Read Baibul, Mizo Daniela 8 Bible Online

Daniela 8 - Baibul, Mizo bible

Daniela 8

¹Lal Belsazzara rorel kum thumnaah chuan ka hnenah, kei Daniela hnen ngeiah hian inlarna a lo lang a, atira ka hnena lo lang hnuah khan.

²Tin, inlarnaah chuan hmuh ka nei a; hetiang hi a ni a, ka hmuh lai chuan Elam biala Susan lal inah ka lo awm a; tin, inlarnaah chuan hmuh ka nei a, Ulai lukamah ka lo awm a.

³Tichuan, ka mit ka han len chho a, ka han en a ngai teh, lui bulah chuan berampa, ki pahnih nei hi a ding a: tin, ki pahnihte chu an sang dun hle a; mahse pakhat chu a dang ai chuan a sang zawk a, a sang zawk a chu a lo chawr hnuhnung a.

⁴Berampa chuan thlanglam leh hmarlam leh chhimlam phinin ka hmu a; a hmaah chuan sa reng reng ding thei an awm lo a, a kut ata chhanchhuak thei an awm hek lo; a duh ang angin a che a, amah a intilian a.

⁵Tin, ka ngaihtuah mek laiin, ngaiteh, khaw lam atangin lei pumpui chungah hian kelpa a lo thawk a, lei pawh a khawih lo: tin, kel chuan a mit inkarah hian ki langsar tak hi a nei a.

⁶Tin, berampa ki pahnih nei, lei bula ding ka hmuh kha a rawn pan a, a chak theihtawpin a zuan a.

⁷Tin berampa chu a fin rawkin ka hmu a, a chungah a thinur em em a, berampa chu a tauh a, a ki pahnih chu a tihtliahsak a, amah khing turin berampaah chuan chakna reng reng a awm ta lo: leiah a theh thlu a, a rap bet a, berampa chu a kut ata chhan chhuak thei reng reng an awm lo.

⁸Tin, kelpa chu a intilian ta vak mai a; a lo chak lai tak chuan a ki ropui chu a tliak ta a; tin, a aiah chuan ki langsar tak pali, kawlkil li hawiin an lo chhuak a.

⁹Tin, an zinga pakhat ah chuan ki te tak te a lo peng chhuak a, chhim lamah te, chhak lamah te, ram ropui lamah te nasa takin a lo thang lian a, chung awmho thenkhat te leh arsi thenkhat te chu leiah a paih thla a, a rapbetta hlawm a.

¹⁰A ni, chung awmho lal thleng hialin a intilian a, halral thil hlan awm fo chu a lak bo sak a, a hmun thianghlim awmna chu tihchhiatin a awm a.

¹¹Tin, chung awmho chu halral thil hlan awm fo chawp chuan, bawhchhiatna avangin, a hnenah pek a ni a; tin, thutak chu leiah a paih thla a, chutiangin a ti a , a hlawhtling hle.

¹²Tin, mi thianghlim tawng ka hria a; tin, mi thianghlim dangin tu emaw lo tawng a hnenah khan, Halral thilhlan awm fo te, titiautu bawhchhiatna te, hmunthianghlim leh awmho chu rahbeh tura pek an nih te chungchanga inlarna chu engtia rei nge ni dawn? a ti a.

¹³Tin, a hnenah Zing leh tlai sanghnih leh zathum thlengin; tah chuan hmun thianghlim chu thenfai a ni ang, a ti a.

¹⁴Tin, heti hi a ni a, kei Daniela ngei hian inlarna chu ka hmuhin a awmzia hriat ka tum a; tin, ngai teh, ka hmaah chuan mihring anga lang hi a lo ding a.

¹⁵Tin, Ulai kam tuak inkarah chuan mihring aw, Gabriel, inlarna chu he mi hi hriat thiamtir rawh, tia han ko hi ka hria a.

¹⁶Chutichuan, ka dinna chu a rawn hnaih a; tin, a lo kal chuan ka hlau em a, bawkkhupin ka tlu a: mahse a ni chuan ka hnenah, Aw mihring fapa, hre thiam ang che, inlarna chu tawpna hun a mi tur a ni si a, a ti a.

¹⁷Tin, mi biak lai chuan bawkkhupin ka lo muhil der a: mahse min han khawih a, min dintir a.

¹⁸Ani chuan, Ngai rawh, thinurna hunhnuhnung lama thil lo awm tur chu ka ti hria ang che: tawpna hun ruata mi a ni si a.

¹⁹Berampa, ki pahnih nei i hmuh kha Media leh Persia lal an ni a.

²⁰Tin, kelpa hmul chhur mai chu Grik lal a ni: tin, a mit inkara ki ropui chu lal hmasaber a ni.

²¹Tin, kha ki, tliaka a hmuna pali lo chhuak kha chu, chu hnam atang chuan ram li a lo ding chhuak dawn, tihna a ni, a thiltihtheihna nen erawh chuan ni loin.

²²Tin, an lalna hun hnuhnung lama bawhchhetuten an vawrtawp an thlen hunah chuan, lal hmel hlauhawm tak, thu khirhkhan thim mi a lo chhuak ang.

²³Tin, a thuneihna a chak em em ang a, ama thlitihtheihna ngei avang erawh chu ni loin; mak takin a tichhia ang a, a hlawhtling ang a, chutiangin a ti ang; tin, michak te leh mithianghlim te chu a tichhia ang a.

²⁴Tin, a thiltih dan avangin vervekna a kutah a tihhlawhtling ang; a thinlungah amah a intilian ang a, ngaihtha taka an awm laiin tam tak a tichhia ang: Lal te lal a khing ang a mahse kut loa tih tliahin a awm ang.

²⁵Tin, zing lam leh tlai lam inlarna, sawi tawh a kha, a dik a ni: mahse inlarna chu ngawihpui rawh, ni tam tak hnua mi tur a ni si a, a ti a.Tin, kei Daniela chu ka chau a; tin, ka tho a, lal chu mak ka ti em em mai a, mahse tuma'n an hre thiam lo.

²⁶Tin, kei Daniela chu ka chau a; tin, ka tho a, lal chu mak ka ti em em mai a, mahse tuma'n an hre thiam lo.