Read Baibul, Mizo Daniela 4 Bible Online

Daniela 4 - Baibul, Mizo bible

Daniela 4

¹Lal Nebukadnezzara chuan, mi tinte, hnam tinte, tawng tinte zawng zawng, lei pum puia chengte hnenah chuan, in chungah remna tihpunin awm rawh se.

²Chungnungber pathianin ka hnena thil entirnate, thilmakte a tih tak hi tihlan tha ka ti e.

³A thil entirnate chu a ropuiin, a thiltihmakte chu a va nasa em! A ram chu ramhlun a ni a, a rorelna chu chhuanawm chhung zawng zawng a ni ang.

⁴Kei, Nebukadnezzara ka inah nuamsa tak leh ka in ropuiah neinung takin ka awm a.

⁵Mumang ka hlauhzawng tak ka nei a; ka khum laizawla ka suangtuahna leh ka lu-a inlarna chuan mi tibuai a.

⁶Chuvang chuan Babulon mifing zawng zawngte chu ka mumang hrilhfiahna mi hriattir theihna'n ka hmaa rawn hruai turin thu ka pe a.

⁷Tichuan, dawivaihthiamte, aikaihthiamte, kaldai mite, aisanthiamte chu an lo kal a; tin, ka mumang chu ka hrilh a, mahse a hrilhfiahna reng chu min hriattir lo a.

⁸Mahse a tawp berah chuan Daniela, ka pathian hming ang pu, a hming Beltesazzara, amah pathian thianghlimte thlarau awm chu ka hmaah a lo kal a: tin, ka mumang chu ka hrilh a,

⁹Aw Beltesazzara, dawivaihthiamte hotu, nangmahah chuan pathian thianghlimte thlarau a awm tih leh thuruk reng rengin a tibuai lo che tih ka hriat avangin, ka manga ka hmuh inlarna leh a hrilhfiahna chu min hrilh teh khai.

¹⁰Ka khum laizawla ka lu-a inlarnate chu hetiang hi a ni: Ka han dak chhuak a, ngai teh, lei lai takah thing a lo awm a, a sanzia chu nasa chu a nasa khawp mai a.

¹¹Thing chu a thang a, a tantha a, a sanlam chuan van a tawng a, kawlkil atangin a lang thei vek a.

¹²Ahnah te chu a mawiin a rahte a tam a, amahah chuannung zawng zawng tan eitur a awm a: ramsate chuan a hlim an bel a, chungleng savate chu a zarahte an cheng a, tissa pu zawng zawng chu ama chawm an ni.

¹³Ka khum laizawla ka lu-a inlarnaah chuan ka han en a, ngaiteh, van atangin vengtu, mi thianghlim chu a lo chhuk a,

¹⁴ring takin, 'Thing chu kit la, a zarte chu hlawi la, a hnahte thing thla la, a rahte tidarh rawh: a hnuai ata ramsate chu kal bo se la, a zar ata chungleng savate pawh thlawk bo rawh se.

¹⁵Amaherawhchu, ram hlobet to zingah, leia a bulbawr chu, th�r leh dara tawnin, zuah la; tin, van daiin huh se la, a chan tur chu ramsa te nena hlobet z�nga awm ni rawh se:

¹⁶a rilru chu mihring rilru atanga tihdanglam nise, a hnenah ramsa rilru pek ni rawh se: a chungah hun sarih ral rawh se.

¹⁷Thu tlu hi vengtute thuipeka tih a ni a, thil phut hi mithianghlimte thua tih a ni a, chungnungbera chuan mihringte lalna ram chungah thu a nei a, a duhsak apiang a pe a, mi hnuaihnung berte pawh a luahtir thin a ni tih minungin an hriatna'n a ni;' tiin a au a.

¹⁸He mumang hi kei, lal Nabukadnezzaran ka nei a, tin, nang aw Beltesazzar, a hrilfiahna chu puang rawh. Ka rama mi fingte zawng zawng chuan a hrilhfiahna chu mi hriattir thei si lo a; nang erawh chuan i thei e, nangmahah chuan pathian thianghlimte thlarau chu a awm si a,'' tiin.

¹⁹Tichuan, Daniela, ahming Beltesazzara chu a han chi-ai hle rih a, a ngaihtuahte chuan a tibuai a. Lal chuan a hnenah, Beltesazzar, mumang emaw, a hrilhfiahna emaw pawhin tibuai che suh se,''tiin a sawi a. Beltesazzara chuan a hnenah, Ka lalpa, mumang chu a hawtu che tan ni se la, a hrilhfiahna pawh chu i hmelma te t6n ni rawh se.

