Read Baibul, Mizo Daniela 3 Bible Online

Daniela 3 - Baibul, Mizo bible

Daniela 3

¹Lal Nebuadnezzara chuan rangkachak milim, a sanlam tawng sawmruk, a hlai lam tawngruk a siam a, Babulon biala Dura phaizawlah a dintir a.

²Tin, lal Nebukadnezzara chuan thuneitute, aiawhtute, awptute, roreltute,sum enkawltute, remruattute, dan hre mite leh ram bial rorel tu zawng zawng chu lal Nebukadnezzara milim din hlannaa lo tel tur chuan a chah khawm a.

³Tin, thuneitute, aiawhtute, awptute, roreltute, sum enkawltute, remruattute, dan hre mite leh ram bial rorel tu zawng zawng te chu lal Nebuadnezzara milim din serh naah chuan an rawn inkhawm a, lal Nebukadnezzara milim din hmaah chuan an ding hlawm a.

⁴Tin,ring takin tlangau a lo au a, Aw, mitin te u,hnam tinte u, tawng tin te u,

⁵tawtawrawt te, phenglawng te, tingtang te, sakbut te, tingtang pui te, baja te leh ri thei chi zawng zawng in hriat hunah lal Nebukadnezzara rangkachak milim din chu bawkkhupa chibai buk turin thupek in ni e:

⁶tin, tupawh bawkkhupa chibai buk lo chu, chumi lai la la chuan rawhtuina meipuia paih luh tur an ni ang," tiin

⁷Chuvang chuan chumi laia mipui zawng zawngin tawtawrawt te, phenglawng te, tingtang te sakbut te, tingtang pui te leh ri thei chi zawng zawng an han hriat chuan mitinte, hnamtin te, tawng tinte zawng zawng chuan lal Nebukadnezzara rangkachak milim din chu bawkkhupin chibai an buk ta a.

⁸Tin, chumi lai chuan Kaldai mi thenkhatte an lo hnai a, Juda mite chu an rawn hek a.

⁹Lal Nebukadnezzara hnenah chuan, Aw lalber, kumkhuain dam ang che.

¹⁰Nangin, aw lalber, mi tupawh tawtawrawt te, phenglawng te tingtang te,sakbut te tingtang pui te, baja te leh ri thei chi zawng zawng hria apiang chuan bawkkhupin rangkachak milim chibai an buk tur a ni;

¹¹tin, tupawh bawkkhupa chibai buk lo apiang rawhtuina meipuia paih luh an ni ang, tiin thupek i siam a.

¹²Juda mithenkhat Babulon ram bial chungchanga hotua i siam Sadraka te, mesaka te, Abednagoa te kha an awm a, he'ng mite hian, aw lalber, an pawisa lo che a ni: i pathian te rawng an bawl lo a, rangkachak milim i din chu chibai an buk hek lo,'' tiin an sawi a.

¹³Tichuan, Nebukadnezzara chuan thinur leh thintawt takin Sadraka te, Mesaka te, Abednagoa te chu rawn hruai tur thu a pe a.

¹⁴Tin, he'ng mite hi lal hmaah chuan an rawn hruai a.

¹⁵Nebukadnezzara chuan a chhal a, an hnenah, Aw Sadrak, Mesak, Abednago, ka pathian rawng bawl lo a, ka rangkachak milim din chibai b�k loh hi in tum reng em ni?

¹⁶Tunah hian tawtawrawt te, phenglawng te, tingtang te, sakbut te tingtang pui te, baja te leh rithei chi zawng zawng in hriat huna bawkkhupa ka milim siam chibai buk tur in nih tawh chuan a tha e: chibai in buk loh erawh chuan chu mi lai la la chuan rawhtuina meipuia paih luh in ni ang: ka kut ata chhanchhuak tur che u pathian chu tu a ni nge?'' a ti a.

¹⁷Sadraka te, Mesaka te, Abednagoa te chuan lal chu an chhang a, a hnenah, Aw Nebukadnezzar, he thu ah hian kan chhan che pawh a ngai lo e.

