm in ni ang, in inte pawh hnawmhnawka siam a ni mai ang.

⁶Mumang leh a hrilhfiahna intihlan erawh chuan ka hnen ata thilpek leh chawimawina ropui tak in hmu ang: chuvangin mumang leh a hrilhfiahna chu mi entir rawh u," a ti a.

⁷Anni chuan an chhang leh a, Lal chuan chu mumang chu a chhiahhlawhte hi min hrilh se la, tin,a hrilhfiahna chu ka entir a nge," an ti a.

⁸Lal chuan a chhang a, Hun in tisei lui mai mai dawn ani tih chiang takin ka hria;

⁹ka hnen atangin thu chu a chhuak tawh tih in hria e, ka hnena mumang chu in tih lan loh na chuan in tan dankhat chauh a awm: dawtsawi kual a, ka hmaa sawitur dawt thu leh thu tlaktlai lo in buatsaih a nih hi: chutichuan mumang chu min hrilh rawh u, tin, a hrilhfiahna pawh chu min entir thei tih ka hria ang,''a ti a.

¹⁰Kaldai mite chuan lal chu an chhang a, Lal thil phut hi entir thei tur mipakhatmah lei chungah an awm lo e: lal te, hotu te, roreltu te tumah rengin hatiang thil hi dawivaihthiam emaw, aikaihthiam emaw, kaldai mi emaw an la zawt ngai si lo.

¹¹Tin, lal thil phut hi thil khirh tak a ni a, tisaa khawsa lo pathiante tih chauh lo chu entir thei tur tumah an awm lo e,'' an ti a.

¹²Chuvang chuan lal chu a thinrim em em a, a kawlh ta hle mai a, Babulon mifing zawng zawng chu tihboral vektur thu a pe ta a.

¹³Chutichuan thupek chu a chhuak ta a, mi finghote chu tihhlum tur an ni ta a; tin, Daniela leh a thian te pawh tihhlum turin an zawng a.

¹⁴Tin, Daniela chuan Babulon mifingte tihhlum tura kal chhuak, Arioka, lal vengtu pawl hotu chu remhre tak lah fing takin a chhang a;

¹⁵lal vengtu pawl hotu Arioka hnenah chuan, Eng tizia nge lal thupek chu chuti ema a hmanhmawh le?'' tiin a chhanga. Tin, Arioka chuan Daniela chua a hrilh ta a.

¹⁶Tin, Daniela chu a lut a, lal chu a hrilhfiahna a entir theihna'n hun kian turin a ngen a.

¹⁷Tichuan, Daniela chu a in ah ahawnga, chu thil chu a thian Hanania te, Misaela te, Azaria te ahrilh a:

¹⁸Babulon mifing dangte zinga Daniela leh athiante chu an boral ve lohna'na he thu inthup chungchangah hian van pathian lkawngaihna an dilna turin.

¹⁹Tin, chu thi inthup chu zan inlarnaah Daniela hnenaah a lang ta a. Tin, Daniela chuan van pathian chu a fak a.

²⁰Daniela chuan, Pathian hming chu kumkhaw tlaitluanin fakin awm rawh se: Finna leh thiltihtheihna a ta a ni si a:

²¹Hunte leh hunbite a ti danglam a: Lalte a sawn bo a, lalte a tungding a: Mifing hnenah a finna a pe a, Hrethiamtu hnenah hriatna a pe a:

²²Thil thuk leh thil inthupte a tilang a: Thima awm pawh a hria a, a hnenah chuan eng a cheng a.

²³Aw ka thlahtute pathian, finna leh theihna min petu, i lak ata ak thil dil tuna min hriattir tu chu. Lawmthu ka hrilhin ka fak a che: Lal thil chu min hriattir tawh si a,'' tiin a sawi a.

²⁴Chutichuan Daniela chu Babulon mifingte tiboral tura lalina ruat Arioka hnenah chuan a va kal a, a hnenah chuan, Babulon mifingte chu tiboral suh: Lal hmaah chuan mi hruai la, lal hnenah chuan a hrilhfiahna ka entir a ng e,'' a va ti a.

²⁵Tin, Arioka chuan Daniela chu hmanhmawh takin la hmaah a hruai ta a, a hnenah, Juda sal fate zingah lal hnena a hrilhfiahna hriattirtu tur mi pakhat ka hmu ta,'' a ti a.

²⁶Lal chuan Daniela, a hming Beltesazzara hnenah chuan, Mumang ka neih leh a hrilhfiahna chu ka hnenah mi hriattir thei em ni?''a lo ti a.

²⁷Daniela chuan lal chu a chhang a, a hnenah Thil inthup, lal in hriat a duh chu, mi fingte, aikaihthiam te, dawivaihthiamte, aisanthiamte chuan lal hnenah an entir thei lo a;

²⁸mahse thil inthupte puangtu Pathian chu vanah a awm a, lal Nebukadnezzara hi tun hnua thil lo la awmtur te chu a hriattir a nih hi. I mumang leh i khum laizawla i lu-a inlarna te chu he'ng hi a ni:

²⁹Aw lalber, nang chuan i khum laizawlah chuan tun hnua thil lo awm turte i ngaihtuah a, thil inthupte puang thintu chuan tun hnua thil lo la awm turte chu a hriattir che a ni a.