²⁰Thing i hmuh, lo thang a, lo tanthaa, van lo tawnga, kawlkil atanga lang thei vek leh

²¹a hnahte mawia, a rahte tama, nung zawng zawng tana ei tur awm leh a hnuaia ramsate chenga, a zarte chunglenf savate chenna lo ni chu,

²²aw lalber, nangmah i ni a; i thanga, i chak a, i rorelna te chu kawlkil thleng a ni si a.

²³Tin, van atanga vengtu mithianghlim lo chhuka, Thing chu kit la, tiboral rawh; amaherawhchu ram hlobet to zingah, leia bulbawr chu thir leh dara tawnin zuah la; tin, van daiin huh se la, a chan tur chu ramsate nena awm ni rawh se, a chunga hun sarih a ral thlengin, rawn ti lalin a hmu a;

²⁴tin, a hrilhfiahna chu heihi a ni, aw lalber, Chungnungbera thupek, lalber ka lalpa chunga lo thleng chu a ni e:

²⁵mihring zing ata hnawhchhuah i ni ang a, i chenna chu ramsate zingah a ni ang a, sebawng ang a hlobet eitir i ni ang a, van daiin i huh ang a, i chungah hun sarih a ral ang; Chungnungbera chuan mihringte lalna ram chungah thu a nei a, a duhsak apiang a pe thin a ni tih i hriat hma loh chuan.

²⁶Tin, a bulbawr zuah tura thu an lo pek ang khan, vanin thu a nei tih i hriat hnuah chuan i ram chu i ta a ni tlat ang.

²⁷Chuvang chuan, aw lalber, ka thu rawn che hi pawmtlak ah ngai la, i sualna chu felnain thlak la, i suahsualnate chu mirethei chunga zahngaihnain thlak rawh, i nunkhawnawmna hi a sei thei deuh mahna," tiin a chhang a.

²⁸Heng zawng zawng hi lal Nebukadnezzara chung ah a lo thleng a ni.

²⁹Thla sawm leh thla hnih tawpah chuan Babulon lal in chungah lal chu a vei a vei a.

³⁰Lal chuan, He Babulon ropui hi keima chakna ngeia lal chenna hmun atan leh ka ropuina maawina tura ka siam chu a ni lo em ni? tiin a sawi a.

³¹Chu thu chu lal kaa a chhuah lai mekin, van atangin aw a lo chhuka, Aw lal Nebukadnezzar, i hnenah thu a lo thleng e: lalna ram chuan a thansan ta che a ni.

³²Mihring zing ata hnawhchhuah i ni ang a, i chenna chu ramsa te zingah a ni ang: sebawng anga hlobet eitir i ni ang a, i chungah hun sarih a ral ang; chungnungbera chuan mihringte lalna ram chungah thu a nei a, a duhsak apiang hnenah a pe thin a ni, tih i hriat hma loh chuan,'' tiin.

³³Chumi lai la la chuan thil chuNebukadnezzara chungah a lo th1leng ta nghal a;mihring zing ata hnawhchhuah in a awm ta a, sebawng angin hlobet a ei a, a taksa chu van daia huh in a awm a, a samte mupui hmul anga athan leh a tinte sava tin ang mai a nih thlengin.

³⁴Tin, chung ni tawpah chuan kei, Nebukadnezzara chuan van lamah ka mit ka len chho a, ka hriatna chu ka hnenah a lo kirleh ta a, chungnungbera chu mal ka sawm a, nung renga chu ka fak a, ka zah a, a rorelna chu chatuan rorelna a ni a, a ram chu chatuan awmchhung zawng zawng a ni si a:

³⁵tin, leilung luahtu zawng zawngte hi engmah lo va ngaih an ni a: van sipai rualte zingah leh leilung luahtute zingah chuan a thu thuin a ti a, tumahin a kut chu an chawlhtir thei lo a, a hnenah, Nangin enge i tih?'' pawh an ti thei hek lo.

³⁶Chutih lai vek chuan ka hriatna chu ka hnenah a lo kir leh ta a; tin, ka ram ropuina turin ka ropuina leh mawina chu ka hnenah a lo kir leh a; tin, ka remruatpuitute leh ka miropuite chuan mi rawn pan leh a, ka ram ah chuan tihnghehin ka aawm a, ropuina nasa tak mai ka hnenah belhchhah a ni ta a.Tichuan, kei Nebukadnezzara hian van lal chu ka fak a, ka chawisang a, ka zah a;a thiltih zawng zawng chu a dikin a kawng te chu a fel si a: chapova lengte chu a tihniam thei a ni.

³⁷Tichuan, kei Nebukadnezzara hian van lal chu ka fak a, ka chawisang a, ka zah a;a thiltih zawng zawng chu a dikin a kawng te chu a fel si a: chapova lengte chu a tihniam thei a ni.