¹⁸Kan Pathian, a rawng kan bawl thina chuan rawhtuina meipui ata min chhanchhuak thei si a, i kut ata pawh, aw lalber, min chhanchhuak mai ang.

¹⁹Chuti lo pawh ni se la, aw lalber, i pathian rawng chu kan bawl dawn lo a, i rangkachak milim din pawh chu chibai kan buk hek lo ang, tih hi hria ang che,'' an ti a.

²⁰Tichuan, Nebukadnezzara chu a thin a tawt ta em em a, Sadraka te, Mesaka te, Abednagoa te lakah chuan a hmel landan a dang zo ta a; rawhtuina mei chu a sat dan pangai let sariha tisa turin thu a pe a.

²¹Tin, a sipai rual zinga mi chak thenkhat te chu Sadraka te, Mesaka te, Abednagoa te phuar tur leh rawhtuina meipuia theh lut turin thu a pe a.

²²Tichuan, he'ng mite hi an kawrfualte, an kawrhnuaite, an diar te leh an silhfen dang te chawpa phuarin rawhtuina meipuia theh luh an ni ta a.

²³Tichuan, lal thupek a chu hmanhmawh em avang leh rawhtuina mei chu a sat khawp a vangin Sadraka te, Mesaka te, Abednagoa te chawikang tu te chu meialh chuan a tihlum ta hlawm a.

²⁴Tin, he'ng mipathum Sadraka te, Mesaka te, Abednagoa te hi phuar chungin rawhtuina meipui laiah chuan an tlu reng a.

²⁵Tichuan, lal Nebukadnezzara chuan mak a ti a, hmanhmawh takin a tho a, a remruatpuitute hnenah chuan, Mi pathum te kha phuarin meiah kan thehlut a ni lawm ni kha?'' tiin a sawi a. Lal chu an chhang a, a hnenah, Aw lalber theh lut e,'' an ti a.

²⁶Ani chuan, Ngai teh u, mi pali phelha mei laia vei vei a, na hauh loin ka hmu a, a palina landan phei chu pathiante fapa ang a ni,'' a ti a.

²⁷Tichuan, Nebukadnezzara chu rawhtuina meipui kawngkaah chan a lo kal hnai a, Sadrak, Mesak, Abednago, nangni chungnungbera Pathian bawihte u, lo chhuak u la, hetah lo kal rawh u,'' tiin a han bia a. Tichuan, Sadraka te, Mesaka te Abednagoa te chu mei zing ata chu an lo chhuak ta a.

²⁸Tin, thneitute, aiawhtute, awptute leh lal remruatpuitute rawn in khawm chuan, he'ng mite taksa chungah hian meiin thiltihtheihna a nei lo a, an sam pawh a kang kir hek lo, an kawrfualte a danglam hek lo a, meirim reng reng pawh an nam hek lo, tih an hmu a.

²⁹Lal Nebukadnezzara chuan thu a sawi a, Sadraka te, Mesaka te, Abednagoa te pathian chu fakin awm rawh se; ani chuan a vantirhkoh a rawn tir a, a chhiahhlawh a mah ringtute chu a chhanchhuak a, chung mite chuan an pathian chauh lo chu pathian dang reng rawng an bawl loha chibai an buk lohna'n lal thupek tidanglamin an taksa an hlan ngam a.

³⁰Chuvangin mitin, hnamtin, tawngtin, Sadraka te, Mesaka te, Abednagoa te pathian chunga thu tha lo sawi apiang chu sah sawm an ni ang a, an in te chu hnawmhnawka siam a ni mai ang tih thupek ka siam e: hetiang taka chhanchhuak thei pathian dang reng reng an awm si lo,'' a ti a.Tichuan, lal chuan Sadraka te, Mesaka te, Abednagoa te chu Babulon bialah chuan a tilian ta a.

³¹Tichuan, lal chuan Sadraka te, Mesaka te, Abednagoa te chu Babulon bialah chuan a tilian ta a.