³⁰Tin, kei hian midang te aia finna ka neih bik avanga he thil inthup i ka hnena puan a ni lo a, lal hnenah a hrilhfiahna hriattir turin a ni zawk e, i thinlunga i ngaihtuahte chu i hriat theihna'n

³¹Aw lalber, i han dak chhuak a, ngaiteh, milim ropuitak a awm a. Chu milim hrawlpui, tle em em mai chu, i hmaah a ding a; a landan pawh tihbaiawm tak a ni.

³²Chu milim chu a lu rangkachak thianghlim tak a ni a, a awm leh a bante chu tangkarua, a pum leh a malpui te dar,

³³a kete thir, a kephah chu a then thir, a then bellei a ni a.

³⁴Nang chuan lung, kut loa laihchhuah i thlir reng laiin milim chu a kephah thir leh belleiah chuan a han delh a, a tikeh sawm ta vek a.

³⁵Tichuan, thir te, bellei te, dar te, tangkarua te, rangkachak te chu a rualin an keh sawm ta vek a, nipui lai hrui zawla buhsi ang mai an lo ni ta a: tin thliin anmahni a len bo va: tin, milim delhtu lung chu tlang lian takah a lo chang a, lei pum hi a khat ta a.

³⁶Hei hi mumang chu a ni a; tin, a hrilhfiahna chu lal hmaah hian kan han sawi leh ang e.

³⁷Aw lalber, nang hi lalte lal, van Pathian in ram te, thiltihtheihna te, chakna te, ropuina te a pek a chu i ni a;

³⁸chuvangin khawiah pawh mihring fate awmna apiangah ramsa te, chungleng sava te, i kutah a pe a, an zaa chungah rorel turin a siam chia: rangkachak lu chu nang hi i ni.

³⁹Tin, i hnuah hian ramdang, nang aia tenau zawk a lo ding ang; tin, dar ram thumna, lei chung zawng zawnga rorel tur chu a awm leh ang.

⁴⁰Tin, ram lina chu thir anga khauh a ni ang: thir chuan a tikeh sawmin thil zawng zawng a hneh thin ang hian: tin, thirin thil zawng zawng a tikeh ang bawkin a ni chuan a tikeh sawmin a rawtdip ang.

⁴¹Tin, a kephah leh a zungtang te chu, athen belvawtu hlum, athen thir nia i hmuh ang ngei khan.

⁴²Tin, a kezungtang a then thir, a then hlum a nih ang bawk khan ram chu athen ah chuan achak ang a, athenah chuan a chhe awl ang.

⁴³Tin, thir leh hlumnem inpawlh i hmuh ang ngei khan anni chu mihring chiin an inpawlh ang a; mahse thir leh hlum a inpawlh tak tak thei lo ang bawk in an inzawm reng thei lo ang.

⁴⁴Tin, chung lalte niah chuan van Pathianin ram a rawn din ang a, chu chu a chhe ngai tawh lo ang a, a lalna pawh midangte tan hnutchhiah a ni hek lo ang; he'ng ram zawng zawng te hi a tikeh sawmin a tiral zawk ang a, kumkhuain a ding reng ang;

⁴⁵tlang ata lung, kut loa laih chhuahin thir te, dar te hlum te, tangkarua te, rangkachak te a tikeh sawm i hmuh ang ngei khan. Pathian ropui tak chuan lal hnenah hian tun hnua thil lo awm tur chu a puang a ni e: tin, mumang chu a tak ngei a, a hrilhfiahna pawh a dik ngei a ni,'' a ti a.

⁴⁶Tichuan, lal Nebukadnezzara chu a bawkkhupa, Daniela chu chibai a buk a, a hnenah chuan thilhlan leh rimtuite rawn hlan turin thu a pe a.

⁴⁷Lal chuan Daniela chu a chhang a, a hnenah, He thil inthup i puan theihziah hian in pathian chu pathian te pathian, lalte Lal, thilinthup puangtu a lo ni ngei mai e,'' a ti a.

⁴⁸Tichuan lal chuan Daniela chu a siamlian a, thil pek ropui tam tak a pe a, Babulon ram pumpui a rorel tur leh Babulon mifingte zawng zawng chnga hotu ber ni ber ni turin a siam a.Tin, Daniela dil angin la chuan Sadraka te,Mesaka te, Abednagoa te chu Babulon bial chungchanga hotuah a dah a, Daniela erawh chu lalber rorelnaah chuan a awm ta a.

⁴⁹Tin, Daniela dil angin la chuan Sadraka te,Mesaka te, Abednagoa te chu Babulon bial chungchanga hotuah a dah a, Daniela erawh chu lalber rorelnaah chuan a awm ta a.