Read Baibul, Mizo Hosea 10 Bible Online

Hosea 10 - Baibul, Mizo bible

Hosea 10

¹Israel chu grep hrui duah tak, rah ngah tak a ni a: A rah tam hu ang zelin a maicham te a tipung a; A ram thatzia ang zelin lungserhphun tha tak a siam a.

²Rilru pahnih an nei a, Tunah chuan thiam loh changin an awm tawh ang. An maichamte chu LALPA'n a vaw chim ang a, An lungserhphunte chu a tichhia ang.

³Lal taktak kan nei lo e, LALPA chu kan tih si lo va: Chu lal chuan eng nge min tih sak theih ang? tiin Tunah chuan an sawi tawh ngei ang.

⁴Thuthlung an siamna lamah dawta chhechhamin Thu lawilo an sawi a: Chuvangin, leileh dura hnim tur nei a to angin, Rorelna a pung a ni.

⁵Samari rama chengte chu Beth-even sebawng no avang chuan thlaphangin an awm ang: A lak ata a bo tak avangin chumia mite chu an lungngai ang a, Chumia puithiamho a ropuina chunga la lawm thin te pawh.

⁶Amah ngei pawh chu lalber Jereba hnena pek turin Assuria ramah kalbopui a ni ang:Ephraim chuan zah a hmu ang a, Israel chuan ama thurawt ngei chu a zahpui ang.0:7 Samari ram lah chu, tui chunga thingtang nawi ang mai hian A lal chu tihboral a ni a.

⁷Israel sualna Aven hmun sangte pawh chu tihchhiat a ni ang a: An maichamah te chuan hling leh hnimhling nei a lo to ang a; Tlang hnenahte chuan, Min khuh rawh an ti ang a, Mual hnenahte chuan, Min delh rawh an ti ang.

⁸Aw Israel, Gibea ni atang tawh khan i sual a ni: Chutah in la chhunzawm a; Khawlohna fate chunga dona chuan Gibea ngeiah chuan a um phak hlawm lo ang maw?

⁹Ka duh hunah chuan anmahni ka hring ang a; Tin, an bawhchhiah thuah hnih avanga hrem an nih hunah chuan An chungah mipuite chu an pungkhawm ang.

¹⁰Tin, Ephraim chu bawngla zirtir rawh, Buh chil chak tak a ni a; Mahse kei ngei hian a nghawng mawi takah chuan Nghawngkawl ka bahtir tawh ang a, Ephraim chungah mi ka chuantir ang a, Juda pawh chuan lei a let ang, Jakoba chuan lei tlangte chu a ti sawm ang.

¹¹Mahni tan felna tuh u la, Khawngaihna seng rawh u; In lei khekte let u la, LALPA zawn hun a ni a, A lokala malsawmna a vur hma che u chuan.

¹²Mahse suahsualna in tuha, Khawlohna in seng a: In dawtsawi rah in nei a ni.

¹³Chuvang chuan i mite zingah buai mum mumna a lo chhuak ang a, Salmana chuan indo nia Beth arbel a tihchhiat ang khan I kulh zawng zawngte chu tihchhiat a ni ang; Nu chu fate nen paih sawmin an awm a ni.Nangni Bethel mite u, In sual nasa tak avangin Chung thil chu in chungah a lo thleng dawn, Israel lal pawh khawfing chah hmain a boral ang.

¹⁴Nangni Bethel mite u, In sual nasa tak avangin Chung thil chu in chungah a lo thleng dawn, Israel lal pawh khawfing chah hmain a boral ang.