Read Baibul, Mizo Hosea 11 Bible Online

Hosea 11 - Baibul, Mizo bible

Hosea 11

¹Israel hnam chu a naupan lai ata tawh ka hmangaih a, Aigupta ram ata ka fapa atan ka ko chhuak a ni.

²Koh an nihin an hla sauh a, Baal ho hnenah an inthawi zawk thin a, Milem siam chawpte hnenah rimtui an hal a ni.

³Kei erawh chuan Ephraim chu ka bana dawmin kal ka zirtir a, An mahni ka tihtir a ni tih erawh chu an hre lo.

⁴Mihring hruihrual, hmangaihna hruite chuan an mahni ka kai a; An tan chuan an khabea kawl hlihsaktute ang chu ka ni a, Duat takin an hmaah eitur ka hlui a

⁵Mahse an lamlet duh loh avangin, Aigupta ramah ka tir leh ang; Assuria chu an la ani ang.

⁶A khawpuiahte chuan khandaih a invilik ang a, A kulhte chu a tiboral ang a, A tiral ang, An mahni thu lo rawn avang ngeiin.

⁷Ka mite chuan min hawisan an tum reng a, An nghawngkawl rit tak avangin Chungnungbera an au ang a, Mahse tuma'n an chawikan sak lo ang.

⁸Aw Ephraim, engting nge ka thlauh thlak theih ang che? Aw Israel, engtin nge ka thlah theih ang che? Engtin nge Adama angin ka siam theih ang che? Engtin nge Zeboim angin ka awmtir theih ang che? Ka chhungah ka thinlung a inlumlet a, Ka khawngaihnate chu a in chhem vam ta zawk a.

⁹Ka thinrimna nasa tak chu ka hlen lo ang a, Ephraim chu tihborala ka tin leh tawh lo ang a: Nangmaha awm Mithianghlima chu; Khawpui chu ka rawn luhkhung lo ang.

¹⁰LALPA chu an zui ang a, Sakeibaknei anga rum tura chu: A ni, a rum ngei ang a, Tin, khawthlang lam attangin fate chu An lo tlan dual dual ang.

¹¹Aigupta atang chuan chawngzawng angin, Assuria atang chuan chawngzawng angin thla zap siau siauin an lo kal ang: Tin, an in lum ka luahtir ang, tih hi LALPA thu chhuak a ni.Ephraim chuan dawt thuin mi hual a, Israel chhungte chuan bumnain: Juda pawhin Pathian lam angaihsak lo a, Mithianghlim rinawma lakah pawh.

¹²Ephraim chuan dawt thuin mi hual a, Israel chhungte chuan bumnain: Juda pawhin Pathian lam angaihsak lo a, Mithianghlim rinawma lakah pawh.